يااخوان انا انسان عمري 25 سنة
متزوج لي سته شهور وبوظيفه ممتازه براتب يفوق ال15 الف
يااخوان والله مدري كيف افاتحكم بالموضوع لكن الشكوى لله
انا انسان شبعت منكم من العيش معكم ومع الشعب السعودي بأكمله
لاتقولون بيني وبينكم مشكله
لا والله ,مابيني وبينكم الا كل خير
بس الواحد ياخي يمل ويطفش من المتكررات
ابغى اعيش حياه ثانيه ابغى اسوي اللي اتمناه الحين ابغى اسوي شي استثنائي
هدفي غير هدفكم بيت وسياره واسافر واستراحه وعمل ومجمعات وبحر وقهاوي
ماعندي إستطاعه اني اقعد على هالاشياء واخليها دورة حياتي لين اموت 40 او 50 او 60 سنه
*****
طبعا اكبر مبلغ اقدر ادبره بالسعوديه سواء قروض من العمل او من البنك بيطلع لي حوالي 400 الف ريال
*****
قررت اخذ زوجتي واخذ هالمبلغ واطلع لاي دولة ريفية او ثلجيه وللحين ماقررت
اروح بيلاروسيا او سيبيريا او الاسكا او جزر المحيط الهادي حتى يمكن المحيط المتجمد الشمالي او النرويج
الزبده اطلع من عندكم وافتك منكم
*****
تدرون وش الشي اللي بيحزّ في خاطري وراح احزن من هالروحه غير فراق والديني
سيارتي الماركيز08 والله اني شايل همها حيث اني متعلق عاطفيّاً بها بعد المدام,أرجووكم لاتقولون جماد مايحس
ربي قال حتى الحجر يسبح له وانا وربي احبها
ياأخوان انا بيدي القرار وانا الرجل وبإمكاني غداً اطبق هالشي وصحيح بيترتب على هالقرار الغير مدروس جيدا بعض السلبيات لكن سأتحمل هالشي
اكبرر خوفي أظطر غداً وارجع للوطن اللي ماأبغاه
افيدوني بنصائحكم
وبعد ماتطلع من هالروتين وتدخل في روتين آخر تتوقع ماراح تزهق ؟!! صدقني كل الحياة روتين ولكن المحظوظ من استغلها في طاعة الله وزيارة الاقارب وصلة الرحم وزيارة المريض وجمع الاصدقاء وربط اللسان عن قال فلان وقال فلان . ومنع النفس من صنع او نقل اخبار تسئ لبلده وتثير الفتنه
نفس تفكيري , صدقني
ولكن أقصى مبلغ بيطلع لك من البنك على حسب راتبك تقريبا 300 ألف ريال
وحاول تهاجر دولة جميلة وتفتح مطعم وتشتغل فيه انت والمدام , منها تغيير جو ومنها تسدد القرض ومشروع تجاري ولا تنسى كفيلك تحول له كل نهايه شهر
واذا على سيارتك , عطها عامل يشغلها لك بالمطار تاكسي
انت تصلي في المسجد ؟
التفكير في التجديد امر لا بد منه
لكن على راي المثل . . من طلع من داره قل مقداره
هذا مثل صحيح
ممكن اعطيك فكره انك تشتري عقار بأي منطقه جميله وكل ماجاتك اجازه اطلع وعيش بره شهر شهرين وارجع
وبعد ماتكبر وتتقاعد تصير تعيش بره ست شهور وترجع ببن اهلك وناسك وبلدك وحد يقولك فيها مرحبا ومساجد تأذن تسمع فيها ذكر الله
واعلم اخي انك لو رحت المريخ وقلبك ماهو.عامر بذكر الله وهمك الدين واهله فمافي فايده من هجرتك نهائيا
روح سوريا وصدقني لتلاقي حياه ثانيه وان مالقيتها بالدنيا تلقاها بالاخره
لاتعليق ....
