استفسار عن حادثة والتأمين ومراجعة التأمين والتقدير

عليكم السلام ورحمة الله وبركاتة
اولاً الحمد لله على سلامتك وما تشوف شر
اذا سيارتك مديل فوق 2013 تروح على شيخ المعارض وفي شيخ في معارض الشفا وشيخ في معارض النسيم الي اقرب روحله واذا كان الضرر بسيط والسياره اقل من مديل 2013 تروح على التقديرات في مخرج 18 يقيمولك الصيانة والقطع وبعد ما يمر 48 ساعه على الحادث تراجع شركة التامين عشان يفتحولك مطالبه وبالنسبه للمماطله شركة ميد غلف من الشركات الجيده وباذن الله ما راح يكون فيه مماطله خلال عشرة ايام حد اقصى 15 يوم راح تكون الفلوس في حسابك واذا ما عندك حساب يسولك شيك ويرسلوللك رساله تروح تستلمه

الله يجزاك خير ويبارك لك وفيك
اسأل الله العظيم رب العرش العظيم ان يجعل لك من كل هم فرجا ومن كل ضيق مخرجا وان يفتح لك جميع ابواب الخير ويرزقك من حيث لاتحتسب ويرزقك سعادة الدارين

الحمد لله على سلامتك أولا و أخيرا
أما بخصوص موضوعك إن شاء الله أفادك أخونا في الرد رقم 1
أنا بالخبر وماعندي خلفيه عن الرياض
أما بخصوص موضوع المماطلة لمعلوميتك نظام مؤسسة النقد المفروض على شركات التأمين هو تعويض المتضرر في مدة لا تتجاوز 15 يوم فقط وفي حال لاحظت أو حصل معك غير ذلك بإمكانك رفع شكوى مباشرة دون تردد وبكل سهولة عن طريق موقع مؤسسة النقد الإلكتروني وسيتم معالجة الموضوع (في حال احتجت والله لايحوجك وقتها راسلني عالخاص وأبشر)

وفي حال حسّيت بأي تظلّم من ناحية التقييم أو التعويض بإمكانك أيضا رفع شكوى بنفس الطريقة , مؤسسة النقد ممتازة جدا في حماية المتضررين .

موفق أخي الكريم

الله يجزاك كل خير أخيي ولا يحرمك الآجر ويبارك لك في مالك ورزقك

أخواني تم تقييم الأصلاح 1300 -1200-1400
وقيمة القطع 915
كم ناتج التعويض بارك الله فيكم

ممتاز راح يعتمدو 1300 قيمة الاصلاح+915 قيمة القطع بعد بكره توجه الى شركة التامين عشان يفتحون المطالبه اخذ معك اثباتك واستمارة السيارة وتقرير الحادث الي اعطاك اياه نجم والتقييم الي اخذته من الورش ومحل قطع الغيار وباذن الله خلال عشرة ايام راح تجيك الفلوس

الله يجزاك خير أخيي ويفرج لك ويسهل أمرك ودربك ما قصرت كفيت ووفيت الله لا يحرمك الآجر
والله أني داعي لك بظهر الغيب

الله يحفظك ويسلمك