تابع مستعمل على
جميع الحقوق محفوظة ©
بسم الله الرحمن الرحيم
السلام عليكم ورحمة الله وبركاته
اخواني انا انسان مضطر استقدم خادمة ورحت لمكتب الاستقدام وطلعت تأشيرة خادمة فلبينية لكن بعدها توقفت
انا انسان لم يسبق لي استقدام خادمة ولا اعرف مكتب سمعته زينه يجيب لي بشروطي (مسلمة ومقبولة المظهر وممتازة مع الاطفال)
ابيكم تدلوني على مكتب ممتاز يستقدمها لي ولا يصير فيه تأخير ومماطلة مثل ما اسمع كل يوم
كلمت شخص سوري اسمه راكان صياح موجود في الفلبين وقالي اجيب لك خادمة خلال تسعين يوم بس حول لي المبلغ وانا بيني وبينكم متخوف وشلون احول لشخص ما اعرفه ولا له مكتب في الرياض على الاقل
تكفون الله يجزاكم الجنة احد ينصحني ويدلني الله لايحوجكم لأحد
ان حولت له شي فتراه طار عليك طيرة قشرا
انتبه تراهم نصابين العرب المقيمين لا تحول له ولا ريال فيه اعلانات من السفاره والاخوه اللي تعاملوا معهم هناك الافضل تتعامل مع مكتب احفظ لحقك وعشان الشغاله اذا رفضت الشغل او صارت مشكله يكون لك قبيل موفق خير
جزاكم الله خيرا
اخوي اغلب المكاتب توعدك.بوقت قصير وغالبا الشغاله تاخذ ماببن ثلاث شهور الى ست شهور
استخير ربك اذا رحت المكتب وقبل التقديم وان شاءالله رب العالمين بختار لك الصالح
حسب ما افادوني الناس والمكاتب وحسب التجربه
العامله الفلبينيه الغير مسلمه افضل للاسف من المسلمه من ناحية التحمل والنظافه والبقاء لفتره اطول
طبعا هي مو.قاعده لكن هذا المتعارف علبه
وادع ربك.يسخر لك الصالحه والله يوفقك
اذا هي على ثلاث شهور اربع فالامر يسير بإذن الله
بس انا ابي اسم مكتب في الرياض يبرد الكبد الله يجازيكم خير
اهم شيء انتبه من مكاتب الخدمات أو الأشخاص لاتحول ولا ريال الا بعد استلام الشغاله ترا بعضهم يقول بعد التفييز وبعد ماتحول المبلغ يفتح الله يقولك الشغاله رفضت
احذر اخي من تحويل اي مبلغ وابحث عن مكتب موثوق بالرياض ...اذا حولت المبلغ تراك مانت شايف الخدامه ولا الفلوس الحذر الحذر وفقك الله
