هل تخاف من ركوب الطائرات / تفضل وارتاح ... !!

اخوي بومحمد مشكور على المساعده بس الى الحين مابعد اركب طائره بس ربك يسهل وللمعلوميه انا الي نزلت الموضوع بكون اول واحد يرد واقول الله يوفقك ويجزاك خير ومنك نستفيد

لاهنت عالموضوووع والله صكيت الــ 34 وماركبت طياره لحد الحيين
والله مو خوف من موت او شي لكن مادري شفسر هالشي
افضل السياره وكره الطياره وحاولت كم مره بالطياره ماااش
نفسياً عجزت اركبها وتقبلها . وش السبب مالقيت حل
يامل العافيه عالموضوووع
وبإذن الله ماركبها ... لكن ودي ودي وماااااش والله . وخيره

هلا بأخوي الزعيم .... نورت الموضوع ....
ليش ماركبت طيارة لحد الان .. ؟؟؟ هل هي نفس الحالة ولا ماجات فرصة تسافر ..
؟؟؟
الله يجزانا واياك الخير يارب ..

اخوي الشعيب ..
جرب اركب طائرة وماراح تندم ... بالعكس بتغير سفرك الى الطائرة ...
وانا اشوف من تجربة ان السفر في كبينة الركاب افضل واريح بكثير من السفر في غرفة القيادة ...... لذلك سافر وتمتع بالسفر ولا عليك :)

^ ^

جزاك الله خير يابو محمد موضوعك قيم ومفيد جدا وأسلوبك سلس ومبسط لإيصال المعلومة
كثر الله من أمثالك من الرجال المخلصين والنافعين أينما كانوا
ويسرني إبلاغك بأن موضوعك قد تم إضافته بنجاح إلى المفضلة

تقبل مروري وطاب يومك بكل خير :)

بارك الله فيك اخي وسيط
لي فترة طويلة ما قرأت مواضيع مفيدة مثل موضوعك في المنتدى
اتحفنا دائما بمثل هذه المواضيع
تحياتي لك

اولا اخي الكريم اهم شي عند الخطوط السعوديه هو الفلوس فهي من اغلى الخطوط بالعالم وثانيا كل شركات الطيران بالعالم تعمل فحص على طائراتها لان اسعار الطائرات غاليه جدا فهم يحافظون على مصالحهم قبل ما يحافظون على ارواحنا ثم اسأل اي واحد قد سافر راح يقولك 20 موقف عن اعطال واجهته في رحلاته وعن تعامل سيئ جدا من موظفين الخطوط السعوديه وعن عدم وجود حجوزات ووووو خلني ساكت اخي الكريم وكفانا تلميع لها الخطوط السيئه والفاشله الا في جمع اكبر مبلغ من جيوب الشعب ....
صدقوني اني خفت اكثر لما قريت الموضوع هههه
الله يجعل نهايتنا على ما يرضيه ....

حياك الله اخوي رخيصوكويس
الله يجزاك خير .. ان شاءالله الاهم عندني انك استفدت من الموضوع
واي استفسار انا جاهز وان شاءالله ما ابخل عليكم بأي معلومة اعرفها ...

الاخ حازم1
الله يبارك فيك حبيبي ... ان شاءالله تكون استفدت استفاده ممتعه
وصدقني ماذكرته يعتبر نقطة في بحر الطيران ..... عالم كبير جداً ...
اي شئ حاب تستفسر عنه لا يردك الا لسانك ياغالي ..

