اسال عن اي سجل تجاري وان شاء الله افيدك

بالنسبه للاخ وارد 14:07:14 2011.07.20
لدي سجل تجارة الجملة في المواد الغذائية ...الخ وانتهى بتاريخ اليوم 20 شعبان وانا مسافر الان :
- هل هناك غرامات للتاخر في التجديد ؟
- وهل التجديد مطلوب له شهادة زكاة وتامينات ؟
شاكرا جهودك سلفا
السجل اذا انتهى يندفع رقيمه رسوم التجديد فرضا منتهي 1430 وتبي تجديد الي 1437 يصير تدفع حق 7 سنوات من تاريخ انتهى الي تاريخ التجديد اما غرامات لا يعني اللي مجدد واللي ماجدد كلهم بيدفعون نفس الشي بالضبط
اما التامينات لو فيه في الجهاز عندنا حظر عليك من التامينات لازم تجيب منهم مخالصه سداد اما اذ1 ماعليك ابد
برنت او دفتر العائله مع اصل السجل واشتراك الغرفه التجاريه ساري المفعول ونماذج ملف اخضر وسلامتك بطاقتك بعد

بالنسبه للاخ saudisale 14:48:12 2011.07.20
الله يعطيك العافية ،،
السؤال شخص عمره واح وثلاثين موظف حكومي لكن في دفتر العائلة المهنة طالب هل يحق له استخراج سجل تجاري ؟ وهل يستطيع تغيير المهنة الى متسبب بسهولة ؟
ولك الشكررر .


ادا انت طالب لاتعدل مهنه ولا شي عشان ماتروح فيها ويحطونك موظف بعدين ماتقدر تفتح شي
ابد ازبن طال عمرك قدم عن طريق النت ويوصلك السجل وانت جالس بالبيت

بالنسبه للاخ Bader20 15:50:14 2011.07.20
أخوي وش شروط استخراج سجل مؤسسه نقل طالبات ومعلمات
وشكرا
سجل الطالبات لازم ترخيص من وزاره النقل بس طبعا لازم يكون معك سجل على الاقل عشان يعطونك خطاب ويكون طالع برقم السجل بس اللي اعرفه واسمعه من المراجعين ان لازم يكون باصات عندهم واستفسر افضل لك من زاره الموصلات والنقل

بالنسبه للاخ بنسل 15:53:22 2011.07.20
سلام ابو فرج اول شي الله يعطيك الصحه والعافيه على هالخدمه ويجعلها في ميزان اعمالكم .. استفساري عن طريقة الغاء سجل تجاري علما بأنه ضايع مني



-----
انت اسهل شي رح للجوازات وخذ برنت ان ماعليك ولا عامل وبعدين رح للتجاره
الصباح وخذ رقمين رقم للاسماء ورقم للسجلات ومن عند السجلات قل ابي مستخرج ( طبعا اذ ا ماعندك صوره للسجل اذا عندك صوره للسجل مايحتاج مستخرج اللي هو برنت ) وبعدين صوره بطاقتك وانتهى الموضوع تعبي نموذج شطب وانت واقف تاخذ الشطب اما اذا كان عندك عمال على نفس السجل لا ماتقدر شطبه الا اذا تنازلت على العمال واي استفسار حاضر

شروط فتح سجل تجاري جديد
ان تكون طالب ويكون عمرك فوق 18 سنه بيوم
ان تكون متسبب ويكون عمرك فوق 18 سنه ولو بيوم
التقديم عن طريق موقع الوزاره النت لاحد يتعب نفسه ويروح للوزاره ترى ماراح احد يستقبل معامله وحده منك

--------
اذا كان تجديد تعديل اضافه نشاط
برنت من الاحول او دفتر العائله ويكون مكتوب فيها متسبب او طالب
طبعا البرنت الاحوال مايعطوونك الا اذا صار معك خطاب من الوزاره يعني لازم تروح الوزاره وتاخذ خطاب للاحول الخطاب تحصله في قسم الوراد والصادر بالوزاره وخذه وروح للاحوال وبعدين ارجع للوزاره ومعك
اشتراك الغرفه التجاريه
بطاقتك الاحول
ملف اخضر
اصل السجل
برنت الاصل او دفتر العائله االاصل
وعب النماذج ومن الصباح خلك بالوزاره عشان الارقام والله يعينك
----------
بالنسبه للشطب الغاء سجل
تجيب برنت من الجوازات ان ماعليك عماله
وبطاقتك وعب النماذج وخذ رقم الصبح وازهله ينشطب ويعطونك شهاده شطب

الله يوفقك ويعطيك العافية والاجر والمثوبة على ماتقدم لاخوانك ....
ثم دخلت على موقع الوزارة وللاسف التعاملات الالكترونية مقتصرة فقط على مدينة الرياض حاليا

حياك الله اخوي وارد
التجديد عن طريق الوزاره نفسها لازم تروح للوزاره

الجديدعن طريق النت

هذا رابط الوزاره
http://eservices.mci.gov.sa/Eservices/

اللي بيطلع سجل جديد يعني اول مره يطلع سجل من هنا
تجديد تعديل اضافه نشاط لا لازم يروح للوزاره نفسها

ابو فرج ما قصرت الله يعطيك العافية كم شخص الحين استفاد من المعلومات يلي قلت عليها اكثر من مليون شخص وانا واحد منهم الله يوفقك .

