ما ارد على رقم غريب .. من اغبى التصرفات

ليش معصب طيب

دع الخلق للخالق

لو انها بنت كان ممكن انها ما ترد على ارقام غريبة ... بس الطامة الكبرى يجيك رجل و يقول ما ارد على ارقام غريبة ؟؟؟ ليش خايف على .... هههههههههههههه

المهم في قصة حصلت لواحد اشترى سيارة كورولا وطلع غطا المكينة مكسور و الوكالة رفضت حل المشكلة وراح اشتكى لوزارة التجارة ... و في اليوم الثاني اتصل عليه مندوب من الوزارة بس ما رد عليه و بعدها اتصل عليه اكثر من 10 مرات ولا رد عليه والسبب انه ما يرد على ارقام غريبة

بالله هذا وش تسوي فيه ؟؟؟؟

فعلا بعض الناس عندهم هالاعتقاد يخافون من المجهول والبعض الاخر يستخدمه كاسلوب فيه غرور ونعره حتى ان مره واحد من الشباب حصله له هالموقف وكان خوينا يقول وش دراني انه انت طيب ياعبقري رد عشان تعرف .

أي واحد ما يرد على أرقام غريبة أمره مشكوك فيه

واحد يطلبه دين وما يبغى يرد

واحد عنده مشاكل وخايف

واحد عليه أقساط ويتهرب من البنك أو الوكالة

والله صادق .. ناس نفسيات

ويكون دائما رد الناس عليك وش فيك خايف من الديانه !

هذا السؤال الوحيد للي ما يردون على جوالاتهم


طيب فيه ناس ما عليها ديون ولا حق مشاكل ولا جرائم لكن للهروب من الازعاج لا يردون على الارقام الغريبه اذا كان شخص يحتاجك بالتاكيد سوف يرسل رساله على جوالك بانه انا رد يبو .

لكن اليوم مع برامج اظهار اسماء المتصلين مثلا اذا حكومه اكيد بيظهر الاسم
على برنامج مثلا نمبر بوك او غيره وبهذه البرامج اصبح الناس مرتاحين نوعا ما من ناحية اسماء اصحاب الجوالات الغريبه التي تتصل عليهم .


عدم الرد ممتاز من ناحيه و مشكله من نواحي اخرى قد تضيع على نفسك فرصة فوز بجهاز او اللي متصلين من الخارج بأنك ربحت ملايين ههه خرطي

سبحان الله كل وطبيعته
انا ما اشوفه عيب
بعض الناس انطوائي الله خلقه بهذه الشخصية
ما يحب الاختلاط بالناس وكثر الاتصالات
فلا تقارنه بواحد شخصيته اجتماعي واذا ما جاه خمسين اتصال في اليوم يجيه اكتئاب

هذولا مافيهم خيير ولا يبون احد ولا احد يبيهم
الدين والناس ووو... الي مو قد الشي لايجييه
احسن لايردون بدالهم عشره ...

صراحة علي حسب طبيعه الشخص يعني واحد عنده تجاره وحلال ومايرد علي ارقام غريبه ممكن يضيع صفقة وممكن شخص مو اجتماعي ومايحب الازعاج ممكن مايرد او ممكن يكون احد متصل عليه ويطلبه فلوس او عليه مشكلة

معك حق

انا صراحه ارد غالبااا على طول اذا الاتصال الصباح..
لان الرقم مسجل بدوائر حكوميه وبنك وزميلات ..والمطفره تتصل مع رقم اختها او امها..

بالليل ارد واظل ساكته اشوف المتصل الصوت ..
والحمد لله 9 سنوات رقمي

ماواجهة مشااااكل بالجوال..
فاتطمن الحمد لله..


..

وصدقت ممكن الاتصال طارىء او مهم ...



معك 100%

افرض الي يدق شخص يطلبك افرض الي يدق شخص ماتبيه
افرض فيه شخص نشبه

أي واحد ما يرد على أرقام غريبة أمره مشكوك فيه

واحد يطلبه دين وما يبغى يرد

واحد عنده مشاكل وخايف

واحد عليه أقساط ويتهرب من البنك أو الوكالة

المصيبة في ارقام دولية غريبة عجيبة

مرة ربحت مبلغ 100 الف ريال من الوليد بن طلال يكلمك واحد باكستاني يطلب بياناتك للتحويل

مرة الشيخ فلان بن فلان انت عليك سحر و لازم افكه لك و جاني رقمك بالرؤيا - غالبا كلامه افريقي مكسر

الادهى و الاطم جاني ايميل عن عرض عمل بشركة عالمية لها وكالة توظيف خارجية و انا صافهم ما ارد عى الجوال خوفا من النصابين و المحتالين و ارسلولي طلب استفسار نهائي عن الوضع !!

المكالمات المحلية بسيط امرها - بس المشكلة الاخرى الجوال دائما على الصامت !!

و الله يستر

^^^
طيب هو حر يرد على الي يبي و تبرير انه يمكن يتصل عليك واحد اذا فزت بجائزه. ما عندنا احد يجيه اتصال اذا فاز بجائزه ما فيه الا رسائل البنوك وساهر. والان رسائل وزاره الصحه بسبب كورونا 10 رسائل في اليوم. الضاهر جاهم وسواس

واذا على الدفاع المدني بيتصل اذا احترق بيتك. تاكد ان البيت بيحترق والحريق بينطفي والدفاع المدني ما وصل واذا وصل. يكون الوايت فاضي بدون ماء

الا اذا قصدك الي يتصلون يبون يعرفون وينك ....!

^^

طيب فرضا رقم غريب يتصل فيك مره ومرتين وثلاث ومارديت وبعدها بكم اسبوع يدق مره ثانيه وترد ويقولك انا حصلت محفظتك اللي فيها بطاقاتك طايحه وبعطيك اياها وانت اصلا لما كان يدق وماترد كنت تركض بين الدوائر الحكومية والبنوك عشان تستخرج بدل فاقد !!

شفت شلون لو انك راد كان وفرت ع نفسك !!

سبحان الله اختلفت الاراء لكن يبقي كل شخص مسئول عن جواله

يعني جاك اتصال ومارديت وممكن تضييع علي نفسك امر عظيم وفي نفس الوقت ممكن يكون خبر سي او واحد يطلبك مال او مشكله

بالنسبه للرجل اللي مايرد اعتقد مديون او وراه امور مشروعه او غير مشروعه
اما المرأه لا تلام ولو ردت ايضا لا مشكله فلا اعتقد كل يوم سيأتيها رقم غريب .