STC وش أشوي معهم . . ياليت اللي يعرف يساعدني

8002444455

انشب لهم الى مايردون عليك من 8 الى 3

نصيحه من مجرب حولوا جوالاتكم المفوتره الى سوا

عروض سوا ممتازه .

انا عن نفسي ارتحت كثير ولا اتصل عليهم ولا ارفع اعتراض ولا شي ومشترك في احد الباقات الخاصة بسوا .
ولا عندك هيئة اتصالات تجيب حقك ، يعني تسوي شكوى لنفس الشركة هههه ، تشتكي الي طاقك ، وين الحكم وين هيئة الاتصالات وين دورها .

ريح راسك وحول سوا

انا متأكد انك مشترك بخدمة ابواب تأكد واذا فعلاً مشترك فالموضوع بسيط اعملها الغاء

شركة الاتصالات نصابين واخلاقهم سئ في التعامل اللي عنده مفوتر يحول سوا ويشترك ب100 ريال كل شهر ترسل رسالة 7003 الى 902 وتكلم بلاحدود تدفع 100 داخل شبكة الاتصالات

نصيحة مني من مجرب ادفع كامل الفاتورة وروح لموبالي

حول خطك وتعبي اسمتارة تعبه طلب وتاخد من عندهم شريحة لمدة 3ايام انك فقط تستقبل

مكالمات ولاتجري اي عملية اتصال وبعدها يتحول لموبالي

واشترك خدمه في واجد بلاس ب150ريال شهريا

فيها ميزات 3000الاف دقيقة مكالمات مجانا

و200دقيقة مشغلين

رسايل مجانا وواتس ابب مجانا و2ميجا نت مجاناا

انا دفعت الفاتوره والغيت الخدمات وحولتها سوا غير مفوتر وقبل امس راسلين لي رساله تم اصدار فاتورتك 173 ريال وانا منشهر لاقيه الفاتوره الموفتره وعطوني جديده والى الان ما استفسرت من السالفه

لا حول.ولا قوة الا بالله
من ردودكم واضح اني بدفعها
والله اني فكرت احولها سوا واخليها فقط استقبال لان رقمي قديم واجيب موبايلي واريح راسي

بالنسبه لخدمة ابواب ماعندي
ارسلت رساله استفسر عن تفاصيل الفاتوره
حاطين 855.25 مكالمات واجمالي رسوم اشتراك 198 واجمالي خصم 100.23 والتسويه -0.0
وش يعني خصم وتسويه انا لسه ما اعترضت ولا شي

بسدد واحولها سوا والله يعين على المبلغ

الغير مفوتر يعني مكالماتك ورسايلك واستخدام انترنت اذا ماكان عندك باقة او انتهت الباقة

المفوتر هو مكالماتك ورسايلك والانترنت اللي بدون باقة + رسوم الخدمات

يعني شي طبيعي عند صدور الفاتورة يختلف المبلغ عن الغير مفوتر لان مضاف لها رسوم الخدمات

اتحدى اذا فيه احد اخذ حقه من شركة الاتصالات

الله يعين
والله هالفاتوره دايما تجيني 350 حتى اقولهم انتوا تحبوا هالمبلغ وش هالنظام اللي عندي بس 350
الظاهر زعلوا من كلمتي وضربوا الرقم ب 3 هههههه

حسبناالله ونعم الوكيل وهذامن اكل ااموال الناس بالباطل عندي خدمة وابغى الغيهاويقولون انت غير مشترك ويسحبون فلوس ولواتصلت على902 مايردون عليك وشحنت بمية بفعل مكالمات مجانيةسسحبواالمية ومازالت الرسايل والمكالمات بفلوس والنت على الشبكةالمليارات ماتاتي من فراغ لكن كلها سحت في سحت وان شاء الله من خسارة لخسارة حتى تفعيل البلاك بيري يسحبونه ومايغعلون لكن لوفعلت 30اسبوعي فعلوالك لانهم ياخذون 40ريال زيادة هذا سواالفواتير حدث ولاحرج كل شي وخدعة جود اللي لاعبين على العالم 199 وتطلع الفاتورة 400او500

ادفع ادفع ولو رحت الدعم الفني كل يوم يرسلولك شكوتك قيد النظر ويطنشوك زي ما عملو فيا انا حولت جوالي من موفوتر لي سوا وعلى فكرة شريحتي كانت ب5000ريال اول ما طلع الجول وما اخد اي مميزة واشوف سوا اعرف كل قرش وين يروح وبض المرات احصل عروض

