استفسار عن عقوبة الوقوف امام منزل شخص اخر

وثق كل هالاشياء بتسجيل وصور وقدم شكوى على مركز الشرطه عند الاماره

نفس نظامك انا بس من عيال جاري يوقفون الى درجه مره بغيت امردغ واحد من عياله لين طلع هو لي واعتذر ورجعو كررو نفس المشكله فكرت اربط موتره بصدام التاهو وشغل الدبل ولايردني الا الحاره الثانيه بسيارته لكن خفت اصير خلف الباب السجن اخر حلقه ابشرك انهزم البطل ونقلت لبيت ثاني هههههههههههههههههه

رددد ياليييلل ما اطولك ... هتروح للشرطة والشرطة للامارة والامارة للشرطة بعدين اذا كان عندك فتمين وووواوووووو يحصلو معاملتك وان شاء الله خير ... بالتوفيق

شكرا على الردود لكن تحديدا ماعقوبة من الاشخاص الذين يقفون امام المنزل لو اصروا ماذا يفترض من الشرطة ان تفعل بهم سجن شهر او 6 اشهر او ماذا

الصراحه موضوعك جميل بس للاسف مااعرف عنه شي
ان شاء الله يجينا رد ويفيدنا

ومهم ان اعرف وغيري يعرف القوانين والعقوبات بحثت في النت

ولم اجد مايوضح ولا في موقع وزارة الداخلية

،
( عُرفاً ) ليس لك حق في ما بعد ارتداد الرصيف

ليش؟

لأنه لو صار ( لك ) حق ، لابد يصير ( عليك ) حق

يعني القانون له حدين : لك و عليك ... ما يجي لك ولك

اللي عليك انه لو جا شخص وطاح وانكسر في الممر اللي امامك راح تكون القضيه ( عليك ) وانت مسؤول ومسئول عن الشخص..

ولكن احمد ربك على الاعتباطيه الموجوده وحاول تنسم الكفرات ولا تفقع بيض على قزاز سيارته

حط في بالك انك لو تكسر السياره لين ما يبقى الا الشاص ، راح تكون القظيه ( جنحه )

ولكن لو تشب فيها نار راح تكون القظيه ( جنائيه )

فانتبه هنا...

لكن شخصياً انصحك تحط سلاسل او دعاميات ارظيه تنزل بالريموت اريح لك

معليش معنات كلامك انا غلطان وتصدق اني تطفشت لما كنت اعمل في محافظة ثانية بسبب البحث عن موقف بل انه احدهم ايقظني من ليلا وانا نائم عشان اشيل السيارة والآن تقلي مالي حق وثانيا انا لا أتكلم عرفا لكن قانونا (قانون الشرطة والحكومة )
ثانيا يقدروا يقولولي مالك حق احنا موقفين في الشارع والشرطة تريح نفسها وتقولي مالك حق
فمعليش كلامك غير صحيح وارجو الا تكون متعاطف معاهم

اعتقد الشارع ملك الجميع ومالك الاالموجود بالصك

اللي اعرفه ان أبواب منزلك محد يوقف قدامها والباقي ملك الجميع
لان سبق ان واجهت نفس المشكله وقيل لي ماذكرت لكم

انانفس المشكلة لكن وصعت لوحات ممنوع الوقوف ومن بقف اقوم بتنسيم الكفرات
ومن بعدها محديوقف

