السواق تمرد ورفض العمل..وش الحل؟

سوله خروج وعودة 10 ايام
واذا راح ماراح يدخل السعودية 3 سنوات


او اعرضة نقل كفاله وعلمة ... بيجيك اللي عرض علية

اشكركم جميعاً
اخترت ماعند الله فهو خير وابقى
عملت له خروج نهائي وأعطيته فلوس زيادة بعد

أسأل الله أن يكتبني من المحسنين ويعوضني خيراً

الله يجزاك خير ... وقٓل من يفعل ما تفعله
والله يعوظك بواحد افضل منه

عطة خروج وعودة شهر لن يستطيع العودة حسب النضام الجديد

عطه خروج وعوده مدة شهر هو مراح يعرف قوله هذا خروج نهائي بعد الشهر راح ينتهي ويقفل عليه النظام ولايدخل السعوديه مدة 5 سنوات وخل عباطه ينفعه هو والحسود

نفس اللي عندي
والظاهر ان الإكرام ما ينفع

والله يااخوان هذول يبيلهم العين الحمره يبيلهم واحد يمسح فيه الارض بصراحه

بلغ عنة هروب وسلمة لترحيل وخلص منة معديجي لسعودية

اوعطة خروج وعودة معديقدريرجع الى بعد 5 سنوات

صكه على وجهه..... كود يتروض

خله يروح .. وان شاء الله خيره لك ..

هذا مشكلة بعض السعوديين قليل اصل لازم يخرب علي غيرة

أسجنك مدة أسبوع وإذا تمرد بعد كدا سفرة

أخوي , أولا والله إني ما قرأت الردود السابقة أبدا (عشان ماحد يعتبر ردي مخالفة لرأيه)

المهم ياخوي , انت ماقصرت معاه و أحسنت له وهذا شي جزاك عليه عند الله سبحانه وتعالى
اذا انت سويت الشي من باب الاحسان له فالله لن يضيع أجر محسن .

و أعتقد إن اغلب الإخوان في الردود راح يرد عليك من وجهة نظرك إنت , انا برأيي الله يرفع قدرك دنيا واخره , خلينا ننظر لها من وجهة نظره هو , نحط أنفسنا مكانه مثلا نشتغل عند شخص محترم مثلك وشرواك براتب ما راح نقول 1500 ريال خلينا نقول 5000 ريال , و بعد فترة إنعرض علي عمل ب7000 ريال و أنا في عز حاجتي للريال , هل تلومني لما أدور على مصلحتي ؟
طبعا الواحد ماتغرب من بلده وترك أهله وناسه وعياله حبّا للشغل , ما نترك أهالينا إلا لمصالحنا وهذا شي ما يختلف عليه عاقلين اثنين , فما بالك أخوي لما يكون راتب الشخص 1500 ريال و حصل له عرض من مكان آخر ب1800 ريال , فباختصار تفكيره في محله وصحيح ( وإن كان القرار نفسه غير صحيح وقد يندم عليه طول عمره لما ما يحصل الطيب و الاحترام اللي جالس يحصله منك الآن )

المغزى أو الفكرة , أن نتعامل مع الموضوع بأخذ مصلحة الطرفين بعين الإعتبار , لا أقصد تضر نفسك فإنت أدرى بمقدرتك إن كان المانع هو الراتب فعلا وتشوف نفسك مقتدر على إعطائه الفرق المطلوب إشتري رغبتك ولاتنظر لهالميتين او الثلاثمية و انظر له بنظرة المحتاج لا بنظرة العدو , و أما اذا تشوف انك عاجز عن الفرق أو ما بترتاح عند دفعه فتسريح بإحسان , ولا تنظر لما بعد التسريح خليه يسعى وراء رزقه والله يرزقه ويرزقك ولاتضيع أجر إحسانك الماضي معاه بردّ فعل أو تصرف ختامي لعلاقتك معاه و العوض عند الله خير و أبقى .

( قد يختلف كثير مع رأيي أو ردي لكن لكل تفكيره و منطقه و أسلوبه في التعامل وهذا منطقي لا أكثر )

موفق

أعتذر اتضح لي مؤخرا إن الموضوع قديم وخالص ومنتهي

الحمد لله وجزاك الله خير على تصرفك

مارد علينا وش سوا مع سواقه

رد وهذا ردّه ,

42. بقلم: drmsm399 قبل 3 أشهر و24 يوم
اشكركم جميعاً
اخترت ماعند الله فهو خير وابقى
عملت له خروج نهائي وأعطيته فلوس زيادة بعد

أسأل الله أن يكتبني من المحسنين ويعوضني خيراً

المفروض السعودي الي في الحي يستأذن منه قبل لا يأخد السواق.. من باب الاحترام.. خصوصا ادا كان السواق ملزم بالمشاوير مع العائلة

تبي نصيحتي سوى له خروج نهائي

سو له خروج نهائي او انقل كفالته
وشغله عندك شهرين واسحب منه ال2500 براتب الشهرين

الي خربه تدليعك خروج نهاىىىىىىىىىىي فقط نقل كفاله لا هذا الي يبيه