الحصول علي علاج في مستشفي العيون التخصصي في الظهران

اذا المريضه سعوديه عندك 3 طرق اما تقدم على الهيئة الطبية العامة في الدمام ...
تكتب خطاب موجه لرئيس الهيئة الطبية الدمام وتشرح فيه الموضوع والمطلوب ورقم الجوال والاسم
وترفق صورة من هوية المريض
وتقرير طبي باللغة الانجليزيه حديث
والطريقة الثانية
تقدم عن طريق امارة المنطقة الشرقية او الديوان الملكي

والطريقة الثالثة
اتوقع ممكن تقدم عن طريق قسم اهلية العلاج في نفس المستشفى

،
ابد الرد رقم واحد كفى و وفى ، ولكن حبيت اضيف لك تفاصيل وترتيب للخطه الافضل عشان توفر وقت:

اذهب لوحدك للمستشفيين السابقين (الكحال والرعايه) وخذ منهم تقرق طبي ،، حاول انك تنشب لهم يكتبون لك تقرير طبي عاجل ( في نفس اليوم يعني)

كلم فلان وفلتان اي احد تشوفه كلمه لين تطيح لك في شخص يسويه لك ونت واقف ،،

لو تقرير واحد من واحد منهم الثنين خير وبركه،

بعدين روح اليوم اللي بعده (اقرب وقت) روح لمستشفى العيون وحاول تكلم التسجيل ، اعتقد لك احقية الكشف والدكتور المسئول وقتها راح يحدد اذا الحاله حرجه وتنقبل لديهم او لا ..

اذا قالو ما نقدر وكذا اسألهم كيف تقدر تسجل وحاول تكون لبق عشان بعدين اذا جبت امر باذن الله مايكون فيه نفوس شينه او كذا يعني كأني مسجل بالغصيبه الله يبعد الشر ،،،

اذا ما قبلوها روح لم الهيئه الطبيه في الدمام واكتب لهم خطاب وهم روح للاماره فالشرقيه اكتب لهم خطاب

وارفق صوره من التقرير الطبي اللي معك

وراجع معهم باستمرار ، حتى لو قالو لك بعد اسبوع تعال لهم بعد يومين ولا كأنك سمعت كلمة اسبوع

هو عالعموم اي مستشفى من ذالنوع لابد انه يقبل كل الحالات ويسوي فحص هل الحاله تخص نفس التخصص ولايمكن علاجها في مراكز عاديه

مثال عشان التوضيح : لو رحت لطبيب باطنيه راح يقول لك رح للعيادات الاوليه وخذ تحويل

ولا صدق تذكرت حاجه: هذي المستشفيات تقبل التحويل من مركز صحي الرعايه الاوليه تبع وزارة الصحه في حيكم ،،، انت بس لو تروح للمستشفى لوحدك اول وتشرح لهم الحاله يمكن تختصر كل ذالكلام والله يشفي لك الوالده ولا يريها مكروه
،

شكرا لكل من رد ولا اراكم الله مكروة
المشكلة الكبري ان الوالدى لا تستطيع المشي وركوب السيارة ولا كان هانت الامور والمستشفيات تبي مراجعات وفحوصات عشان التحويل والتحويل يبي لة وقت والعصب السادس لازم علاج لان الوقت كل ما طول كل ما امدمر الوضع
علي العموم ذهبت ل المستشفي ومعي التقارير وكشفو عليها وطلبو مني فحوصات دم اجريها في مستشفي اخر واجيب النتيجة لهم طبعا هذا كلة في قسم الاسعاف يعني ما حولوني العيادات

شكرا من قلبي ل كل من رد

خذ التقارير معك
واطلع للاماره
واسال عن مجلس الامير
المجلس يكون يوم الاثنين كل اسبوع الساعه 11تكون في الصاله اللي تحت
وقدم معروضك مع التقارير للامير سعود
تدخل المجلس وتقابل الامير
لايتحاح واسطه ولا شي
الامر اسهل مما تتوقع راح تقابله
الله يشفي والدتك يارب