السلام عليكم ورحمة الله وبركاته
اسعد الله اوقاتك اخ ابوفرج بكل خير واشكرك على المعلومات .
عندي سوال :
اريد استخراج سجل تجاري باسم زوجتي نشاطه :
استيراد وتصدير المحاصيل الزراعية والبذور .
استيراد الآلات والمعدات والمستلزمات الزراعية .
استصلاح الأراضي الزراعية .
استيراد وبيع الاجهزة الكهربائية والالكترونية وقطع الغيار وصيانتها .
استيراد أجهزة الكبيوتر والفاكسات قطع الغيار .

هل بإمكانها مزاولة هذه الانشطة .

حياكم الله وماسويت شي والله تستاهلون كل خير وبالعكس شرفتوني وهلابكم
بالنسبه للمحاصيل الزراعيه لازم تاخد ترخيص من وزاره الزراعه وكل مايخص الزراعه الات محاصييل اي شي فيه زراعه تراجع وزاره الزراعه وتجيب موافقه شي روتيني طبعا

وبالنسبه للاجهزه الكهربائيه تكون على النحو الاتي استيراد وتجاره الجمله والتجزئه ي الاجهزه الكهربائيه والالكترونيه وقطع غياراها واكسووراتها (عشان تشمل الماوس والكيبورد الخ ) وقطع غيارها طبعا مايحتاج تحدد فاكس او تلفون او تلفزيون لانها كلها تدخل تحت اجهزه الكترونيه وكهربائيه
ووتنطبق شروط المراءه مثل ماهو مكتوب فوق في الشروط وحياك الله

جزاك الله الف خير اخوي أبو فلاج

اقصد بالنسبة لاستيراد الآلات والمعدات والمستلزمات الزراعية لابد من تصريح من وزارة الزراعة .
ولك شكري وتقديري .

طيب اذا ممكن هل عندك خلفية عن شروط التراخيص من وزراة الزراعة وش هو المطلوب .

عفوا ابو فرج وليس ابو فلاج

حياك الله اخوي رحال
اللي اعرفه عن وزاره الزراعه ان اللي عندههم كله شي روتيني لان الناس نرسلهم ويرجعون بسرعه يعني ما يتاخرون اسبوع الى اسبوعين بالكثير
المطلوب ان يكون عندك سجل وتكتب خطاب طلب الالات بس انا اخاف تطلع سجل وهي مو مسموح بها بالوقت هذا عشان كذا احسن شي رح اسال بالضبط وش متطلباتهم وبعدين ادخل النت واطلب لك سجل واي استفسار انا حاظر

جعلك سالم
المشكلة انا مب فاضي لكن اشوف احد انشاء الله اوكله وينهي الاجراءات .

وجزاك الله الف خير .

اخوي رحال بالنسبه للمعدات والفواكهه تقدر تحطها بسجل تجاره عامه مع اللالكترونيات
بس هل الجمارك بتقببل الشي هذا ام لازم تكتب معدات زراعيه
انا قصدي تكتب معدات وبس وتجيب معدات زراعيه استفسر من الجمارك لو باتصال
واذا قالو اوك طلع سجل تجاره عامه وريح بالك .

الله يرحم والدك ويوفقك واشكرك عالإفادة .

وياك ان شاء الله والعفو يالغالي ورد لي خبر وانا ا لسبت بشوف وش صار بس ياليت لو تذكرني اشيك لك على التراخيص لان كل اسبوع يطلعون بشطحه بيني وبينك عشان كذا ذكرني وازهل الباقي اعطيك العلم النهائي والشطحه الجديده اللي طلعو بها
والله يسهل امرك ويرزقك بواسع رزقه

انا شفت بموقع وزارة التجارة بعد تحديد النشاط الرئيسي
تحدد نوع التجارة : تجارة الجملة والتجزئة
تحدد النشاط الفرعي ومن ضمنه الادوات الزراعية ( شو المقصد من الادوات الزراعية هي نفسها المعدات ) واسف عالاطالة واتعبتك معي .