عملية تكميم المعدة !

هذا مشهد للعملية من ال أ إلى ال ب

http://www.youtube.com/watch?v=qOhhEXhl-qA

وهنا الدكتووور القحطاني يتحدث عن العملية ..

طبعاً ف اليوتيوب كثير مقاطع للدكتور القحطاني يتحدث عن العملية

لكن هذا المقطع .. مع المذيع علي

الله يجزاه خير هذا المذيع ... أسئلته صراحةً ف الصميم

http://www.youtube.com/watch?v=Zvha9kA0izM

أتمنى من الأحبة الذين أجروا العملية يفيدوووونا عن تجربتهم ..

أخوي صباح الخير بالنسبه للنوعيه هذه ماعندي عنها لكن عمليه تحويل المسار وهي تندرج لنفس الهدف وهو التخفيف للوزن أخوي الصغير سواها ودخل في غيبوبه نزيف ولله الحمد والمنه انه تعافا مؤخرا ودخلنا في مواضيع لا لها اول ولا تالي منها السيوله في الدم .وجارنا بنته توفت من نفس العمليه .أخوي أعطيك نصيحه أخو أذا ما كان وزنك كبير يعني أنت أنسان عاجز عن المشي والحركه بمعني أنك زي الشخص المقعد ووزنك فوق 200 أو 300 كيلو لا تحاول أو حتي تفكر تسوي هالعمليه أو اي عمليه خاصه بتخفيف الوزن ما دام عندك البديل وهو أتوكل علي الله وسوي برنامج تخسيس والنادي الصحي والرياضه وأنتبه من العمليات غيرك سواها يمكن ونجح لكن أنت يمكن تصير زي أخوي اللي الأن شبه عاجز من الأمراض وهو كان بأمكانه يسوي تخسيس ورجيم ورياضه لكن كان يبي يختصر الوقت .في النهايه نصيحه أخو أنحش بيدك ورجلك من النوعيه من العمليات لا تغرك البهرجه في اليوتيوب النتايج غير مضمونه وانت منت محدود والله يسهل أمورك

اعرف وحده زميله زوجتي في العمل كانت ما شاء الله وزنها يمكن 120 كيلو لنها كانت احيان تروح معنا انا وزوجتي نوصلها بيتها على طريقنا وكانت اذا طلعت السياره ماشاء الله تحس بالشخص اللي وزنه زايد لمن يطلع السياره السياره تهتز وخاصه اذا معي الاكسنت .. راحت وسوت عمليه تكميم للمعده في مستشفى جده الوطني الكنده عند دكتوره تعرفت عليها ب 30 الف ريال وشالولها الجزئ اللي يحسسك بالجوع ويرسل اشاره للمخ وعطوها اجازه شهر… .
وما تشرب غير عصيرات طبعا هي ماعندها سكر ولا ضغط والدكتوره قالت لها بعد شهر تقدري تاكلي على خفيف

بعد فتره يمكن 3 شهور سالت زوجتي قالت نزلت تحت الميه
بعد سته شهور وزنها 70 الان تطلع معنا السياره ما احس انها طلعت السياره الى لمن تصك باب السياره ما ادري كم وصل وزنها الحين يمكن في ال 60
تقول ما احس بالجوع نهائي ولو اقعد كم يوم ما ادري انا اكلت ولا لا
واحيان امها تذكرها بالاكل انتي ماتغديتي او ماتعشيتي
وزميلاتها بالعمل
الحين لها سنه من عملت العمليه وما سمعت عن زوجتي انها قالت انها تعبت او صار لها شي… ..
اتمنى اني افدتك
زوجتي كانت بتسوي نفس العمليه وزنها 80 قالت لها الدكتوره ماتحتاجيها هذي للاوزان الكبيره لكن نحطلك بلونه بالمعده تشعرك بالشبع لمده 6 شهور وبعد كذا نشيلها ينزل وزنك 15 كليلو او اكثر ب 10 الاف ريال
انا رفظت وهي ماعجبتها الفكره اشتركت في نادي ونزل وزنها بدون مشاكل

تو دفنا شاب رحمه الله سوى من هذي العمليات مدري شسمها ...

