استفسار الله يرحم والديكم، هل فيه جهة لاسترجاع كل مادفعت من علاج

الله يبشرك بالخير مادامه تعافى لا تطلب عوض من احد
أكبر نعمه هي العافيه .. احتسب الأجر من الله وسيفتح الله عليك بدعاء والدك

الله يوفقك

يا رجال ما دام الوالد بخير وبصحة وسلامة فالحمد لله هذي نعمة ...
كل شيء فدى للغالي وعسى المال والحال تحت رجوله ...
فرصة عظيمة جت لك احتسبها ...
ودي خسرت الأراضي والبيوت والسيارت وسلم لي أبوي عساه في جنات النعيم ووالديكم وأموات المسلمين .

وعليكم السلام ورحمة الله وبركاته

حسب معرفتي بأن من شروط تعويضك عن تكاليف العلاج الخارجي عدم توفر العلاج الداخلي

في المستشفيات الحكوميه والتخصصية او تكون راجعت بالوالد للمستشفيات التخصصية والعسكريه وقالوا لك ماعندنا علاج للوالد وننصحه بالعلاح فالخارج

ولكن لو حبيت تتاكد ممكن تراجع الهيئة الطبية في منطقتك وبما انك من الخبر تراجع الهيئة

الطبية العامة فالدمام وتعطيهم تقرير طبي للوالد وتكاليف العلاج وصورة هويته واكتب خطاب

لرئيس الهيئة فالدمام تشرح فيه الموضوع وان شاء الله يصير خير

والحمد لله على سلامة الوالد

اشكر ردودك ولاهنتوو

عزيزي اي بلد سافرت لو بلد اجنبية اكيد طلبو منك تسوي تامين سفر لاكمال طلب التاشيرة عن طريق السفارة وعن طريقة تقدر تسترجع بعض الفواتير والتكاليف

هههههههههههههههههه
يا رجل قسم بالله موضوعك ضحكني
هو ابوك او ابو الحكومه
ههههههههههههههههههههه
مو متعودين تدفعون تبي كل شي على الحكومه

يالحبيب ردو عليك الشباب العوض مامن خير الزبدة الوالد اللة يطول بعمرة ونت بيعوضك رب العباد بيوفقك في وضيفتك ويسعدك بين عيالك ولا تفكر في المبالغ الي دفعتها تلقاها عن ربك وهو اكبر مكسب عن ربنا سبحانة ؟؟؟؟؟؟؟؟؟؟؟؟؟

بالربع خفو على الرجال ماتدرون هو يمكن مديون او مدين الفلوس عشان علاج والدة

لكن عموما ترجع لنفسة وطيبة النفس واكيد الوالد اكرامة يسوى الدنيا وماعليها



الله يرحمك ياابوي طلبتة يسافر للتشيك للعلاج لكن رفض قال ياولدي الي كاتبة الله يصير

الشيبان عندهم قوة ايمان وعزيمة وتوكل حتى لو مرض تحس فيهم ايمان وصبر

والله لايوفق وزارة الصحة والديوان الملكي طلبت اخلا طبي للوالد للرياض للتخصصي او العسكري وكلمني دكتور غامدي بصحة الدمام حسبي الله علية الله لايوفقة ولايحلة قال يااخي الوالد مايحتاج اخلاء كبير بالسن ومريض بجلطة قلت يااخي المستشفى الي عندنا ماهو تخصصي ومايعالج الجلطات قال لا كلمنا المستشفى وقالوا مايحتاج نقل بعدها قفل الجوال ودعيت علية من قلبي ان الله ياخذ حقي منة او من عيالة او اعز الناس علية ياكريم الله لايوفقة ولايحلة ولايسامحة ديناء واخرة يارب العالمين

وتوفى الولد الله يرحمة بعدها بكم شهر في غرفتة الصباح بعد ماصلى الفجر

الله يرحمك ياوالدي ويغفر لجميع المسلمين والمسلمات الاحياء والاموات

الله يرحمه ويغفر له واللهم امين على كل دعواتك صار المواطن يترجى منهم حقه قسم بالله العلي العظيم اني اطالب بحقي وكنت ارفع صوتي لان عندي حق وكل شخص يقابلني يقولي لاترفع صوتك عليهم يعقدونك وصدق
الملك عبدالله الله يطول بعمره امر بفتح الابواب وانا امس كنت في دائره حكوميه قلت ابغى اسال عن معاملتي قال جاي فيها توجيه من وزارة الداخليه قلت طيب هذا الشي مايمنع اني اقابل الموظف قال لا ممنوع قلت الملك عبدالله قال افتحو ابوابكم للمواطنين قال عندي تعميم
مليت قسم بالله من شماعة التبنيج الي بدوائر الحكومية تحت الاجراء راجعنا بعد اسبوع والاسبوع هذا يااخوان احضره من 7 سنوات ولا شفت نهاية الاسبوع هذا
هههههههههههه
حسبي الله على من تسبب لنا باهل امور
تصدقون معاملتي مالي دخل اشوفها