اخوي faisal111
حياك الله اخوي ...
في البداية احب اوضح لك انه لا يمكن ان المع للخطوط السعودية مهما كان
صحيح انها مقر عملي ولكن انا اذكر حقيقة واضحه جداً ... ولا تعتبر تلميع
والخطوط كاي شركة ربحية في العالم ( اهم ما عندها كيف تجيب فلوس ) واما نقطة ان كل الشركات في العالم تعمل صيانة دورية للمحافظة على فلوسهم ... صحيح كلامك ولكن برضوا الخطوط حافظة على فلوسها اكثر منهم وعندها اكبر مركز صيانة طائرات في الشرق الاوسط لحد اليوم .. بالعكس وصل التنافس لمركز الصيانة بأن يتم تحديد ساعات العمل على الطائرات على حسب ماتقوم به الخطوط السعودية ... مثلاً تغيير محرك طائرة 747 من نوع RB211 من الشركة يقولك 75 ساعه الخطوط السعودية وبفضل من الله حققت التغيير في اقل من 40 ساعه لذلك خفضت الشركة ساعات العمل على التغيير إلى 60 ساعه .... وهناك امثلة كثيرة ومختلفة ..
ولو جيت حسبتها .. سلامة الطائرة من سلامة الركاب .. والعكس صحيح نفس المعادلة والخسارة واحدة .. لذلك الصيانة مطلوبة في كل الاحوال ولاي سبب
بالنسبة للاعطال ال 20 اللي ممكن اي واحد يقولي هيا سافر ع السعودية ... بصراحة استغرب منك الكلام ... لانه المفروض انت تقولي ايش نوعية العطل اللي واجهك .. ؟؟؟؟
وللمعلومية : هناك اعطال تحدث لبعض الطائرات لا يعرفها احد والمفروض مانتكلم عنها
ولكن بعطيك مثال بسيط ... رحلتين أغمي على الكابتن وهو بالرحلة ... يعني انتوا جالسين تحت رحمة رب العالمين ومن ثم مساعد كابتن ماتعرف له كم سنة يطير وممكن تكون رحلتة الاولى او العاشرة حتى ولم يتمرس على الطيران في حالة مشابهه .. ؟؟؟؟؟ هذا عطل انا اعتبره من الاعطال ... ... ... ف اوكل امرك لله عز وجل ...
واما تعامل موظفين الخطوط السعودية السئ مع العملاء انا معك في جلافة من بعض الموظفين يعلقوها على شماعه الادارة وحقوقهم الضائعه
ولكن التمس العذر لاخوك المسلم .. وتأكد ان موظف الخطوط السعودية
محروم من الاعياد لكي تسافر وتعيد انت ومحروم من المواسم الدينية بسبب خدمة القادمين والمغادرين محروم من الاجازات الصيفية بسبب خدمة الركاب للتمتع بالاجازة الصيفية محروم من رمضان محروم من كل متعه لكافة الموظفين في الدولة لخدمتهم ... لذلك التمس لهم العذر ... بالاضافة للأسف أن بعض العملاء يدفع قيمة تذكرة وكأنه اشترى الخطوط السعودية ومن بها ... للأسف والامثلة كثيرة ومعروفة ..

اخرج مافي قلبك يا عزيزي ولا تخلي شئ مكدر خاطرك ....
واما السطر ماقبل الاخير في رسالتك ...
صدقوني اني خفت اكثر لما قريت الموضوع هههه
ما الومك وانا ذكرت في اول الموضوع ممكن في ناس ترتاح وفي ناس تخاف وهذه طبيعه البشر .. في ناس يحبوا يكونوا مايعرفوا شئ ويمشوا وفي ناس لما يعرفوا شئ يخافوا اكثر ... وهذه فينا كلنا ( الصيانة ) وانا واحد منهم .. لما اسافر اكون خايف شوي :) لاني عارف ايش اللي بيصير حواليني ... ولكن حسب الحدث
يعني شئ طبيعي ....
ولكن ابغاك تستفيد من بعض الحالات المذكورة في الموضوع ... تنفعك اذا جيت مسافر
ولاتنسى التوكل على الله في كل امر ..
واما السطر الاخير
الله يجعل نهايتنا على ما يرضيه .....
اللهم امين انا وانت وجميع المسلمين والمسلمات يارب ....

الى الاخوان الي يخافون من الطياره
وللحين ماركبوها ما انصحكم شوفوا الرابط التالي
http://www.youtube.com/watch?v=9KhZwsYtNDE
لان
الان لما ابي احجز اجلس اسبوعين ثلاث اسابيع
بعد لما الناس تقتنع ان الطياره ماتخوف نبلش ولا نسافر الا بعد كم شهر اذا بغينا نسافر