اهلا




5. بقلم: ابوزفره

شالولها الجزئ اللي يحسسك بالجوع


كيف عايشة دي !!

لا لا لو يكون وزني كم ما افكر اسوي هالعملية


اصلا انا ما كنت احس بحرقة بالجوع ( احس برغبه للاكل فقط ) من قبل و استغرب من الناس يقول مو قادر بضني يعورني جوعان

لأن كان عندي مشكلة بالمعده زيادة حموضة واستخدمت ادوية لسنين عديده قبل كم سنة صرت احس بحرقه بالجوع


انا وزني اتوقع طالع عن المية لأن قبل 3 سنوات كان 96 وللان وزني ارتفع اكثر

ولكني ما اكل كثير ولكن جسمي من النوع اللي يخزن

وما فادني الا المشي ضعفت مررره ولكن من تركته رجعت مثل الاول و اكثر

السلام عليكم

أنا بعرف وحدة عملت هادي العملية في الأردن عند الدكتور محمد خريس هذا رابط موقعه

http://drkhrais.com/index-1ar.html

كان وزنها 82 الحين 48

صحيح العملية نجحت 100% وما صار فيها أي مضاعفات

لكن طبعا في أشياء كتيرة اتأثرت كنتيجة لقلة الأكل



صار يتساقط شعرها ومع انه كان شعرها كثيف جدا وجميل الان صار جدا خفيف

طبعا لازم تاخد مكملات غذائية من فيتامينات ومعادن طول العمر والا بيصير معها فقر دم
غير انه صار شكلها زي العجوز من شدة نحافة الوجه

وبالنسبة لرأيي لو انها اشتركت بنادي ونزلت وزنها ل60 كان حيكون أفضل لها صحيها وجسديا وكان حيكون شكلها أجمل من الان

واعتقد انه ما في داعي لأي شخص قادر انه يعمل تمارين رياضية ويتبع نظام أكل صحي انه يغامر ويعمل هالعملية

كل القصة بدها ارادة وبس

وطبعا قصة الرجيمات المجنونة مضرة جدا وبمجرد ما يوقفها الشخص بيرجع يكتسب الوزن

لكن التصرف السليم اتباع نظام حياة صحي للحفاظ على الصحة والوزن المثالي طول العمر

تحياتي

:)

أهرررررررررررررررررررررررررررررررررب منها


العملية ليست بالبسيطه ولها مضاعفات خطيرة !


أنت قاعد تقص شيء خلقه الله !


أقسم بالله أعرف أثنين ماتوا بعدها

وأقسم بالله أعرف واحد الان يعالج له أكثر من ثلاث سنوات
ما يقدر يأكل مع الناس وحالته حاله مريض وهزيل وبيموت شكله

وآخر واحد زميل لنا في الدوام أجراء العملية قبل شهرين وإلى الأن غايب
ومن فترة لفتره يرجع المستشفى يدخل العنايه يصير معه مضاعفات


أنا مالي مصلحه في ترهيبك في الموضوع لكن هذا ما رأت عيني
من غير اللي سمعته من الزملاء والاصدقاء

أبعد عن الشر وأمسك العافيه

نصيحة أخ محب
ابعد عنها بإختصار

خلقة الله مامثلها اصبر وصابر وعليك بالحركه اشتغل باي شي اذا عاجز ماتقدر او كسلان
شف اصغر غرفه بالبيت وخذلك بوالين حقت الاطفال والمناسبات ونم على ظهرك وحاول ان البوالين ماتنزل الارض يعني حرك رجلك وراسك ويدك اسبوع الا وجسمك بداء ينشد سوف يغادر الكسل وتتحمس للمارسة الرياضه ملاحظه البالونات انفخها بهواء عادي مو غاز اقصد الهليوم عشان تنزل الارض ولا تظل عالقه بجدار الغرفه ترى ذي مجربه وتنفع للجميع حتى الى وزنه عادي لانها لاتسبب ازعاج بالبيت وتثير اللحماس وكل اسبوع اوزن نفسك ستجد نتيجه مشجعه باذن الله
اسال الله ان يشفي مرضى المسلمين