أرسلت لك رسالة على الخاص وما رديت علي

رد علي وعندي لك حل يأدبهم

شكرا على الردود لكن تواصلت مع الامن العام في تويتر ولم يردوا والداخلية في تويتر ولم يردوا وعبر صفحة تواصل معنا في موقع الداخلية واظن فشل الإرسال او انهم لم يردوا لا أتذكر ، طبعا حالي من سيء لأسوا لازلت لا أستطيع التواصل مع 999 واليوم وجدت فيما يبدوا اتفاقا 4 سيارات تقف بجانب البيت واحد مقابل الباب وهم بصراحة يتبعون مؤسسة حكومية وطبعا رحت الشرطة واسواء كلمة متعودة منهم وهي هدي نفسك احترم المكان لاترفع صوتك وانا في قمة العصبية وطبعا طلبت المدير وكالعادة غير موجود فبدات بسببابهم وقلت ابذأ كلام وبصدق سببت المركز عموما والمدير والافراد بأبذا كلام وبعد ذلك تم الأعتداء علي بسحبي من رجلي وضرب المبرح والمهين من حوالي 7 اشخاص بعضهم بدون مايبين اسمائهم اعتقد يسمونها شارات الاسماء او البادج لاأدري ، ومن ثم توقيفي لنصف يوم وارسالي للمستشفى على اني مريض نفسي والطبيب المصري راى حالتي (شوية جروح) ورفض ان يوقع التقرير ولم اهتم بعدم توقيعه لان الحق عموما ضائع ، الان اكتب الكلام وغير مهتم كثيرا لانه حتى لو يحل الموضوع فان الحل بعد اهدار الكرامة وبعد اسواء كلمة اسمعها دائما في الشرطة هدي نفسك ولاترفع صوتك بعد ان كون اصلا اتيت للمرة المائة للمركز ولا حل وللعلم هذا اثر على معيشتي فحصل ان ورشة اكلوا مني الف وخمسمئة ريال وهم اجانب لكن تماما توقعت الشرطة ان تقف بجانبهم كما حصل لي قبل ذلك. وجانب غائب وهو اني اعتبر وحيد ضد الشرطة وضد اللصوص سواء سعوديين او اجانب ولذا افكر بالهجرة رغم حالتي الصحية غير الجيدة

رغم مايعتبر ماساة لكن هناك مايسلي انني دائما عندما اواجه شخص واحد ضابط او فرد شرطة او مواطن او اجنبي اجد جرأتهم تضمحل بل ارى الخوف فيهم ، للاسف اقول هذا الكلام لان الوضع اصبح يتعلق بالكرامة، واكاد اقول ان عموم من يعتدون على الآخرين يعتمدون على كثرة العدد حتى لو كان ملكا مهابا او دكتاتورا او اي شخص متسلط

يا ساتر يارب ... يا طيب وسع صدرك .. اشبك ماخذ الأمور على قلبك كذا ..
والله بنظامك هذا ماراح ترتاح طول عمرك ...


الان من موضوع ناس يوقفون قدام بيتك .. وصلت اللين انضربت من الشرطة وبلكوا رقمك و ودوك مستشفى نفسية ... اهدى من كذا يا طيب ..

ياخي دائماً فكر انك ماتاخذ الأمور بالشكل هذا .. وخلك طويل بال .. ولا تزعج نفسك وتتعب وغيرك مرتاح وحاط رجل على رجل ولا فكر فيك ..
بالله عليك ايش استفدت الان من المناحه هذه .... الا قلة القيمة والضرب ويودوك مستشفى نفسية وسجن نص يوم ... والله ماتسوى ...

الحل : طول بالك وماعليك .. وخلي سيارتك قدام بابك والباقي ياخي خله لهم .. لا تصير جار بثر وكريهه ( والله ان عندي جار الحارة كلها تكرهه عشان ماخذ المواقف كلها له لوحده والناس متحاشرين في المواقف - طبعاً ينسم الكفرات ويكسرها .. )
طيب بالله لو جا واحد مراهق ولا مجنون ولا مدمن وتقاتل معاه عشان موقف ولا واحد منهم قتل الثاني ولا عوره عشان موقف .. وتدخل في سين وجيم على شي ما يسوى ... ؟؟

والله انه كريه وجار أتمنى انه يرحل اليوم قبل بكرة ... ولكن وش نقول ...

نصيحتي لك احتسب الاجر عند الله ... واتبع نصيحة الرسول صل الله عليه وسلم ولجارك عليك حق ... وتقبل من جيرانك واحتسب ...

اما النظام الرسمي لشكوى الداخلية - قسم الشرطة - اكتب الشكوى وارفق معها التقارير الطبية والاثباتات اللازمة وقدمها يداً بيد في ( الامارة أو وزارة الداخلية ) ولا تعصب وتضارب وتسب خلق الله ... وان شاءالله حقك بيجيك ...

اما لو ماصار شي ف خلاص اللي عليك سويته ... ومثل ماقالوا لك الشباب حط سلسلة حديد قدام بابك .. وانتهينا .. ليش الزعل ذا كله ...



