هذي مقارنه بين شركه stc و موبآيلي

الله ىستر اخوي النمر1000

السلام عليكم

لماذا فاتورة الاتصالات معقدة جدا جدا وفيها جمع وطرح وضرب وقسمة واجد

بصراحة انا اشوف المبلغ كامل ولا استطيع تحليله بدون اله حاسبة

وسلامتكم

علشان ما تعد وراهم تدوخ وتترك الفاتورة في حالها ويضيفون ارقام من عندهم

هذي مو مقارنه هذي دعايه اخوي
لكن انا بعطيك عيوب موبايلي ومميزات الاتصالات بظمير
موبايلي يفصلون خطك المفوتر كل شهر لو ما سددت ولو تنقز عيونك ما رجعوة الا بفلوس.
الاتصالات تسمح باعادة الخدمه واعرف ناس يرجعوا الخدمه لمدة ثمانيه شهور باعذار مثل انا بالخارج وغيرة ؟

اهم عنصربالمقارنه:
70% من ربح الاتصالات للحكومه يعني راتبك وراتبي ومعاش ابوك وابوي والضمان والخدمات والمشاريع.
13 الف موظف سعودي بشركة التصالات برواتب جيده يعني الفلوس اللي تدفعها تروح جيوب عيال عمك وربعك
بينما موبايلي يملكها تجمع اجنبي والفلوس اللي تدفعها تروح للخارج والسعودين فيها يمكن ثلاثه ورواتبهم ما تساوي شيء مقابل تعبهم وكرفهم وكل يوم يفصلون واحد ويطردون الثاني
والكثر
تقبلوا احترامي

يا هابيكار تقول ( عيوب موبايلي ومميزات الاتصالات )

وكانك تقول ان ةموبايلي كلها عيوب والاتصالات ما فيها عيب واحد

يا اخوي حتى موضفين الاتصالات يذكرون عيوب الشركة ؟؟؟

حياك ابو نواف
بس فيه عيوب يمكن تتحملها مثل بعض الرسوم في مقابل عدم فصل الخدمه
وفيه مميزات لا تقدر بثمن مثل اموال المواطن تذهب لابناء البلد وتنمية موارد البلد افضل من هجرة هذه الاموال
والا مو؟؟؟

يا هابيكار يجب ان تذكر العيوب والميزات

الشرائح مسبقة الدفع فيها فتره سماح 6 شهور لصالح الاتصالات موبايلي 3شهور
بطايق الشحن للاتصالات فتره السماح فيها ضعف موبايلي
وخلال تجاربي بين موبايلي والاتصالات انا واخواني الاقل بلا منازع الاتصالات
فقط فواتيرهم للعام مجننيني وبا قي محافظ على الرقم ما فصلته
انا ارجح الاتصالات ضد موبايلي
ايضا الاتصالات عندهم عرض سنوي اشحن رصديك وخذ 50% مجانا وتقعد معك عل طول
موبايلي عندهم عروض زيها بس تحسها وهم مثلا يعني اشحن رصيدك وخذ 50% لكن لازم تصرفها خلا 24 ساعه والا بتروح عليك واذا كلمت يخصمون من الرصيد الاصلي وبعدين يبدون يخصمون من العرض الجاني شوف الحركه عشان ما تستفيد منها وضحك على عقول الناس بعروضهم الشبه وهميه
اوبونواف1
اشوفك متحيز ومتعصب لموبايلي
الاتصالات فيها مشاكل الفواتير لكنها افضل من موبايلي
اهم شي عندي الخدمه والرخص والله يجعلهم في حريقه لا اتصالات ولا موبايلي
الناس صارو بالجيل الرابع وحنا باقي الجيل الثالث المطور ما وصل
تصدق اليمن عندهم جيل رابع

السلام عليكم
. بقلم: هابيكار
بصراحه انا ضدك من ناحية موضوع الاتصالات وان الفلوس تصب في مصلحة الوطن لان بصراحه الاتصالات من عرفناهم وهم نصب في نصب من ناحية الاسعار
ولا عرفنا الاسعار الزينه والخدمات المميزه الا مع حضور موبايلي اللي شكل ضربه موجعه للاتصالات
ولاتنسى الفواتير التي صدرت من الاتصالات بارقام خياليه للمشتركين
خل موبايلي يقطعون علي بالشهر بس مايزيد ريال واحد ولا يمددون لي الفتره ويمحطوني بفاتوره تقص الظهر

