| جميع الحقوق محفوظة © |

مدارس الروضة شرق الرياض

السلام عليكم

عندي ولد متأخر بالكلام بدخله روضة أي كلام
من شان يختلط بالأولاد ويتكلم ويلعب وليس لأجل التعلم (لاحقين تعليم)

بحثت بالأنترنت ولقيت المعلومات شحيحه والمدارس على علمي بكثرتها مالها مواقع.
كما ان أرقام الاتصالات قديمة الي لقيتها كل ما دقيت على رقم طلع ملغي او متغير..

أحد يدلني على روضة بأحياء الروضة (الروضة - الخليج - النهضة - الأندلس - الملك فيصل - القدس)

الله يحرم وجوهكم على النار.

الردود
نقاشات مشابهة
الكل: 8
1.
07:05:43 2014.01.26 [مكة]
وعليكم السلام عليكم ورحمة الله وبركاته اخوي ان شاءالله انه بيتكلم الولد .. بس الحل ماهو الاختلاط بالاطفال .. الحل هو إخضاعه لجلسات تخاطب .. مع اخصائي او اخصائية .. وانا انصحك بالجلسات الخاصة افضل من المراكز لارتفاع تكاليف مراكز التخاطب .. اذا ودك في اخصائية
2.
10:43:45 2014.01.26 [مكة]
تبي نصيحتي مثل ما قال اخوي وسيط لانه لو مع الطلاب يشوفهم يتكلمون بطلاقه يمكن يحس انه ناقص عن اقرانه هذا غير بعض الاطفال لكيييع يمكن يرمي كلمه وتبقى في ذكرة ولدك وتاثر عليه مستقبلا هذا اللي خطر ببالي واتمنى لك وله التوفيق والنجاح
3.
15:45:42 2014.01.26 [مكة]
شاكر لكم يا اخوان الطفل عمره 3 سنوات ونصف يتكلم من كلمة إلى ثلاث كلمات يقول بابا - ماما - عطني - خذ - هات - افتح الباب .. شغل التلفزيون إذا جيت بطلع يقولي تروح معي؟ وين ماما - هات الجوال ..إلخ يعرف كل شيء ويفهم ويطلب الي يبيه بكل وضوح بس عبيط يعني تقوله كلمه تبيه يرد يرفض كذا عناد. تقوله قل بسم الله يرفض ويعصب. بس إذا طاح يقول بسم الله واضح الشغله عناد الحين ينادي يقولي بابا غدا.. يلا هووم. ههههه من شان كذا قلت أجرب روضة أول ثم اقرر أعرضه على أخصائي تخاطب او لا.
4.
عضو قديم رقم 291269
15:46:13 2014.01.26 [مكة]
أنا سمعت إنه بيض الحمام اذا اكله الاطفال مع العسل نطقوا سريعا وكذا اذا دلك به اللسان زاد الفصاحة وهي طريقة معروفة في الطب الشعبي.أو امزج قليلا من العسل والملح معا واطلي به تحت لسان الطفل
5.
15:53:07 2014.01.26 [مكة]
حسب ماذكرت في ردك .. واضح انه ( مشي ) بدري قبل عمره :) ماشاءالله الظفل يا يتكلم اول او يمشي اول .. اذا مشي اول .. يتأخر الكلام عنده شوي .. وبالنسبة لطفلك .. الكلمات يقولها ماعنده مشكلة .. ولكن عنده مشكلة في الجُمل .. مايكمل جملة وحده .. اما سالفة العناد .. لا يتعود من الآن على العناد .. ترى بيتعبك اذا كبر شوي .. عامة العناد صفة موجودة في كل الاطفال في هذا السن بالذات .. لذلك حاول تستعمل معه الحرمان .. عشان يخف العناد اللي براسة شوي .. خليه يشوفكم حازمين شوي .. ف يبدأ يراجع حساباته في سالفة العناد .. الله يحفظه لك يارب ويحفظ لنا ولكم اولادكم
6.
17:26:29 2014.01.26 [مكة]
مشى على سنة و 15 يوم طبعا هو الأبن البكر..
7.
17:52:53 2014.01.26 [مكة]
جرب لحديقة اطفال او ملاهي هل الطفل يلعب مع الاطفال او يهرب منهم او يخاف اذا يلعب ممع الاطفال لامشكلة عندة اجتماعي وباذن الله سجلة اذا يخاف او يهرب منهم هاذي مشكلة حاول تلقى اخصائي مجرب مع المدرسة اغلب الاحيان روضة الاطفال يوجد بها اخصائي او اخصائية للاطفال
8.
08:06:24 2014.01.27 [مكة]
أخي الأمبراطور ما تعرف له مرات يرفض يلعب معهم ومرات يكون بينهم ويلعب لحاله ومرات يطردهم من اللعبة آخرها قبل يومين طرد بنات بعمر 6 و 7 سنوات من زحليقه!! طبعا قليل اختلاطه بالأطفال من كان صغير بحكم أني ساكن في شقة ومغترب عن اقربائي يعني الزيارات العائلية نادرة إلا لما نسافر للأهل يختلط بخواله وكلهم كبار أصغرهم بعمر 7 سنوات. إذا اخذته لبيت الوالد طول الوقت معصب ويبكي. طبعا برضة مافيه أطفال أصغرهم بعمر 14 سنه. بالرغم اني آخذه معي بالسيارة لأي مشوار قريب من البيت مرات يجلس معي 3 و 4 ساعات حتى للصناعية آخذه. وهو شقي جدا ما فيه شي إلا وبيلمسة او يتعبث فيه وعنيد جدا ومستحيل يترك الشي من يده لو بالضرب, يرجع ويأخذه. حتى لو تناظر فيه, عااااااادي جدا ولا كأنك تشوفه! أخوه عمرة سنة من المعذبين في الأرض أنواع الإصابات تجيه كل يوم. بالفترة الأخيرة صرنا نغير المعاملة معه تجاه أخوه يعني نصرفه عنه بشي غير العتاب او الهواش وتحسن كثير في معاملته لأخوه أنا محتار معه مبدئي بناء البنيان أسهل من بناء طفل. على الأقل البناء إذا ما ضبط تهده وتبني من جديد لكن الأنسان!!