الى الاخوان الي يخافون من الطياره
وللحين ماركبوها ما انصحكم شوفوا الرابط التالي
http://www.youtube.com/watch?v=9KhZwsYtNDE
هذا مجرد طير بسيط وشكله حمامه
وشلون لو يجيك سرب بط او طيور كبيره وش يصير الحال ههههه
لان
الان لما ابي احجز اجلس اسبوعين ثلاث اسابيع
بعد لما الناس تقتنع ان الطياره ماتخوف نبلش ولا نسافر الا بعد كم شهر اذا بغينا نسافر
وهذا الي قال عليه اخونا
الهبوط الاظطراري
http://www.youtube.com/watch?v=KryIL1e6cwE
وهذا في الوضعيه تكون بالسماء
http://www.youtube.com/watch?v=dhXUyFSfCl4&feature=related
لاتروح بعيد
هذى طائره سعودي 2011
http://www.youtube.com/watch?v=yVn11VFGz_w

موضوع روعه وشكرا لك

اشوف موضوع ركوب الطائره نفسي

بالنسبه للخطوط السعوديه البديل موجود دوليا وداخليا افضل على السياره ولو امشي

200 كيلو في الساعه والااعمار بيد الله

موضوع جميل جدا


يازين الطيران


متعة وراحة واختصار في الوقت


الحمدلله

وفي حالة عطل الاثنين مرة واحدة .. يمكنه الطيران شراعي ويهبط في اقرب مطار له
وهذه تبين مدى إحترافية الكابتن إن شاءالله تعالى >>> أي طيران شراعي اذا تعطلت المحركات يا حبيبي مافيها غير تتشهد وتستغفر وتدعي ربك أن يدخلك الجنه

عندي أسئلة يابشمهندس


واذا ما نزلت وحاول وضخها بكل انظمة الهيدروليك اللي عنده وبرضوا مافي امل تفتح ..
ف الله يعنه ينزل على بطن الطيارة بإحترافيه بعد ضخ ارضية المطار بمادة لزجة جداً تساعدة في قلة إحتكاك اللي يصير بين الطائرة والارض ... وهذه العملية تنجح بإذن الله تعالى بنسبة 70% ..



الي اعرفه انه في حالة الهيدروليك سيستم تعطل يقومو بفتح العجلات by mechanical force

أليس كذلك ؟


وهذه مروحة ... تنزل اتوماتكياً بمجرد انقطاع التيار الكهربائي .. وعند احتكاكها بالهواء تولد الطاقة ويتم فوراً توصيل الاضاءة للمبات الطوارئ والاجهزة الضرورية فقط للهبوط ويتم ابلاغ البرج والهبوط باقرب مطار ...



هل المروحة هذي كافية فعلا ( to energize the power ) في كل أجزاء الطائرة ؟


معليش قلبت شوي انقليش

http://www.youtube.com/watch?v=NchXlok9RME

وش جابني لطائره والمطارات والله ما عود ركوبها لونزلتنا

اخوي : هكرنت ..
بخصوص الطير الصغير .. عادي من الطبيعي انه يحطم مراوح الطائرة .. ولكن تأكد ممكن انك شايفه صغير وهو ماهو صغير بالاساس ... لانه انا اتكلم من واقع خبره الطير الصغير او الحمامه ما تأثر دائماً .... ولكن في حالة وجود اصطدام لطير حتى ولو كان صغير بالجناح او المحرك او جسم الطائرة تخضع الطائرة لا ( inspection ) تفتيش .. طبعاً هذه العملية طويلة ومعقده ولكن بختصرها لك ..
وهي انه يتم متابعة الاصطدام بأي جزء من الطائرة وهل عمل كسر او عطب او عطفه في المكان او لا .. ومن ثم إختبار الجزء مثلاً لو في المحرك يتم تشغيله وفحصه والتأكد من جاهزيته ... طبعاً الفيديو المرفق يوضح طائر اصطدم في المحرك فاشتعل المحرك .. ولكن لو تلاحظ المحرك ماعاد فيه نار او حاجه ... وهنا الكابتن اتبع الطريقة السليمة في الاجراءات اغلق المحرك .. وطلب العوده للمطار .. ف اذا لا سمح الله اشتعل المحرك ف راح يلجأ إلى اطفائه ب مكافح الحريق الموجود في المحركات ..