اسلام عليكم

بالنسبه لموبايلي انا كنت معهم وضد الاتصلات بس زمان اول مابدة الشركه الحين قسم بالله اوسخ شركه وخدمتهم سيييئه مع العلم اني عميل مميز اتصدقون عشان يرد الموضف ممكن اجلس 30 الى 40 دقيقه والسبب وجود مشكله وشكلهم عرفوني وصارو يلطعوني وانا جالس استني يفتحون التحويل الى زين وبحول رقمي الى زين والله عندهم عروض غططة على الاتصلات وموبايلي واما الاتصالات قوة نصب كييييييييييييف
اتصدقون فاتوره لرقم عندي وصلة 4800 لييييييييش الرقم انفصل وسددته وبعدين نسية منه فتره وبعدين رسلو لي رسال على رقمي الثاني يفيد بالمبلغ وعند مراجعتهم قالو الرقم ملغي طيب انا ما استخدمته قالو الغا بعد فتره وهذا المبلغ رسوم وقلتلهم انا طلبة الغائه قالو سدد واعترض هع هع نصبه قويه الله لا يردهم يخوي اعطي فلوسى لاجنبي ولا يغشني ولا اعطيها لابن بلدي ويغشني

السلام عليكم
مساءكم-صباحكم ---ورد
انا اقول لكم قصتي مع موبايلي
حولت من الإتصالات قبل سنتين تقريباً
تركت االاتصالات بسبب الفواتير الخرافيه والمعقدة بغض النظر عن اي ميزه او خدمه
وحولت الى موبايلي
ما شاء الله وش زينها رد في أقل من دقيقه الموظف اذا كان لك طلب خدمه يقول لك حاب تسمع مسيقه موبايلي والا نغمة خط(جرس) العام الماضي جاء عندهم عرض اشتراك على حزم بيانات(انتر نت) مجانا لمدة شهر وكلمتني موظفه موبايلي وحاولت تقنعني ان الاشتراك مجانا واستفيد من العرض قبل فوات الفرصه وبيني وبينكم انا حاس ان فيه نصبه من يوم كلمتني موظفه وبطريقه مختلفه طبعاً انا قلت نجرب بعد الشهر استمر الاشتراك لمدة سته اشهر وانا اعرف فواتيري زين متغيره ورحت اراجعهم الا وهم يقولون عندك اشتراك واحد جيجا 100 ريال لكل شهر شرحت للموظف حولني على المدير فهمته بالسالفه حاول يتهرب قلت له انا اسدد الان وحول خطي قال لي استريح دقائق فجأة قال لي لك عندنا مبغ 600 ريال قلت ممكن استلمها كاش قال لي لا ممكن تستفيد منها مفوتر وهذا اللي حصل بالضبط ومستعد للمساءله من اي موظف من شركة موبايلي واثبت هذه الحادثه

وبيني وبينكم لي كم يوم وانا ابي احول للإتصالات السعوديه وش رايكم؟؟؟

السلام عليكم
مساءكم-صباحكم ---ورد
انا اقول لكم قصتي مع موبايلي
حولت من الإتصالات قبل سنتين تقريباً
تركت االاتصالات بسبب الفواتير الخرافيه والمعقدة بغض النظر عن اي ميزه او خدمه
وحولت الى موبايلي
ما شاء الله وش زينها رد في أقل من دقيقه الموظف اذا كان لك طلب خدمه يقول لك حاب تسمع مسيقه موبايلي والا نغمة خط(جرس)
الأن والله العضيم اكثر من 47 دقيقه على شان يرد وعندي طلب شبكه موبايلي بمكان التغطيه فيه ضعيفه ولا أحد عبرني وعندي ارقام الطلب الى الحين وعندي شكوى قبل اسبوعين ولا فيه اي خبر وصدق من قال من سيئ الى اسوء
المهم العام الماضي جاء عندهم عرض اشتراك على حزم بيانات(انتر نت) مجانا لمدة شهر اللي يتذكر منكم وكلمتني موظفه موبايلي وحاولت تقنعني ان الاشتراك مجانا واستفيد من العرض قبل فوات الفرصه وبيني وبينكم انا حاس ان فيه نصبه من يوم كلمتني موظفه وبطريقه مختلفه طبعاً انا قلت نجرب بعد الشهر استمر الاشتراك لمدة سته اشهر وانا اعرف فواتيري زين متغيره ورحت اراجعهم الا وهم يقولون عندك اشتراك واحد جيجا 100 ريال لكل شهر شرحت للموظف حولني على المدير فهمته بالسالفه حاول يتهرب قلت له انا اسدد الان وحول خطي قال لي استريح دقائق فجأة قال لي لك عندنا مبغ 600 ريال قلت ممكن استلمها كاش قال لي لا ممكن تستفيد منها مفوتر وهذا اللي حصل بالضبط ومستعد للمساءله من اي موظف من شركة موبايلي واثبت هذه الحادثه .
والظاهر ما فيه فكه من يد مالك ليد هالك لاكن الله يعين

