إستفسار عن تأشيرة خروج نهائي ضروري جدا

اهلا


في تجديد الاقامة يراجع الجوازات

والجوازات ما يهمها من ملاحظات مكتب العمل

ملزم ان يجدد الاقامة

وبعدها مخير ان يبقى او يعمل تأشيرة خروج



طبعا في حالة واحده فقط يهتم الجوازات بملاحظات مكتب العمل

وهي ادا كان عامل خروج نهائي و بعدها يريد يعمل الغاء خروج نهائي

في هده الحالة تلزم الجوازات الوافد بالرجوع لمكتب العمل لأبداء الرأي هل يجدد له او لا

العامل خلاص يبغى يخرج خروج نهائي لكن كفيلته ما سوت أبشر حتى الآن .. والمعقبين يقولوا إذا انتهت صلاحية الإقامة في حل واحد فقط بدون تجديد إقامة وهو نظام الترحيل ؟ وليه الحكومة هنا يصعب الأمور زي دا . لو لازم تجديدإقامة علشان تأشيرة .. يارب الله يستره يعني راح يكلفه حدود 6 الاف عشان تأشيرة وكل دا عقاب التأخير لمدة أسبوع فقط .

وأنا كمان حاولت أدور له معقبين الكل يرفضون إذا لم تعمل كفيلته نظام أبشر . وبعض المعقب يقول حل واحد تجيب خطاب من عمدة وورق تفويض من كفيلته .

العامل دا شيبا عمره 70 سنة تقريبا .

.

شف .. الحل كما قلت انت ..

المعقبين اللي شاروا عليك بالعمدة كلامهم صحيح وهنا دور العمدة ..

بس لازم تفهم العمدة تقوله تاخرنا عن تجديد الاقامة لعدم استطاعة الكفيلة الذهاب للتسجيل في نظام ( أبشر ) ولابد تجيب مشهد من اي مستشفى يثبت فيه تقرير حالة المريضة عشان يبني عليه العمدة شرحه للجوازات .. وكذا ينحل موضوعك .. بس عاجل قوام قوام قبل ماتزيد المدة عن اسبوع كمان .

.

وعليكم السلام ورحمة الله وبركاته

بما ان الاقامة منتهية والعامل يبغى خروج نهائي

تقدر تسوي تسوية تدفع رسوم الاقامة 650 وغرامة تأخير 1000 وتصدر خروج نهائي

اقصد تقدم المعاملة يدوي مثل السابق لان الاقامة منتهية ولا تقدر تسويها من ابشر لو كان مفعل

تحتاج وكالة او ولدها يراجع الجوازات وربي يسهل امركم

أشكركم يا إخواني وبارك الله فيكم على الردود الجميل والمعلومات الثمينة ... إن شاء الله الأمور سهلة ما دام نحن في بلد أمن وأمان .

لا اقدر ان افيد الا بشي وووواحد ومتاكد منة - لايحق للعامل او كفيلة عمل خروج نهائي - لا بعد تجديد الاقااااااااامة
وشكرا

اخوي تقدر تصدر له الخروج النهائي حتى لو منتهيه صلاحية ايقامته
بشرط عدم تجاوز المدة المحدده له
بس في غرامه يدفعها اذا تأخر في اجراءات تأشيرة الخروج النهائي
واتمنى لكم التوفيق

واذا حاب تسوي له خروج نهائي تقدر وبالنظام لا لف ولا دوران ولا في ورقه تختمها من اقرب عمدة يكتب صيغتها المعقب وينتهي كل شيء واذا ماحصلت واحد يسويها لك
في مكتب اتعامل معاهم من مدة وشاطرين بالامور ذي ويمكن على حسب الاوراق ما يحتاجو من العمدة واذا حاب اعطيني رقمك خاص وارسلك عليهم
والله ولى التوفيق.

وعلى فكره اذا سويت خدمة ابشر ماتحتاج اي معقب في الخروج النهائي ولا حتى في خروج وعودة ولا في تعديل المهنة ولا نقل ولا اي شيء كلها تسويها وبعد ما تعمل بالاجراءات بموقع الوزارة بخدمة ابشر راح يرسلو لك السداد قبل الوقت الفلان ولا تم استلام طلبك ولا يمكنك زيارة احد مكاتب الجوازات التالية وطباعة بطاقة العامل الجديدة << طبعاً لتعديل المهنة او التجديد .
انا معاي مؤسسة وارتحت بعد ما فعلت خدمة ابشر

خدمة ابشر ممتازه وبإنتظار زياده خدماتها