ماحد ينفع حد

الخير موجود و انااخوك وسع صدرك

الدنيا لا زالت بخير والحمد لله .

صحيح انه تغيرت الانفس وجد في الامور ما يجعل البعض يحجم عن مساعدة الاخرين لسبب او لاخر . والله سبحانه وتعالى لا يغير ما بقوم حتى يغيرو ما بأنفسهم .

عبدالعزيزمحمد2011

الشكوى لله عز وجل ... اكثر من الاستغفار والدعاء وتوكل على الله ..

فعلا محد لاحد .. كلنا مرجعنا لله رب العالمين ...

وعلى سالفة محد لحد ... استلمت قبل كم يوم وظيفة مؤقتة .. واتفقت مع سواق يوصلني ...

رحت الوظيفة امس دوامي 5 العصر .. ومالقيت شغلي موجود اللي مسئولة عنه و مغيرين كل

شي .. اكلم الادارة الرئيسية يقولوا اصبري لبعد المغرب .. واذا مارجع كل شي روحي .. قلت

مادام فيها مروحة بروح من الآن .. اتصل السواق مايرد ... وفلوس ماعندي ولا اعرف ولا واحدة

من الموظفات عشان استلف منها... واطقها مشي من التحلية لشارع المكرونة ... امشي

واستغفر واسبح واشكر الله اني بعافيتي .. صحيح بكيت وحسيت حالي وحيدة ... ورجولي

راحت فيها من المشي آلام للآن اصيح منها ... بس مالنا غير الله نشكيه الحال ....وصدقني

خيرة وابتلاء من رب العالمين فاصبر واشكر الله اننا بعافيتنا وادعي كثير واترجاه ...

للمعلومية طلعت من الدوام 6:15 وصلت بيتي 7:35 ...

للاسف اصبح البعض يعتمد على الاسباب ونسي مسببها سبحانه وهو من قال ادعوني استجب لكم وهو اكرم الاكرمين واصدق الصادقين وبيده ملكوت كل شئ وامره بين الكاف والنون .ويحب عبده اللحوح في الدعاء سبحانه .

اسأل الله لي ولكم ان يقبل دعاءنا وعملنا وان يفرج همومنا وان يبدل الحزن فرح والشقاء سعاده وان يرزقنا ذكره وشكره وان ييارك لنا فيما رزقنا وهو القادر على ذلك سبحانه ..
لا اله الا انت سبحانك اني كنت من الظالمين .

الا الحمد الله الناس فيها خير الى الان بس صفي النيه وتوكل على الله

انا عن نفسي صادفت وطحت بناس توقف معي بعد توفيق الله ودعاء الوالدين

وايضا طحت بتجارب مريره اخره استلمت قرض وجاني احد الزملاء يدحلس يبي سلف بعد ما عرف ان نزلي قرض والمشكله انا الى طحت بلساني عنده وما توقعت يتسلف مني لانه موظف وعنده خير واول ما سلفته بعدها بشهر ذكرته ولكن لا حياه لمن تنادي وطنشته والى وقتكم هذا ما رجع السلف !!

انا والله مني زعلان بالعكس بان اصله وحرمت اسلف احد عشان لا يمرمط فيني او الحق وراه زي الشحات

عموما الناس الى الان فيها الطيب وفيها السي وانت تحاول تختار وتطلع الطيبين الى فيها

الخير لازال موجود بين الناس ولاكن هناك من يستغل طيبت الناس للغش والخداع والكثير وقع ضحايا لهؤلاء لذلك الناس أصبحت تخاف وتتردد
يعني توقف عند واحد تبي توصله يطلع صاحب سوابق وتدخل في متاهات
بالنسبه لي لا انقطع ابدا ولله الحمد عن اعمال الخير سواء اعرف الشخص او لا ولاكن بكثير من الحذر والابتعاد كليا عن تسليف الاشخاص فقد انكويت كثيرا

ابدا الناس مافيها خير وخاصة الاقارب للاسف والبعض يعرف ظروفك ولايساعدك فعلا احنا باخر الزمان التجار يبخلون بفلوسهم ويصرفونها بالسفريات واليالي الحمراء ونسوا ان الاموال راح يسئولون عنها قليل الي يحب الخير ويساعد نحن ياصاحبي في اخر الزمان الله العالم

لازال في الناس خير
ما تعطلت وطلبت المساعدة إلا وجدتها
ولا مرضت إلا زارني عدد من الناس
ولا زال في الناس خير
وعلاقة الإنسان بأخوانه هي من يحدد معاملتهم له

الآن لما اقف لأي احد متعطل على الطريق .. يقول اتصلت على قريبي .. او يقول اتصلت على الامن الشامل ..

يعني الجوال ماهو مقصر .. الآن صرت اناظر بالجوال في الطرقات السريعة اذا مافيه شبكة وقفت ..

احرجونا يا اخي .. مانبي مساعدة شكرا شكرا .

لكن اكثر شيء يزعل لما يجيك واحد مهمل ماشي طريق ايش طوله وموتره من الموديلات الجديدة ويقول الاستبنة خربانة ويبي استبنة موترك .. يعني تنقذه وتتورط انت .. وارتباط رجع استبنتي .. فين تقابلني .. زي هؤلاء ارميه هو واستبنته عند اقرب بنشر وارجعه اذا كنت فاضي ..

المهم الدنيا بخير .

اما المستشفيات يكفي الاقارب اللزم في الزيارة .. ولا بتتعب من هروج الناس زيادة .

.

استعن باللي خلقك وتكفل برزقك .

ولاتلوم الناس كلهم لأنك ماتعرف ظروفهم وأحوالهم ،
لأن البعض ترى ظاهره أنه عنده خير لكن الحقيقة تختلف عن الظاهر أحيانا .

صحيح أن اللي يوقفون معك في الشدائد قليل ، لكن مانقول إلا الله يصلح الأحوال .

أسأل الله أن لا يحوجنا لأحد سواه.

نعم الحمدلله الدنيا لازالت بخير وستيقى بإذن الله ولكن زيمايقول المثل ؟؟

إعمل الخير وقطه بحر

يعني لاتنتظر من أحد الشكر إنتظر النتيجه من رب العباد وسبحان الله العظيم ما تجيك مشكله إلا ويجيك الحل ودائماً مع الصبر والحمد ينفرج كل أمر وكل كرب

(( اللهم يافارج الهم فرج همي واجعلي من كل أمر مخرجا ))


..................................................................

الخير باقي في أمتي إلى قيام الساعه

مثلما تدين تدان