ابي اوصل مدرسات واحتاج مساعده

تروح لوزارة المواصلات لأجل كرت تشغيل فقط لان الباص 15 راكب يعتبر من فئة النقل ومن ثم نزل اعلان على حسب خط سيرك اذا ما تبي حد يخاشرك في رزقك واذا تبي عن طريق المقاولين الخاص بقل الطالبات مع ادارات التعليم يعطونك شعار شركتهم ولهم نسبه معينه على الحمولة كما اشير لك في طريقه قد تستفيد منها في رمضان اذا السيارة جديده تقدر تشتغل فيها على طريق مكه - المدينه وممكن تطلع نصف قيمتها كذلك ممكن تتقاول في الفتره المسائيه مع مستوصفات خاصه لنقل الممرضات من والى كذلك ممكن تتقاول مع شركات مقاولات نقل عماله كذلك فترة الحج فيها خير كذلك كذلك ممكن تتقاول مع فنادق لنقل النزلاء من والى المطار يعني فيها خير كثير هذا ما أتمناه لنفسي لو كنت محلك وأحببته لك وفقك الله

الله يسعدك ياشيخ والله انك جبت لي اشياء كانت غايبه عني الله يرزقك على مد نظرك