ياخى باب الرزق مفتوح للجميع ولامانع أن تهاجر كثير سافرو خارج بلدهم وانفتح باب الرزق حتى قديمآ كان العرب يسافرون عبر البحار والبر بعيد عن بلادهم للطلب الرزق
انا مؤيد للهذة الفكره لانى مريت بهذة التجربة ولكن وطنى هو الاساس لأنه هويتك أحمد ربك
رغم سلبياته الكثيرة لكن بلدنا أفضل مافيها اسلامنا لن نجده بأي مكان أخر والله يصلح الحال والأحوال
الحمد لله على كل حال
الي مثلك مافيه خير اكيد فراقه خير
روح وحساب اليموزين علي بس انت اذلف
نصيحة لوجه الله ما دام والدينك احياء فرصة برهما واحسن لهما وضع لك برنامج يومي لبرهما وسوف نجد السعادة والانشراح في حياتك ترى اذا رحلوا عن هذه الحياة ستجد بأن طعم الحياة لا طعم لها
طيب والوظيفة أم 15 ألف وشلون بتتركها وكيف تعيش بقية عمرك خارج المملكة على السلف والقروض التي ستبقى في ذمتك لتسددها ؟
قصتك خيالية وغير قابلة للتطبيق ..
فرصة عظيمة ،، اخدم والدينك ،،، ولن تجد مثل بلاد التوحيد ،،،
رضيت حرّها وغبارها
رضيت غشها وخداعها
رضيت ظلمها وفسادها
لاجل توحيدها واذانها
التذكره والسكن والاكل والشرب اول 6 شهور على حسابي وابضحيلك كل سنة وابعمر مسجد باسمك "" بس تنازلي عن الوظيفه ""
ياخي عطني راتبك وسكني في غرفه موافق ((انت من نوعية اللي ماتقدر النعمه )) ام الفله تخيل راتبي 15 الف
ومتزوج بعد ياخي انت في رغد
ياشباب صاحب الموضوع يستهبل وانتوا مصدقين الله يشفيك بس
1. بقلم: ابورامي3
ياخي الروتين اللي انا فيه عايش فيه قدامي 20 مليون مواطن
ماصار روتين هذا اسمه دورة حياه كامله اعيشها واشوف الناس تعيشها وشبعت منها
واتوقع لو غيرت الروتين راح اجدد اشياء كثيره في عقليتي وجسمي واتوقع حتى الخلايا
2. بقلم: دار
كلامك جميل لكن النقطة الأخيره أثارت عصبيتي فتبّاً لك
4. بقلم: النورس2006
فكرتك بنج مؤقت ولاتناسبني
5. بقلم: massiri77
رحها انت
7. بقلم: خدمات2009
سفرتي برا مالها شغل بطلب الرزق
9. بقلم: ابوعمور
تحرر من التعلق بالأشياء التي تستعبدك وبالتالي ستتحرر من خوفك
11. بقلم: الراية
القروض ماهي الا حق من حقوقي المسلوبه استطعت اخذها بطريقه قذره كقذارة العالم اللي نعيش فيه
14. بقلم: AMG-63
الحمدلله لكن انا عايش في عبودية القرن العشرين وهذا مالا أطيقه!!
طيب عطني وظيفتك قبل ما تمشي لاتنسى
دار كرم
كرم دار
رضوان
M1900M
عضوية هذا الشخص قبل يوم واحد فقط
ويقول مليت منكم والربع مدرعمين ع العميا
اعتقد بأن كرم عاد من جديد وبعضوية جديدة وسلامتكم
وفيه عضو قبل كم يوم طل علينا وبعضوية سته ايام كلها تعود لصاحبنا كرم
هههههههه
عذراً لم انتبه للرد رقم 2
شاهد كيف يرد ع نفسه
ويفضح نفسه بنفسه يقول نفسك تفكيرك
طيب ياطيب