صبحكم / مساكم الله بالخير كل عام وانتم بخير ومبروك عليكم شهر رمضان وتقبل الله منا ومنكم الصيام والقيام ...،،، معليش أبطيت عليكم لي فترة مادخلت المنتدى ،، أشغال والله وانتم عارفين الدنيا تلاهي ... المهم بحكيلكم قصتي مع راكب شايب ومعه ولده شلته من النقل الجماعي اللي بالعزيزية يبي معهد الدفاع المدني بيسجل ولده عسكري قال لي تعرفة قلت معرفة لكن بتصل على واحد يمكن يعرفة اتصل على زميل لي على بالي انه دليلة ..قال لي بالعقيق معهد الدفاع المدني قطيب ياطيب .. ركبت الشايب قلت للشايب لية متروح تستاجر وترقد وفي الصباح تروح للمعهد قال والله ماانام حتى اشوف مكان المعهد بعيني ذي .. المهم انتم عارفين المشوار وطوله من العزيزية الى شمال الرياض المهم وديتة العقيق ومالقينا المعهد لقينا عسكري يقول لهم ست شهور ناقلين الناصرية جمب مرور الناصرية وتقفل معي قلت ماني رايح ومسامحكم بالفلوس انزلو الوقت كان ليل ويوم جمعة وتعب المهم تهاوشت معهم شوي وزودوني شوي في حق المشوار ...وتوكلت على الله ماشيا مبتسما بعد الزيادة الى الناصرية ووصلتهم ..!! _______________________________________________________ النقاط المهمة في القصة : يوم انا والشايب في الطريق قبل ماأوصلة كنا نسولف وندردش يقول لي الشايب : رحت لخوي أمام مسجد في الامارات زيارة أظن قال ابو ظبي .... يقول قال له أخوه اللي بالامارات أنه جاهم أمر بمنع الاذان بالمساجد بالمحافظات الاماراتية . يعني أذا جا وقت الاذان يخش الامام المسجد ويحط الميكروفون عند المسجل عشان ينقل الاذان من الراديو ويقول بعد الصوفية متمكنين بعض الشئ بالامارات وبدو ينتشروا فيها ومنهم السودانيين ومن المحاربين لشقيقة ويسمونة بالوهابي عشانه سعودي ... ولايدري اخوي وش يسوي يرجع للسعودية ولايصبر عشان لقمة العيش .... أنتهى تعليقي : مصيبة اذا هذا حصل بالامارات والله كارثة بلد سني يحارب الاسلام .. الله المستعان ^^ سواق ليموزين _ من المكافحين بالحياة ^^