واحد نصب علي !

لي فترة أدور على تأمين طبي للأفراد في هذه الدولة المتقدمة التي أدارت ظهرها للمواطنين بشكل مؤسف

كل شركات التأمين تقدم خدماتها للشركات وليس للأفراد !
كل شركات التأمين تقدم خدماتها للمقيمين وتحرم أبناء البلد !


مع الأيام حصلت واحد -الله يسامحه- مسوي إعلانات على الإنترنت ، في (مستعمل) و (حراج) ومواقع أخرى عديدة ، ويقول أنه يسوي تأمين للأفراد ، في التعاونية وبوبا والراجحي و .. إلخ

قلت له : أبغى تأمين VIP الذهبية من التعاونية ، فقال لي انها ب 4000 ريال ، فاستعنت بالله ، وسلمت له الفلوس وصورة البطاقة ، وسلم لي -فورا- بطاقة التأمين يدا بيد ، وكانت البطاقة التأمينية [بلسم برايفت 24] ، وتغطي جميع المستشفيات ، وكان هذا الكلام في بداية شهر ذي الحجة 1433ه

بداية المشكلة .. اني رحت أراجع في أحد المستشفيات فقالوا لي ان البطاقة مقفلة (LOCK) فلما اتصلت بالرجال قال المشكلة بسيطة ويومين وتشتغل ..

انتظرت وانتظرت أسابيع وشهور ، ولم تشتغل البطاقة إلى الآن طبعا ، وبس أراجع مع المستشفيات وتخسرت مبالغ ، وحالتي الصحية في تدهور ، وعندي عملية مقررة وأخّرتها لهالسبب ، وكلما راجعت العيادة يعاتبني الدكتور على تأجيل العملية ، وما يدري اني متورط مع بطاقة التأمين والرجال الي نصب علي

وقاعد أنتظر حل للمشكلة من 4 شهور ، يعني انه مضى من عمر البطاقة 30%

تفاجأت أيضا أن الرجال مدخلني موظف بشركة مقاولات -الله يهديه- بدون ما أدري ولا يعطيني خبر ولا شيء

استفسرت من شركة التأمين فقالوا لي : ان البوليصة الخاصة بالبطاقة تم إيقافها ، قلت لهم : وش الحل ؟ قالوا لي : راجع جهة العمل !!

المهم .. الرجال الحين معد يرد علي ودايم مقفل جواله

وش الحل معه ؟ هل قضية في المحكمة ، والا وزارة الصحة ، وهل فيه جهة مختصة للفصل في مثل هالقضايا ؟


الله يفرجها بس ويرزقنا بالحلال مادري وش اسوي