تابع مستعمل على
جميع الحقوق محفوظة ©
السلام عليكم ورحمه الله وبركاته الاعضاء الكرام..
ادخل في موضوعي وودي اشوف رايكم فيه ونصايحكم
عندي مشكلة مالية مع مكتب استقدام ، استقدم لي سواق ولاصلح ورجعته في فترة الثلاث الاشهر على حسابي التذكرة للاسف وقال المكتب بتخسر 25% من المبلغ اذا الغيته !!
المهم المبلغ كامل كان 4500 بالفيزا بعدها طلب صورة جوازه وصورة تذكرته ولما جيته يتحجج بالمكتب الخارجي مارد عليه بالالغاء وكل يوم يومين امر عليه يماطل ولايعبرني وينشغل بالتلفون على باله مشغول!! اخر شي طلب العقد والايصال الاصلي ، العقد ماعطونا اياه بس الوصل عندي
عطيته الوصل ورجع لي 1200 من المبلغ الكامل اللي هو 2500 طبعا مع استثناء قيمة الفيزا لاني طلعت فيزا بديلة الحمدلله.. وبعد ماسئلته وين الباقي اللي هو 675 طبعا بعد خصم ال 25% قال والمكاتب الخارجيه والتفاويض وقام يتفلسف ويقول مين اللي بيدفعها قلته انت قلت 25% بتنخصم والمبلغ الباقي هو 1875 ، قلت هذا اللي عندك قال اي هذا اللي عندي!!
وش رايكم اسوي معاه صار لي اكثر من اسبوع اتردد عليه وهو يماطل ويتهرب وقهرني والله!! ودي اشتكي عليه وامرمطه مثل ماتعبني رايح جاي عليه وهو لايعبر!!
مشكلتي الثانية نفس الشي ولكن مع شخص بعت له محل تجاري واعطاني 75% من المبلغ وبعدها صار يماطل ويتهرب وعندي بس ورقة بيني وبينه واعرف وين يشتغل!! وش اسوي معاه بعد ووين اروح لافضل واسرع طريقة!!
منتظر ارائكم الاعضاء الكرام وكثر الله خيركم ..
