جميع الحقوق محفوظة ©
السلام عليكم ورحمة الله وبركاته
ارجو من الاخوة اصحاب الخبرة افادتنا بماهي اجراءات نقل ملكية محل مع الرخصة عن طريق التقيبل
اولا الف مبروك انك اصبحت من احد التجار والله يعطيك خيره ويكفيك شره
بالنسبه للبايع اعتقد الاجراءات سهله لانه بيروح اي مكتب عقار ويسوي مبايعه وياخد فلوسه
اما المشتري او المتقبل . فاعتقد ان وراة قصص ومرمطات كثير ابتداءا من وزاره التجاره الى البلديه والغرفه التجاريه ومكتب العمل والجوازات والدفاع المدني والتأمينات ويمكن توصل حتى الاماره وجهات حكوميه اول مره تسمع بها
جزاك الله خير
الحمدلله تاجر من يومي بس أول مرة أخذ محل تقبيل
الاجراءات هذه لو فعلا صحيحة خلاص هونت هههههههههه
الموضوع بسييط جداً
مبايعة في مكتب العقار وعقد الإجار تحوله بأسمك وتحول الاسم في لوحة المحل بأسمك
وبعدها انتهى تسلم الاوراق للبلدية ( قبل الساعة 8 الصباح ) لأن مراقب البلدية يأخذ كامل الاوراق
ونموذج من البلدية ويشاهد المحل على الطبيعة يتأكد من تغيير اللوحة وبعدها يوقع لك وترجع للبلدية تسلمهم الاوراق ويصدرون لك رخصة باسمك . كلها شغلة يوم او يومين اذا تأخر عليك المراقب .
بالتوفيق ...
اخوي قمووور
جزاك الله الف خير ماقصرت بس لدي استفسار في حال لا اود تغير لوحة المحل ما العمل
ماقلنا شي يااخ قمووور
بس ترى هذي الخطوه الاولى
لكن بعد ماتسجل الرخصه باسمك راح يطلبوك الجوازات ومكتب العمل والشرطه واي طرف من الحكومه عمال في المحل ع الكفاله
وبعدها راح ترجع لنفس الدوائر الي ذكرتها لك عشان تطلع عمال وتستمر في التجاره الحلال الحلال الحلال الحلال
وان كانك مشيت ع طريق ثاني وسلمت العماله رقبتك واكتفيت بايجار شهري من مجهوليين اوغيرهم فهذا موضوع ثاني
الرد رقم 5
كلامك صحيح ماقلنا شي بس هذا فيحال المحل قديم وعليه عمالة
بس المحل جديد له شهرين بس وما عليه اي عمالة ولم يتم فتح ملف له في مكتب العمل
فقط معمول له رخصة بلدية ودفاع مدني ولايوجد فيه عمالة
رد4 ...
ما يحتاج اخوي تغير اللوحة كاملة (( تجيب خطاط بـ خمسين ريال تقريباً يعدل الأسم اللي على اللوحة فقط )) .
الاخmassiri77 في الرد 5
انا ماقلت انك قلت شي ولا تطرقت لك لامن قريب ولا من بعيد
لكن طالما هذا ردك رويدك اخي العزيز الأجراءات واضحة ومفهومة
وانت تسرد اسم جميع الدوائر الحكومية بدون اي توضيح والرجال سأل عن نقل رخصة محل
وهذا المطلوب طبعاً اذا اراد ان يستخرج تاشيرة عامل هناك اجراءات يطلبها مكتب العمل
ويعطونه حسب النشاط وحسب مساحة المحل فقد يعطونه تأشيرة او تأشيرتين او ثلاث على حسب .
لكن بودي تجاوبني ما علاقة الشرطة بفتح المحل ؟؟؟
انا اقلك وش علاقه الشرطه بالمحل
اولا لازم تعرف ان المرضى النفسيين والحساد كثير
ثانيا لازم تعرف ان جميع اجهزه الامن لها علاقه بكل مايحصل في الشارع
ثالثا طول ماانت مخالف القانون ( ومشغل عماله مجهوله او ليسو على الكفاله ) فتراك عرضه لاي مسائله وفي اي وقت و احتمال يمر على محلك رجل امن ويطلب اثباتك اواثبات العماله وذا ك الوقت لاسرت ترتجف انت وعمالك . . . بتعرف علاقه الشرطه
رد 8
اذاً كلامك ليس له علاقة بموضوع الرجال ....
يعطيك العافية
اخي فمووور
يعطيك العافية، واسف جدا لفتح الموضوع بعد فترة طويلة جداً
ولكن عندي استفسار اذا كان اسم المحل بأسم صاحبة السابق
مثلاً اسواق (الفلاني) وانا بغيره بأسم موسسة، في هالحالة وش الحل؟؟؟؟
ولك كامل الأحترام
خالد