لمعلوميتك .. حصل لصديق لي .. انه احد جيرانه قفل عليه على السيارة ( هنا حالته تختلف عنك عشان تعرف التفاعل الحكومي في الحالات ) المهم الرجال نزل ولقى السيارة قافله عليه وتأخر على الدوام وهو ينتظر ... ببساطة رفع جواله اتصل على المرور ..
جاء المرور للموقع .. و وراهم السيارة وهي قافله عليه وهو ينتظر من الساعه 6 الصباح لحد وقتها كانت الساعه 7 تقريباً ...
طبعاُ المرور كلموا السطحه عشان يشيلوا السيارة ...
الا راعي السيارة نزل من بيتهم ... واعتذر ومن هالكلام .. الا العسكري لصخه بمخالفة وقوف خاطئ .. وحاسب السطحة اللي جات .. الا خويي قاله وتحاسبني على ساعة التأخير اللي اتأخرتها بالدوام :) وربي فجعه قال ها .... قاله انا اعتبر متأخر ساعه حاسبني عليها ... المهم وحاسب عليها ... وهو ما يشوف الطريق ..

بعدها خويي يقول والله كان مأذيني كل يوم مقفل على واحد ... بس من بعد هالحادثة والله اشوفه موقف في اخر الشارع جنب الرصيف ... اذا مالقى موقف قدام الباب ..

طبعاً نجي نحسبها الرجال كان يتساهل لانه ماحد يتكلم ويزعلون شوي ويتعاندون ولكن لما شاف الجد .... تاب ...



يا صديقي وسع بالك ..

المرور مرتين اتصلت الاولى رفض 993 تماما تسجيل لوحة السيارة واخبرته اني مشكلتي ليست من اليوم فقط لكنه رفض وقال وسع صدرك وهذا جارك واليوم الثاني اشتكيته للمدير بصراحة ظننت فيه خيرا واتيت اليوم الثاني للـتأكد من معاقبته فأخبرني المدير انه الان في ادارة المنطقة ويتم التحقيق معه اليوم التالي اتصلت لوجود سيارة اخرى فأخبرني الموطف انه اصبر اخبرته ليسجل الرقم فطنش وقال دورية حتجي وطبعا نيته يتواصل معاهم ويروحوا طبعا كما تفعل الشرطة ويعودوا اليوم التالي المهم ان هذا يثبت ان الموظف لم يحاكم والا فعند اتصال الثاني الموظف سيحترمني ويحترم حقوقي
ونقيض ذلك فوجئت مرة بدورية مسرعة جدا تلاحقني بسبب تجاوز السرعة وكان الوقت فجرا والطريق سريع وغالبا خالي وكنت دوبي صاحي لكن وقف وقالي انزل بنفخة وسجل غرامة ووالله اني اشوف انواع المخالفات امامي يوميا لكن الدعوة مسألة كراهية وكبر وحسد والعياذ بالله ضد شخص لاسباب مختلفة والا كيف لما اكون في شرطة يقولوا ايش عندك ياولد
ومرة صدم سيارتي ليموزين في احدى المدن واتت دورية بعد نصف ساعة وصاحب الليموزين وهو غالبا سعودي اويمني طوال النصف ساعة يقول صلي على نبيك و مادام في الحديد مايضر وخلاص خلنا نروح ، المهم مانفع هذا واتصلت بالدورية مرة اخرى وعرفوا انهم يجب ان يحضروا وطبعا عند حضوري المركز ، ويش عندك وبعدين سامح مادام في الحديد مايضر المهم اصريت على حقي وطبعا انا رفعت صوتي ونفخت وقالوا لو سمحت لاترفع صوتك احترم المكان وتم توقيفي يوما كاملا وقابلت المدير الصباح التالي واخبرته بموضوعي وقالي ماتبغى تسامح طبعا بدات اتوتر وقالي ولد تحترم نفسك انت مو في بيتكم
اخيرا افترض اني كذاب وخبل لماذا لم ترد علي ادارة الامن العام او الداخلية
بالنسبة لي درك سيء

طبعا نتيجة الحادث انقطاع مصدر رزقي في تلك المدينة حيث اثر الحادث كثيرا على السيارة الى ان قضت عليها الأمطار ونصب الورش وكلمة حق السيارة اعجازية هي صني موديل ثمانينات ومكيف ثلج لكن قضي عليها

فيه كاميرات وهميه تعلق فوق البيبان والسور وتعطي لون أحمر يولع ويطفي
حطها وجرب
منها تحميك ب إذن الله من حرامية السيارات
واحتمال توقع الخوف بمن يقف ب خشية إثبات بتصويره بالكاميرا

جزاك الله خير على الاقتراح لكن هؤلاء لايشعرون بالخوف تماما