اعرف كثير سوووها ونجحت 100% وبعضهم وزنه معقول ولاكن مثل اصحاب السكر
( اللهم يعافيهم ويشافي جميع المسلمين ) يخف عندهم السكر ولا يحتاج علاج الا قليل
لان اكله يقل وحتى لو اكل ما تمتصه المعده لان حجم المعده صغر

والله اعلم

السلام عليكم

انا سويت عملية التكميم ونجحت ولله الحمد ونزل وزني الى 70 كجم من وزن 135 كجم

العمليه ممتازه وفعاله

واخطار السمنه اعلى من خطر العمليه

انصح بها

جلست مع بعض الشباب ممن عمل العملية ..
وتعرفت على معاناتهم قبل العملية وبعدها .. نسأل الله السلامة ..

البعض للاسف يعملها " برستيج " ويعني اني ابغى اصير رشيق ومن هالكلام ..
وهو ماهو بحاجتها .. لو ضغ على نفسه بشوية تنظيم للاكل ورياضة ماراح يحتاجها .... ولكن البهرجة اللي مالها داعي .. زي العجوز اللي تسوي عمليات تجميل نفخ وشفط وتنفيخ و إلخ


بخصوص من يحتاج العملية فعلاً .. توقعي من يزيد اوزانهم عن 140 كيلو جرام ..
لانهم يعيشون معاناة ..
احدهم قال لي .. اعاني قبل العملية من عدة امور .. صحيح انه عايش الحمدلله .. ولكن معاناة تجلس معي عمري كله .. واذا اجريت العملية .. المعاناة بتكون شهور بسيطة ماتتعدا 3 أو 4 أشهر وبعدها ارتاح ...

من معاناته قبل العملية :
- احتمال إصابته بجلطة في القلب " كبير جداً " بسبب نسبة الدهون والشحوم .
- معاناة في الحركة والمشي .. وتأثر الركبه والرجل من ثقل الجسم .
- اذا رقد لازم احد يجيه كل شوي عشان يقلبه من الجنب اليمين لليسار والعكس لو شوي ..لان الجزء اللي بينام عليه يتخدر وهو مايقدر يميل نفسه ويقلب .
- معاناة اكرمكم الله في دخول الحمام .. فلا يستطيع الجلوس على اي كرسي .. لازم كرسي كبير .. والمعاناة هذه معاه اذا استأجر شقة مفروشة او فندق فلازم يدور شي كرسي الحمام كبير ويتحمل ..
- معاناة عند الغسيل بعد قضاء الحاجة ..
- معاناة في ركوب السيارات .. لازم جمس ولا فورد ولا شي يشيل الرجال و كذلك الطيارات لازم حجوزاته درجة اولى عشان السياحية ماتكفيه .. الا اذا الرجلة فاضية يفتح له كرسين على بعض ويالله تشيله ..
- امراض عدة من السمنة ..
- معاناة صعود السلم في حالة ذهابه الى مكان يتطلب صعود درج ولو دور واحد فقط ..
- معاناة في اللبس .
- معاناة عند الاستحمام ... " قالها مازحاً عمرك تحممت اقساط " :)


امور كثيرة يعاني منها قبل العملية ..
ومن المعاناة بعد العملية

- التعب من العملية .
- قلة الاكل ..
- فقد الشهية
- الترجيع المستمر في اول ايام مابعد العملية
- بعض الاعراض الجانبية او التي تسببها العملية " لاقدر الله " في حالات قلة .


فقالها هو اتعب شهرين ثلاثة ولا اتعب العمر كله ..

الحين نظام البلونه
تبلع كبسوله وتكبر بحجم معين
وبامكانك تاخذ بلونه او ثنتين او ثلاث
على حسب السمنه
وماتاخذ خمس دقايق اذا تم بلع الكبسوله بالمنظار ينفخها لك
ومتى ماحبيت تشيلها برضوه خمس دقايق
شفته على اليوتيوب مستشفى سليمان الحبيب

انا والله افكر اسوي ربط بس العملية غالية تكلف 35 الف ولا عندي قدرة مالية بصراحة السمنة تقتلك في اليوم الف مره

كلام جميل ....


من خلال قراءتي ومشاهدتي لهذه العملية وتجارب من فعلها والاطباء

اكتشفت أمراً .. !

