تابع مستعمل على
جميع الحقوق محفوظة ©
أنا مسجل في التأمينات عن طريق مؤسسة.. ولقيت وظيفه حكومية ورحت لصاحب المؤسسة وقلت له أني لقيت وظيفه وابيك تستبعدني من المؤسسة . قال لي: ابشر .
المهم راح اسبوع وانا اشيك برقم البطاقة ولا زال اسمي على المؤسسة واسبوع ثاني ونفس الحكاية اخيراً كلمته وقلت له ترى اباشتكي انك مستغل اسمي في السعوده الوهمية . عقبها صار يجيب اعذار ان النظام معلق ومره يقول انه استبعدني بس ماراح يتم الاستبعاد إلا بنهاية الاسبوع علشان التحديث الاسبوعي حق مكتب العمل وآخر عذر اليوم قال لي على شان الاجور لازم يحددها وبعدين يتم الاستبعاد.
تكفون اللي عنده خبره في هالامور يفزعلي ..
هو كلامه صدق إنه لازم يحدد الاجور وكم يبي له لتحديد الاجور ؟ معقولة يبي له اسبوع !! لأن الشغله كلها رح تتم عن طريق الخدمات الالكترونية..
تكفون ابي العلم الأكيد .. أنا ماابي اظلم الرجال وفي نفس الوقت مابي تروح علي الوظيفه
ودمتم
صباح الخير ،
إستلم إخلاء طرف مختوم من المؤسسة وإذهب إلى مقر التأمينات الإجتماعية وعن طريقهم يتم الإستبعاد .
والله أعلم
بالتوفيق .
مثل ماقالك الاخ اوجاعي
اذا معك اخلاء طرف راجع التأمينات وبلغهم ان صاحب العمل
يماطل في استبعادك وهو بالفعل يماطل واعذاره ليست صحيحه
شكراً للجميع
السلام عليكم اخوي انا عندي خبره بالتامينات واراجعهم اسبوعيآ تقريبآ
واذا تبي خطوات الاستبعاد اولآ لازم عن طريقه يدخل عن طريق التامينات اون لاين ثم استبعاد مشتركين ويستبعد اسمك ثم يبقي اسمك في مكتب العمل التابع للمؤسسه عن طريق الاستعلام عن موظف سعودي ثم تذهب الي مكتب العمل لاستبعادك من عندهم مع المعلوميه انك تسقط اول مايستبعدك الي موظفك من المؤسسه والتامينات تسقط دايركت
والوظيفه الحكوميه مالها دخا بذالك
اسقط اسمك عن طريق التأمينات وهذا هو الأهم لك الآن .... مكتب العمل فيما بعد ولا مشكلة عليك لكن أيضاً لابد أن ينزل اسمك من مكتب العمل .... كيف سجلك صاحبك في التأمينات؟ كنت تعمل عنده؟ وكيف خرجت من عنده؟ عندك ورقة مخالصة نهائية أو انهاء خدمات؟ تقدمها للتأمينات وتنزل اسمك فوراً.
خلة صاحب المؤسسة يماطل هو خسران اصلا لو عرفوا التامينات انك مسجل حكومي وعندة
غرامة علية 5الاف ريال
صارت معي انا نفس مشكلتك وربي ..
بس رحت للتأمينات وقلت سوو لي نموذج شكوى .. ويوم عرف اني رحت اشتكيته شال اسمي بثواني ونزله .. والحين مرتاح الحمدلله
تراه يماطل بك علشان يستفيد من السعوده ويطلع فيز لعماله
