عندي تخوف. من السواقه رغم امتلاكي الرخصه مانصيحتكم

عزيزي , ثق و تأكد إنك مو أول واحد يتعلم السواقة جديد

وكل واحد يسوق حولك مهما كان محترف فهو في البداية كان مثلك

إذا جيت تسوق سيارتك توكل على الله أولًا ثم استحضر إن مافي أحد

من اللي حولك يسوقون أحسن منك في شي

وصدقني لو ما تتشجع و تتوكل على الله وتسوق ما عمرك بتتعلم تسوق زين

فشدّ حيلك و اعقلها و توكّل , على مهلك و اترك الربكة و الخوف

غير كذا إنت حاليا بتسوق داخل المدينة يعني في النهاية أسوء الحالات

لا قدّر الله حوادث بسيطة - الله يجنبك كل مكروه - يعني بتتضرر سيارتك

و دامك مأمّن و ماشي على مهلك لا تشيل هم إن شاء الله

و الخطأ اللي مافيه إهمال و تهور مو مشكله بتتعلم منه وتستفيد

بس ابتعد عن السرعه و الخوف والربكة وتوكل على الله قبل كل شي

و إذا بيكون معاك أحد متمرس في السواقه يركب جنبك بس هالشي

بيزيد ثقتك لكن لا يتكلم كثير و لا يقول لك سوي و سوي الا للضروره

و إذا مافي أحد ماعليك مو ضروري لكن إذا فيه بيعزز معاك و مع ثقتك

موفق خير يارب

شكرا اخي اسعدتني ،، بمعلوماتك الطيبه واستفدت كثير
الله يوفقك اخي ويسعدك ويعطيك ماتتمنى ويرزقك من واسع فضله
جد ما اعرف اوفيك شكر ،،،، بس اللي ابي اقوله لككك فعلا تشجيعك لي ان شاء الله مثمر وناجح

الشكر لله أخوي
اللهم امين واياك يارب
موفق لكل خير

روح مكان ما ابة احد حي جديد ما انسكن فية شوارع وسوق وما عليك ولا تخلي معك احد يربكك

بقولك حل مضحك بس تراه حل .. انت زي اللي يخاف من السباحة .. حله الوحيد ترميه في بركة ماء
وخله يتعلم ويخارج نفسه .. إنت الله يسلمك أقترح عليك تطب وسط الدايري وقت الذروة وخذ لك سياره ابو ألفين ريال لمدة شهر ولا ترجع منها الا الاسطبات وبعدها أضمن لك بتطلع لك لكزس وتطلع أطلق طاره 😂

هههههههههههه ياحلات حلكككككك حلو بس كذا تدعمني اكسسر سيارات العالم هع

وش فيه الدائري
هاذا عشق السعودين 😂
ارتاح نفسيا اذا شفته ...احس اني اسوق سياره فعلا

انت يبي لك معزز يخاويك شوف لك احد مهجول

شكرا ع مشاركتك اخوي ابومحمد

شكرا اخي فيصل

خلي صاحبك يقود سيارة امامك وانت بسيارتك خلفه وتمشو على مهلكم اذا لقيتم محطة وقف عبي ديزل وكمل مشوار والتدريب اذا لقيت واحد يبيع شاهي عدن وقف عشان تصحصح من النوم وكمل مشوار والتدريب اذا لقيت بطيخ وقف واساله كيف حلو زي سكر ييس اشتري نووو لا تشتري وكمل تدريب حتى قبيل المغرب اذا لقيت سوبيا وسمبوسك وقف واشتري عشان تفطرو..... كدا تتعلم سريع اذا تبي تطير الخوف نهائيا من قلبك دور زبالة بلاستيك وعشق على ريوس وطقها بشويش يذهب منك الخوف. وأي خدمة ثانية تحت امرك

زي ماقالك اخونا صاحب الرد 11

ايذا طول معك الخوف فنت ممسوس شفلك راقي يقرا عليك

لاوالحمد لله مو ممسوس بس تخوف وارتباك فقط

ههههههه العويند خوفت الرجال زيادة،، مو رجال ممسوس السيارة ممسوسة في مقعد جمب سائق توجد جنية سندريلا. يا حبيبي لإتخاف قبل ماتسوق اشرب عصير موسي الشعير او بربيكان يهدئ اعصابك.

شكرا اخي مايوسيس تعليق اجمل وارووع

تبي تسمع نصيحتي سم بالله وتوكل على الله ودخل الدايري لابد الاحتكاك مع السيارات يعني لازم تدخل معهم حتى تتاقلم مع الوضع اول البدايه ادخل صناعية سيارات ودور عليها بتصادفك مواقف بما انك مهدي ومتوتر بتستوعب الحال ولا راح يحصل شي ان شاءالله وبعدها ادخل الدايري ولاتفرط في موضوع روح البقاله روح على السياره وحاول اول وحده قريبه الثانيه روح ابعد الي بعدها ابعد وكذا حتى تشوف نفسك عادي تسوق

شكرا اخي المفلح وافي جزاك الله عليك