وبيني وبينكم لي كم يوم وانا ابي احول للإتصالات السعوديه وش رايكم؟؟؟

الاتصالات من عرفناهم وهم نصب في نصب من ناحية الاسعار
ولا عرفنا الاسعار الزينه والخدمات المميزه الا مع حضور موبايلي اللي شكل ضربه موجعه للاتصالات
ولاتنسى الفواتير التي صدرت من الاتصالات بارقام خياليه للمشتركين
خل موبايلي يقطعون علي بالشهر بس مايزيد ريال واحد ولا يمددون لي الفتره ويمحطوني بفاتوره تقص الظهر

اقول يا صاحب الموضوع .. كأن موبايلي مستاجرينك تدافع عنهم وتنزل مواضييع ؟؟!

كل ما قال احد شيء قلت لا موبايلي افضل !!

اقوول الإتصالات وبس .. وخلو موبايلي لكم ..

ملاحظه :

انت شكلك شغال في موبايلي ؟؟

اخوي هاذي مو مقارنه .. هاذي .. عيوب الاتصالات .. واجابيات موبايلي


المقاارنه لازم تشمل كل شي ..


وياشباب .. ترى الرجال جايب الموضوع من ايميله .. يعني لاتغلطون عليه


شاف الكلام اكثره صحيح .. وجابه


هو فعلاً اغلبيته صحيح .. بس بعد فيه عيوب في موبايلي لم تذكرر ..


مثل .. مسبقة الدفع في موبايلي .. تتصل على خدمة العملاء مايردون عليك لو مدري وش تسوي


موبايلي .. مسبقة الدفع .. ماعندهم ارقام داخليه لخدمة الاهل والاصدقاء كلها دوليه


الاتصالات عندهم اربعه واثنين تقدر تخليهم دوليه


تحياتي

الله لايوفقهم انا عندي رقم موبايلي مسحوب من

جلست 3 اشهر ولا اسدد جيتهم بعد 3 شهور يقولون مسحوب خلاص

قلت يجماعه مستعد ادفع بدال 1000 ريال 5000 الاف ريال لان الفاتوره عندي 1000 ريال والرقم والله لو ابيعه يسوى فوق 10 الاف

قال مانقدر نسحبه ليش يقول الغى من عندنا والله عذر قبيح

وبالنسبه للبلاك بيري 99 ريال 5000 ميقا انا مشترك فيها

كيف اخوي MR3llawi تقول مستاجرينك ؟؟؟؟؟

حياك الله يا سلطان17

الاتصالات من عرفناهم وهم نصب في نصب من ناحية الاسعار
ولا عرفنا الاسعار الزينه والخدمات المميزه الا مع حضور موبايلي اللي شكل ضربه موجعه للاتصالات
ولاتنسى الفواتير التي صدرت من الاتصالات بارقام خياليه للمشتركين
خل موبايلي يقطعون علي بالشهر بس مايزيد ريال واحد ولا يمددون لي الفتره ويمحطوني بفاتوره تقص الظهر

يااااخواني انا جوالي اتصالات حدي 300 قطعوه 4000 اربع الاااااف كل مادق عليهم يقول حدك 300 لرفع الحد اضغط واحد مع العلم اني والله مارفعت الحد شركه نصب