الحل انك ترمي شريحتم بزباله اعزكم الله وطلع شريحه من مشغل اخر وتركهم انا اعرف ناس عليهم فواتير له 20 سنه وماسددو

سجل في موقع خدماتي المطور وستجد فيه تفاصيل مكالماتك:

https://my.stc.com.sa/wps/portal/stclogin/!ut/p/b1/04_SjzS0tDQ1NrY0NTDSj9CPykssy0xPLMnMz0vMAfGjzOL9PdyC3d3NQt2NLQwsDDx9nB2NTb09jQ08jYEKIoEKDHAARwNC-r30o9Jz8pOAVoXrR4EV4zHLzyM_N1U_NyrHIlvXUREA05fkmg!!/dl4/d5/L2dBISEvZ0FBIS9nQSEh/

سجلت في خدماتي من زمان وتفاصيل المكالمه هالايام متطوره مثل موقعهم
الان لو.حطوا لي اني تكلمت عشر مكالمات وانا تكلمت خمسه انا وش يذكرني
حسبي الله ونعم الوكيل فيهم
ان شاءالله اني بقلبها سوا
وفلوسهم خليها عندهم اخوي العويند هذي بتكون برقبتي يوم القيامه وامانه مقدر ما اسددها حتى لو.مارضيت عنها
واذا هي حرام فخليها برقابهم يتحاسبوا عليها وباخذ حقي في يوم عظيم

الشكوى جربتها قبل مره يعلقوها لين مايفصل التلفون ويضطر الواحد يدفعها مو.بكيفه

جزيتم خيرا الله يبارك فيكم

حولي شحن مبايلي اواتصالات
بس شوفي ارقامك الاكثر لاي شركة اول وبعدين حولي عليهم

أستغرب من اللي مشترك بالاتصالات واشفق عليه الحمد لله فيه شركات أخرى وانصحك بباقة زين 75 وشرط مكالماتك ماتتعدى هالمبلغ الاتصالات سرق عيني عينك ولن تأخذ حقك ولاتتعب نفسك بالشكاوي واحمد ربك انها ماهيب الاف انفذ بجلدك وحول على اي شركه
حتى الثابت يزيدون فيه واذ استفسرت عن الزياده بمبلغ 40 قالك مكالمات استعلامات او ساعه ناطقه ياناس فيه احد يدق على الساعه الناطقه ب 40

السلام عليكم /
اقولك يالغالي اسئل مجرب ولا تسئل طبيب
انا جتني فاتورة الهاتف الثابت 19000 ريال
اشتركت بخدمة DSL وانقطع الهاتف بعد اسبوع من الاتصال واتصلت عليهم قالوا لازم تذهب للفرع وتكمل معلوماتك وتركته لين بعد 8 شهور و كلمتهم ابي استفسر لكي يشوفون العطل وقالوا انت تستفسر عن فاتورة قلت ما انزلت الفاتورة قال كيف منزلت الفاتورة والفاتورة عليها 8000 ريال قلت انتم نصابين واتركهم لين 12 شهر وكلمهم قالوا عليك 19000 ريال قلت خافوا الله في انفسكم كيف تصدر الفاتورة بهذا المبلغ ونا منقطع عني الاتصال

وكلمهم ورفع عليهم شكوى وطلبت منهم إنهم يسون لي تسويه بالفاتورة وعطوني 15000 الف ونا وياهم بالشكاوي وكلمهم وطلب تسويه ولا عطوني قلت حلمكم تاخذون مني المبلغ اللي تبونه قلت اخر شي ابعطيكم 4000 ريال تبونها خخذوها ورفضوا المبلغ واشتكي عليهم بهيئة الاتصالات واشتكي عليهم عند سمه لين شيكت قبل شهرين إلا ما في تعثر علي من الاتصالات
اقول نصيحه لا تعطيهم شي إذا مااستخدمت الشريحه حتى يملون منك

وبعد صارت سالفه معي نفس الموضوع
قدمت على تلفون وخلال شهر وينقطع
وتصدر الفاتورة 1600 ريال وتركهم ولا اعطيهم شي لما طالت السالفه لمدة سنه وهم يتصلون علي قالوا انت صاحب الرقم ورقم السجل قلت نعم قال في عرض خصم 30%
من الفاتورة
اتوقع المشاكل والفواتير من خدمة العملاء يظيفون المبلغ اللي يبونه ويخصمون على كيفهم .