واما الفيديو اللي اسمه سعودي 2011 وهبوط اضطراري ... ف هذه للأسف انا استغربت كثير من فترة من امر الصور ... تصدق ان الصور هذه صورناها احنا وانا فعلاً اول شخص انزلها في الانترنت <<< نفس الصووووور .. انا كنت موجود وقتها في المدينة المنورة لمتابعة الحادثة والطائرة .... والعمل عليها ....
هذه يا صديقي ماهي هبوط اضطراري ولا هم يحزنون ....
هذه اللي حصل بالضبط الرحلة من جاكرتا - الرياض ومواصلة للمدينة المنورة .. ولما وصلت المدينة وهبط الكابتن هبوط عااادي جداً .... وهو ماشي على المدرج وجا يلف انحرفت الطائرة ( لسبب فني ) وهو في حاجه في المحرك اسمه ثرست ريفيرس هذه وظيفتها ياحلو ... لما يكون المحرك شغال ف يعني يسحب هواء من قدام ويخرجه من الخلف .... ف يمشي الطيارة للامام ... حلو طيب لما تجي الطيارة تهبط ويكون المحركات شغاله اقوووى شئ ... فمن الطبيعي لازم يكون في قوة مضادة عشان توقف الطيارة وتهدي سرعتها .. ف يتم فتح الثرست ريفيرس ف يصير الهواء اللي يجي من قدام المحرك يخرج من فتحة الثرست ريفيرس ( في جوانب المحرك ) وتدفعها مرة ثانية للامام ... ف تصير قوووة مضادة ف تهدي الطيارة ..
اللي حصل لما فتحها الكابتن واحد منهم فتح بدرجة اقل ف جذب الطائرة للجنب ودخلها في التراب .... والحمدلله لاتوجد اي اصابات على الطائرة .. طبعاً البعض حمل المسؤولية للكابتن على انه دخل اللفه بسرعه أعلى من المسموح حسب وزن الطائرة ف انحرفت منه ولكن لم تثبت التحقيقات ذلك ...

هههههههههههههههه الله يهديك حاط للناس مقاطع ترعبهم ولا ايه :)
تصدق في مقاطع لو تشوفها ماتعدي من جنب المطار ماهو تطلع طيارة كويس انك ماوصلت لها :)

يا سيدي الاعمار بيد الله سبحانه وتعالى .. وسبحانه من علم الانسان مالم يعلم .. مين كان يصدق انك تركب طيارة شكل العصفور وتسافر عليها :)

اشكرك اخوي N-J-M
الاعمار بيد الله ... ولكن ولا تلقوا بإيديكم الى التهلكه ...
تمشي 200 كيلو في الساعه .. عشان لاتركي طياارة مشكلة .....
....

اخوي neweng
يا هلا فيك والله نورت الموضوع ... يا باشمهندس
وبصراحة عجبتني اسألتك في ردك الثاني .. :)
راجع لها ان شاءالله ..... واتمنى اشوف اسئلة زيادة واللي بخاطرك كله طلعه ماعليك :)

اخوي توماهوف
هلا فيك ونورت الموضوع ..
تصدق اني ما بغيت احط هالنقطة بالذات هههههه لانه توقعت انه الناس بيخافوا ..
ولكن ياخوي تأمل كيف يطير طير صغير هوائي كذا لا محركات ولا غيره ..

طيب انا اسهل لك الفكرة ...
الان في امواج هوائية لا ترى بالعين المجردة .. تشكل طبقات في الهواء .. يعني بالبلدي كذا ... فيه في الهوا طبقات هوائي تدور حولين نفسها وكلها متجاورة ... وتكون زي سلم الدرجة فوق بعض ... اللي يحصل .. انه الطيران الشراعي يكون بأن يتم انزال الطائرة على هذه الطبقات او الدرجات وحده وحده ... وهي اللي تكون تحمل الطائرة
طبعاً لازم لما تنزل عليها بدرجه معينه وبمقدار معين وتستمر عليها بالاضافة إلى استخدام كافة ادوات تحكم الطيران في الطائرة لجعل وزن الطائرة على الهواء كامل
وبالمناسبة .. ممكن تسأل اذا عطلوا الاثنين مع بعض ...
ماقدر اقولك مستحيل ... ولكن مستحيل ههههههههههههه لانه كل محرك منفصل عن الثاني بأنظمة معينة وكل واحد مع نفسه ... لذلك اول ماتشهد اهتزاز في احد المحركات او ارتفاع حرارة يطلب الهبوط في اقرب مطار لك ...
وهنا ان شاءالله انه يتم تفادي غحتمالية عطل المحرك الثاني ...

نورت الموضوع ياغالي ..