تابع مستعمل على
جميع الحقوق محفوظة ©
السلام عليكم
شباب خصوصا المعقبين فيه محل ابي اشتريه وعليه اثنين عمال
صاحب العقار رفض يجدد عقد الاجار يقول مايبي يأجر المحل يقول يبي محله
رخصة المحل باقي لها شهر وتنتهي وانا ابي انقل العمال على كفالتي ضروري محتاجهم
واعتقد مايمديني استاجر محل جديد واطلع رخصته واسجله بمكتب العمل في ظرف شهر عشان انقل كفالة العمال قبل تنتهي الرخصة لأن صاحب الرخصة يبي يلغيها فور انتهائها حتى لو اضطر يسفر العمال
هل اقدر انقل كفالتهم حتى لو انتهت الرخصة اللي هم عليها؟؟
وهل اقدر انقل كفالتهم بدون محل يعني بسجل تجاري مثلا بدون محل؟
وهل تسجيل المنشأة بمكتب العمل يطول ياخذ وقت ولا في نفس اليوم يفعلون؟
هل برخصة المحل بدون تسجيل المنشأة بمكتب العمل اقدر انقل كفالتهم؟
عطوني حل بس بطرريقة نظامية بدون نقل الكفالة من الجوازات بدون مكتب العمل ابي نقل الكفالة نظامي من مكتب العمل والجوازات
واللي يحلها له علي ادسم شاربة والوعد في المطبخ السعودي مفطح :)
