السلام عليكم ورحمة الله وبركاته
اللهم صلي وسلم على سيدنا محمد عليه الصلاة والسلام
ياجماعة الخير عندي 85 الف ريال
وابغا اخذ سيارة نظيفة او جديده
ايش تنصحوني من باب تجربتكم وخبرتكم
علما بان يوجد لدي نية اوريون 2013 اخذها من المعارض << بس ماادري كم سعرها كمان؟ ^ اصفار ^
وكيف استعمالها خوفوني بخصوص الجربوكس حق الاريون يخربوعليه كلام ومشاكل ( وانا حاطط الي عندي كله في السيارة وماابغا اورط واتوهق وما خاب من استشار )
ويش تنصحوني
افالون 2010 او اوريون 2013 او كامري 2013
ارجو منكم الاجابة من واقع خبرة وخاصة من لديه اوريون 2013 او 2012
والله يجزاكم كل خير
ادخل على منتدى تويوتا العربية
قسم الاوريون ــــ تجمعات مالكي سيارات الاوريون
انشالله تجد كل شي
قطع غيارها غاليه وانا افضل الكامري عليها لرخص قطع غيارها وكثرة الطلب عليها والاخوان يفيدونك
فر من الاوريون فرارك من الاسد القير مايعيش وفيه قصه لواحد من الشباب هنا مع قير الاوريون وتيوتا .... وزوج اختي كانت عنده وحده 2011 خبط القير وهي ماشيه 45000 وغيروه على الظمان وراح قبلها وفتك منها
اخوي انا عندي 2011 وخبط القير يوم انتهى ضمانها وماشية 103000 والقير جديد في الوكالة ب 27000 وضمانه 6 اشهر
والتشليح من 7000 الى 12000 وبضمان مايزيد عن شهر
سياره حلوه بالنسبه لي ومريحة لكن عيبها القير
بإذن الله خلال يومين بحط قير تشليح لسيارتي
انا انصحك بالكادينزا بصراحه سياره توب وافكر اقتنيها عليها ضمان 5 سنوات مفتوح الكيلوات وسعر الستاندر ب85000 بس بعد ما اصلح سيارتي بشاور نفسي ابيع ولا والله يكتب لك ولي مافيه الخير