السلام عليكم
مساء النور
ماهو الحل الافضل لحرارة السيارة هبلت بي
شيل الثرموستات حق الحراره
الحل انك تتخلص منها فورا ولاتتعب نفسك .. ولمعلوميتك المكينه بالطريق لازم تتوضب من جديد اذا استمر ارتفاع الحراره لانههم مرتبطين مع بعض .. بيعها ولاتغش المشتري قول له المشكله وبراحته اذا يبغاها ..
لاتشيل شي ابد
اول حاجة تسيخ الرديتر وتركب موية اصلية حقت وكالة بدون اضافة الماء لان نها تجي مخففة وغير غطاء الرديتر وتخرط راس المكينة اذا كان موية الرديتر تفور عندك و اذا مانزلت غير الرديتر لانه ممكن انتهى عمرة وحط موية رديتر اصلية بس
شوف
بقولك حل ولاتستغرب
اذا الدينمو تجاري غيره بأصلي
لأن اذا الدينمو تجاري مايعطي كهرب مضبوط ولاتشتغل المراوح بالشكل المطلوب
اسأل مجرب ولا تسأل طبيب
افحص الاشيا الخارجيه مثل الاديتر مراوح الهوا الترمستات طرمبة الماء ايذا كلهم كويسين فك راس المكينه وفحصه عند المخرطه يمكن يكون مشعور ومسحه وغير وجه الراس
اخي الكريم ،
وضح نوع السيارة هل هي دفع امامي او خلفى ، مروحة التبريد الخاصة بالمكينة كهربائية او مع المكينة
اذا السيارة كابريس او لومينا من 2000 وفوق مثلا دينمو المروحة دائما بعد فترة يضعف من الاتربة وخلافه ويصبح غير قادر على تبريد السيارة مع انك تشوف المرواح شغالة .
ولايهونون الاخوان
بعد التسييخ والمويه الاصلي
روح لاقرب كهربائي وخله يوصل المروحه مع السلف مباشره
يشباب الله يعطيكم العافيه غيرت غطاء الاديتر وسيخت الاديتر وشيكت على المراوح سليمة وبلف الحرارة سليم
توقعون وش المشكلة السيارة كامري طيب لو خليت المراوح تشتغل تماتيك طول الوقت يعني ماتفصل هل يفيد او لو غيرت المراوح بمراوح سوبارو او مرسيدس بتغير الحارة
هل طرمبة الماء والدينو اها دخل هي اللي ماشيكت عليها
السلام عليكم ورحمه الله اخوي افحص طرنبه المويه
وحلها سهل جدا افتح غطاء الرديتر وشوف المويه اذا تقلب مو راكده بانه تشغل الطرنبه واذا راكده خربانه
الله يعافيكم لكن المرواح هل يكفي الشد بلد ولا اغيرها
احبابي غيرت البواجي وش الفرق بين راس ولا 3 روس
شوف يااخي زي ماقال احد الاخوان ان كانت المويه تقلب وتغلي في اللديتر فمعناه ان المكينه تحتاج لتوظيب او خرط راس المكينه او ان احد الليات او البلف مسكر
وان كانت راكده تأكد من بلف الحراره ان ماهو مقفل يعني دوران الماءمن المكينه للديتر والعكس سليم ثم شغل المراوح الموجوده اصلا في السياره مع السلف مباشره
الحل المثل اشتريه منك
لاتعب نفسك اسمع كلامي وماتندم وجود الحراره بالسياره يعني انك بتطرد ورى سراب .. بيع السياره على طول وخلك من اللي يقول غير وغير وصيخ ولاتصيخ .. بيروح عمرك وانت تغير كل شي وبتستمر الحراره وباخر شي بتخبط المكينه وهذا شي اكيد .....
تاكد من بلف الحراره
لان اغلب السيارات الجديده بلف الحراره يؤثر على ارتفاع الحراره
اذا هو موجود غيره بواحد شد بلد
واذا مهب موجود ركب بلف شد بلد
فيفادول
الله يعطيكم الف الف الف عافية والله انكم نشامى
بس سؤالي الاخير هو هل المراوح الشد بلد تؤدي الغرض ام اغيرها بمراوح ذات سرعه عالية وايضا فيه ناس تقول خل المروح تماتيك على طول تشتغل هل هذا افضل لو ماحطيتها هل على السيارة خطر
وبالنسبة لطرمبة الموية وديمنو الكهرباء هل لها دخل بالحرارة ؟؟؟؟