الان انا لو اقول لك ي صديقي علمني وش اكلت البارح ؟

يعني النوع وليس الكمية

أنا مثال / ماء حليب سكر بيض خبز ثوم بصل رز لحم بندووورة خيار ملح شطة جبن حلاوة زبادي خبز شاهي نعناع بن هيل

وعساني مانسيت حاجة ههههه

_ اللي سوا العملية ... بطنه صغيرة جداً جداً

ف إن أكل نوع واحد فرضاً بيض مسلوق .... بطنه تمتلي خلاص ولاعاد يستطيع إضافة شيئاً عليها

من شان كذا يضعف جسمه لأنه يقل تنوع الاكل وبالتالي تقل عنده كثير من الفيتامينات .

لذلك ... أنصح من عمل العملية أن يهتم بالكيف لا بالكم من ناحية الاكل ويحاول ينوع كثيراً .. مثلاً إن جاب سمك مو يطيح ف الرز .. لا كل سمك ورز قليل وهكذا

ماقصرتم ي شباب الله يعطيكم العافية

رد رقم 14. بقلم: وسيط2007 كلام 100 % اوجزت فاوضحت شرحت وكفيت و وفيت

يا شباب
انا اكبر من كثير منكم سنا و مصاب بعدة امراض يقال عنها مميته لكن بالاراده و بالامتناع عن اكل الكاربوهيايدرات تماما و الاكتفاء باللحوم و مشتقات الالبان و كثير من الخضروات و بعض الفواكه قليلة الكاربوهايدرات انزلت وزنى 22 كيلو فى مده وجيزه لحد انى ادخلت المستشفى بسبب الضعف العام اللى اصابنى و لو لا قلبى الضعيف لكنت انزلت الوزن زياده لكن للاسف القلب لا يتحمل الجهد. انا افهم ان العيش فى امريكا يسهل الخميه للجاد بسبب توفر اغذية الحميه لكنه مؤذ فى نفس الوقت لتوفر و رخص المؤكلات و كل ما هو ملئ بالسعرات الحراريه و الكاربوهايدرات.
لكن الاراده هى العامل الاكبر.
الغرض من كلامى هذا هو ان التوقف عن عن الكاربوهايدرات هو تسعة اعشار الحميه و الحركه تؤدى الباقى.
تذكروا ايام الرسول عليه و آله افضل الصلاة و التسليم كانوا ياكلون قليلا جدا فكانوا خفافا نشيطين و هذا كان من اسباب انتصاراتهم لانهم كانوا اخف بكثير ممن واحهوهم ممن كانوا عظام الاجسام و مدججين بالتروس و الدروع.
المهم و لصاحب الموضوع، عمليات مثل هذه لا يقدم عليها الا اصحاب الاوزان الثقيله جدا (200 كيلوا فما فوق) الذين فد لا يسعفهم الوقت ليمارسوا اى نوع من الحميه قبل زوال الآثار المميته للسمنه كما حصل للاخ قبل اشهر الذى لم يسعفه الوقت و توفى رحمة الله عليه قبل نقله لامريكا.
اتكل على الله و جرب حمية الكاربوهايدرات او الكارب دايت كما تسمى بالانجليزيه.
بالمناسبه عرفت مؤخرا ان ما نسميه الحمر (بضم الحاء و فتح الميم) فى الحجاز و يسميه اهل مصر تمر هندى و يسمى بالانجليزيه تامريند و هى كلمه محرفه من الاسم المصرى، اقول عرفت انه مانع ممتاز للشهيه و يذيب الشحوم بامتياز.
ساعتها عرفت ليش اهل شرق آسيا نحاف و لا يسمنون. هذا عدا عن انهم لا يطيجون فى الرز ليل نهار!!!

ماتشوووف شر ي غالي ..

الله يوفقك ع النصايح الزينة

لكن

شرق اسيا يطجوووون ف الرز ليل ونهار

انا رحت اندنوسيا وشفت

ومع ذلك خفاااااااااف جداً ..

اعتقد سرهم ف حركتهم المستمرة ونومهم مبكراً

اكرر شكري لك ودعائي