استشارة، السفر إلى مصر

إذا سياحة غير الوجهة أفضل لك

ما في دولة عربية تستحق الزيارة

طيب وش اللي يستحق الزياره

حالياً أوروبا فقط

إذا ميزانيتك ما تسمح أندونيسيا - ماليزيا لكن ربعنا كلهم هناك

اشكرك طيب تقريب الميزانيه لاندونسيا من تذاكر واقامه لمدة معينه مثلا 10 ايام

ما عندي علم عنها
لكن أندونيسيا بعيدة ولازم تخصص لها 3 أسابيع حتى تستمتع وتكون زيارة متكاملة

معلوم طيران يبالها تقريبا 9 ساعات شكرا لمرورك وننتظر باقي الاخوان

مصر حلوه وانصح فيها بشده

شوف كل مكان وله رواده ومحبيه ..
اذا انت متشتت وين تسافر ( هذه مشكلة ) لازم تعرف انت وين تبي تروح بالضبط وماعليك من الاقتراحات اللي بالنهاية بتخليك تجلس في البيت :)

سؤالك محدد .. دولة مصر ..

اذا اجازتك قصيرة جداً .. توجهه لشرم الشيخ او الغردقة ( الجو صحيح حر ) ولكن جميلة وتستحق زيارة بسيطة سريعة ..

عندك الإسكندرية تعتبر افضل من القاهرة وزحمتها

القاهرة - لها محبيها وعشاقها ... يعني اذا انت من الناس اللي تضايق من الزحمة والقلق وكثرة الناس .. ف ما تنفعك القاهرة
في ناس يحبوا القاهرة عشان زحمتها وناسها ..

طبعاً .. الفنادق .. انصحك بالفنادق ال 5 نجوم لإن أسعارها ثاتبة ومعروفة ..
السنة هذه ماعرف الأسعار بصراحة ولكن العام كانت جداً مقبولة .. يعني الغرفة من 90 دولار الى 120 دولار ... ( الدفع بالدولار طبعاً )

لإنه لو فكرت تروح شقق مفروشة او فنادق صغيرة راح يتم استغلالك بشكل فاضح .. يعني ببساطة ممكن تسكن في شقة مفروشة سيئة بسعر سويت في فندق اذا ماكنت مفتح عينك وسائل في كل مكان ... (( كانت بتصير معي من فترة طويلة ولكن الحمدلله ))

طبعاً الفنادق تختلف أسعار الغرف بإختلاف الخدمات يعني مع فطور وبدون و كم سرير و الواجهه وراح يفرق السعر معاك - أسال مجرب -

بالنسبة لخطوط الطيران في طيران النيل شفت له عروض اليومين هذه
وعندك المصرية للطيران اسعارهم مناسبة

الأماكن عاد ان شاءالله تلاقي احد يفيدك ..


مهم :
بخصوص سعر الصرف .. الان ممكن تسلم على مضيف الطائرة يقولك تغير عملة ؟؟؟ ( صيغة مبالغة ) طبعاً . :)
لذلك احرص على انه تغير فلوسك في مكاتب الصرافة افضل من الشارع وافضل من البنك لإنه ممكن سواق تاكسي يقولك اغير لك عملة والفرق عن مكتب الصرافة جنيه ولا اثنين ف ماهي محرزة لاقدر الله اعطاك فلوس مضروبة ولا سرقك و حاول تسأل وتساوم لو غيرت الف دولار بكم طيب لو خليتها الفين بكم وهكذا ...


نقطة أخيرة :
نزل تطبيق اوبر عندك ولا تسجل الكردت كارد حقت عليه .. خليها بدون فيزا .. واستخدمه في تنقلاتك .. سيارات حديثة و سواقين محترمين ومتعلمين وكلوا مسجل بالتسعيرة ولا تزعجني ولا ازعجك ....

شكرا لكم

روج حصاة قحطان شلالات وامطاروملاهي مكدونالاز وفريب دزني وطيح ملاهي جديده

اسئل عن مصر مو القويعيه شكرا لك

يمدحون اذر بيجان واسعارها رخيصة حسب ماوصلني بس اسأل عنها وتأكد كلها طبيعة جميلة

واذا مصمل على مصر روح الاسكندريه وشرم الشيخ اما القاهره ما انصحك فيها كلها ريحة خياس ومع الحر الله يعينك خسارة فلوس وقت

وبعدين وش فيها حصاة قحطان طايحة من عينك يقلون ترابها ذهب وحصاها الماس وناسها ورجالها لو ترسل عشرة منهم احتلو قطر وضموها لسعودية بس يامر ابونا سلمان محزمه لاتحزم

شكرا لك علي الرد اخوي