السلام عليكم ، يا إخوان نحن ساكنين في شارع صغير و هذا الشارع عرضه 8 متر و الجيران متفاهمين ان كل واحد ما يحط رصيف عشان ما يضيق علينا الشارع أكثر، طبعا الجيران ماشيه امورهم زي العسل و متفاهمين في المواقف ولو وقفت مكان جارك يعرف من انت و يأخذ مكانك بكل حبية ، و في بيت جداره بجدارنا صاحبه بناه من 9 سنين و تركه مهجور و البيت على زاويا جزء على الشارع اللي عرضه 8 متر و واجهة بيته على الشارع الثاني 15 متر عرضه. الجيران متفقين محد يوقف بوجه بيته حتى ولو كان محد ساكن فيه. و نوقف في الشارع 8 متر . و المواقف جايه على قد الجيران. مالكم بالطويلة. الرجال قبل 5 شهور سكن بيته المهجور و جاء تمشكل مع الجيران و قال لا اشوف واحد يوقف في النافذ (شارع8 متر) ، قالنا له يا رجال ما تحتاج الموقف رأس مالك سيارتك اللي بالكراج و سيارة ولدك اللي عند الباب و نحن سألنا المرور وقالوا حقك الواجهة فقط ، عاد عصب و حط موتره على كراج جاره عناد و جاره يكلمه طلع الموتر ابغى اطلع سيارتي ولا عبره، المهم الجار بعد ساعة كلم المرور وقال في واحد مسكر كراجي جاوا المرور كلموه ورفض يشيل سيارته ، جابوا السطحة و على الحجز ، عاد الرجال زعل يقول ناس ما تقدر الجار ههههه . الان صار يترك الواجهة فاضية والكراج فاضي و يوقف سيارته و ولده بالشارع الصغير و جاب سيارة سكراب نزلها بعد عشان يكمل كل المواقف اللي بالشارع الصغير، و مركب كاميرات عشان يراقب الشارع برأيكم وش نسوي فيه وش الحل؟