انا قبل اسبوع واحد فقط حصل لوالدي عارض صحي في القاهرة وسافرت له
وراجعت السفارة واشكرهم من أعماق قلبي ع التعاون الكبير الذي أبدوه
من عرضهم لدفع تكاليف العلاج الى توفير طائرة إخلاء طبي مباشرة خلال ايام عند رغبتي

بدون واسطة وبدون اي شي
بصراحة سمعت كثير عن نفور الشعب السعودي من سفارات السعودية في الخارج ولكن جربتهم
وكانوا نعم الأهل في الخارج والتعاون

وماحصل كالتالي :
تعرض والدي لجلطة في المخ عند تواجده الأسبوع الماضي بالقاهرة ( لوحده )
نقله أصحابه والجيران للمستشفى
واتصلوا عليا
اول رحلة حملتني للقاهرة مباشرة وهناك أخذت التقارير وذهبت لأكثر من مستشفى رغبة مني لنقله لأحسن مستشفى دون ان اهتم بالتكاليف المادية
جميع الأطباء الذين قابلتهم أوضحوا ان الحالة مستقرة ويحتاج للراحة ولا ينصحوا بنقله من المستشفى كونها تحوي اهم الاستشاريين في مصر
وهي مستشفى القصر العيني الفرنساوي
( حكومي - خاص )
طبعاً حل السفارة كان بعيد عني للفكرة اللتي اختمرت في عقولنا عن دور السفارات للرعايا السعوديين
ولكن قررت الذهاب وقابلت مدير الرعايا وشرحت له الحالة وطلبت - نصيحة السفارة في الأطباء والمستشفيات في القاهرة -
اصطحبني للمسؤول الطبي وعندما شاهد التقارير
طمأنني ان الأمور طيبة ولا يحتاج نقل من المستشفى وان المستشفى تعتبر الأفضل في القاهرة
ف شكوته من الخدمة من ناحية التمريض وحضور الطبيب ف قال سهلة - تلفون - لهم الان نوقف لك المستشفى ع رجل وحدة
وقال لي هل دفعت مبالغ للمستشفى
قلت : نعم دفعت تحت الحساب
قال استرد فلوسك وهات الفواتير تسددها السفارة
قلت كدا ببساطة قال نعم

قلت له انا ارغب بنقله لجده افضل لي وله وللأهل
فقال لي ترغب ب إخلاء طبي
قلت نعم ياليت إخلاء طبي او اذا تقبل الخطوط السعودية نقله مع الرحلات العادية حسب حالته ف ماعندي مانع
فقال نجهز خطاب الإخلاء الطبي الان وخلال 4 ايام يكون جاهز
قلت خلاص وتم التجهيز
وطلبت منهم نقله لمستشفى دار الفؤاد او الشيخ زايد او السلام الدولي ( كأفضل مستشفيات في الرعايا الطبية ) قال أوكيه بس في نقطة بسيطة
هذه المستشفيات غالية جداً واحتمال السفارة تتكفل ب 50-75% فقط من التكاليف وانت تتحمل الباقي
ونحاول نجيب موافقة من السفير ع كامل التكاليف بس قلت أخبرك من بدري احتمال تتكفل الربع انت
قلت له ماعندي مانع
خرجت من السفارة وانا ادعي لهم بكل خير

رجعت المستشفى بعد ان نقلته من غرفه الى سويت
وجلست انا ومعي الوالدة و عمي وابن عمي
افكر باللي يصير
ذهبنا لدار الفؤاد وحددنا نقله اليوم التالي لحين وجود غرفة
وفي الليل اتفقنا جميعا ع الاستخارة في امر نقله
ونمنا وفي الصباح كان الوالد ولله الحمد جالس جنبنا وبصحة طيبة فاق من الغيبوبة وبدأ يدرك ماحوله
اتصلت بمسؤول السفارة وقلت خلاص ماني ناقله لا جده ولا مستشفى اخر
فقط احتاج اتصالهم للمستشفى وتوصيتهم ع الاهتمام بالمريض

والحمدلله تحسنت حالته وخرجنا من المستشفى وبعدها سافرنا لجده


طبعاً في احد بيسأل دفعوا التكاليف السفارة ؟
بقوله : انا ماوديت لهم الفواتير لاني دفعت كامل التكاليف والحمدلله وسوف أقدمها للتأمين الطبي في الخطوط السعودية لاسترداد المبلغ
لانه هذا نظام عملنا في الخطوط لذلك التامين بيرجع لنا مصاريفنا


الحمدلله ع كل حال



والله من وراء القصد

نقطة مهمه
هذه الإجراءات في السفارة تنطبق على من يتعرض لعارض صحي وهو في الخارج
وليس من يسافر للعلاج من السعودية للخارج
- حسب مسؤول السفارة -