جميع الحقوق محفوظة ©
طريقة نصب جديدة يشوفك جاد فيجيك ويحاول يعرض عليك مبالغ غير معقولة عشان يطغى حب المال على عقلانيتك وتوافق تعلن له!
ثم يجونه ناس ويلهف منهم فلوس سواء تحويل أو يحط لهم روابط ثم يختفي!
يعني أنت تكون جسر عبور له ثم يخليك بوجه المدفع وكل الشكاوي بتصير شريك معه!
# حتى يوم سمعت صوته صحيح يحاول يتكلم سعودي لكن اللهجة اليمنية واضحححة.
عموماً .. كل يوم بيحاولون يطلعون طرق نصب واحتيال جديدة .. لكن أبعطيك الأساسيات اللي بتحميكم من النصب:
1- التعامل يفضل يكون وجهاً لوجه
2- بالخدمات اللي ما تحتاج مقابل قل (وثّق حساب هنا بأبشر) تراه ما ياخذ ثواني .. إذا رفض اسسسحب عليه .. وحتى لو فرضنا وثّق وسحب عليك تقدر تجره بأسهل ما يكون.
3- يعطيك رابط شركة توصيل شحنات وتعبي بياناتك (لااااا تطيعه)
4- يعطيك صفحة منصة حكومية (ويقول دخل بياناتك (لاااااا تطيعه تراها وهمية)
5- يقولك حول عربون (لا تحووول)
6- خذ حذرك من اللي رقمه ماله بيانات بالنمبر بوك أو يبدأ 059 أو 058
7- إذا حولت فلوس لأحد، اكتب بتطبيق بنكك (غرض التحويل بالحرف) عشان يصير وصل معترف فيه ويدينه لو تلاعب.
8- لو نصب عليك أحد لا ترررررحمه لأن حسابه موثق بهويته+ رقمه موثق بهويته .. تابع الموضوع لين يجرونه وتعطيه درس ما ينساه بحياته.
