نصيحة قبل ان تشتري جالكسي اس 4

قبل 9 سنوات

السلام عليكم
اخواني الكرام
نظرا لما وجدته من اقبال الناس على جوال جالكسي اس 4
..
وكما تعودناه من بعض الناس في التعجل من امرهم . وعلى عماها <-
..
وكما نعرف ان جوال جالكسي اس 4 ماتغير بشي عن اس 3 .. الا تقريبا ميزتين ..وكلها فاشلة .. ميزة التصفح بالنظر .. والاخرى بالكميرا ..تعمل الثنتين الامامية والخلفية في الاتصال .. وممكن بعض الميزات الي لاتلاحظها ولا لها فائدة ..
..
وبالنسبة لسعره فانا اجد انه نزل بقيمة اكثر من قيمته واعلى من مستواه ..
فانصح الي بيتشري جالكسي اس 4 .. لا يشتري الدفعه الي نزلت الان .. الدفعه الاولى ... والسبب انها لاتدعم الفور جي ..
ولكي تعرف ان الجهاز يدعم الفور جي ولا لا :
هذه العلامة هي الي تفيدك بانه يدعم فور جي ولا لا :
(4G LTE)
او
(LTE)
هذه معناتها انه يدعم الفور جي ..
..
وهذه العلامة تحصلها على كرتون الجهاز من الاسفل ..
طبعا لون كرتون جهاز جالكسي اس 4 : يجيك لونه خشبي ..وبالخلف معلومات عنه ...
وبالنسبة للجهاز الي بيدعم (4G LTE) : بيكون ثماني النواة وبسرعه معالج 1.6 ....
اما الجهاز الي نزل بالسوق الان فهو رباعي النواة وبسرعه 1.9 ... يعني الشركة مسوية ذكية ..وهي صراحة حركة غبيبة منهم ..
وهذا الفارق في السرعه لايسوى يشي.. وانصحكم لاتاخذون الا ثماني النواة ..ويدعم الفور جي :(4G LTE)
...
طبعا الشركة عللت السبب في نزول دفعتين منه : والسبب نظرتها ان جهازها سيفشل في الشراء وان الطلب على الجهاز بيجي قليل ... لذا اضطرت ان تضع دفعتين ونوعين ..ينقال لهم حسنو شي .. واهم عارفين السبب انه جهاز غبي مافيه اي ميزة اخرى عن الجالكسي اس 3 .. وانه مايميزه شي ولا تلاحظ فيه شي ...
طبعا : وهم لهم اعلانات عن جالكسي اس 5 ان شاشته ماتنكسر وانه ينطوي وينثني ولاتنكسر!!
..

..
وبالنسبة لي فاتوقع اني سأخرج عن اجهزة كوريا : السامسونج : وقد اتوجه الى شركة : HTC ولكن لن اتوجه لها حتى يتم دعم اجهزتها بذاكرة خارجية ... وصراحة اعتبرها شركة في قمة الغباء .. اجهزتهم لا تقبل ذاكرة خارجية!!! لماذا ؟؟
..
وطبعا اجهزتهم الاصل امريكي والصنع تايوان .. وتعرفون تايوان افضل من الصين <- جالكسي ..
..
كما اني انصح المستخدمين الي معهم جالكسي اس 3 : لايبيعونه ... فهو افضل جهاز نزل حتى الان ...
بعضهم بيقول نوت 2 : وهذا الجهاز للاسف كبير مرة ومزعج .
..
انا جربت :
1.جالكسي نوت 2 : كبير مرة واذا لبسته بيت او كفر طلع كبير مرة وثنتين والف .. والحمدلله تخلصت منه ..
2.جالكسي اس 2 : ممتاز ولكن يحتر ويصرف بطارية ولازم في سيارتك شاحن وفي جيبك شاحن وكل مكان شاحن .
3.جربت جالكسي دوس : ابو شريحتين . الصغير : الحمدلله تخلصت منه امس بخسارة 200 ريال ..استخدمته اسبوعين ..جهاز خايس ويعلق .المعالج حقه خايس مرة وصغير وبايخ وسامج. وضغط اللمس فاشل ويبطي ماينفذ الاومر ..لكن يميزة السبيكر حقه قوي ..سماعتين .
4.جربت نوت تابلت .الكبير.. ما اعجبني لانه لازم تمسكه بيديك الثنتين ..واذا مسكته بيد وحده ..فترت يدك خخخخ .. بعته بخسارة 800 ريال .مع اغراضه. ولم استخدمه الا نادرا ..
...
كنت انتظر جالكسي اس 4 : وللاسف طلعت الشركة غبية على اخر عمرها .... وسانتظر HTC ان جعلوه يدعم ذاكرة خارجية.. اشتريته ..وان لم يضعوه .. سا اصرف النظر عنهم .. علما باني ارسلت لهم على ايميلهم ..
..
هذه النصيحة اتمنى تصل الى اكبر عدد ممكن ..
كما ان كان بالموضوع اي غلط او خطاء او وجهة نظر مني : فاتمنى ان تقبل بصدر رحب .. ونتمنى تصحيح الاخطاء ان كان ..
..
وبالتوفيق

نصيحة قبل ان تشتري جالكسي اس 4

إعلانات ذات صلة

عندك جوالات وأرقام؟
الكل: 85

جزاك الله خير ع التوضيح

جزاك الله خير ورحم الله والديك .. افهم انك ما تنصح بالنوت 2 أبدا ؟؟؟

اشكركم على الدعوات ..
..
نوت 2 : جهاز لا يعلى عليه ..ويفهم ويطيع وممتاز .. لكن حجمة عيب كبير.. ياخي ثقيل بمخباك ..وثقيل .. واذا لبسته حماية :صار كبير مرة ..ومزعج للغاية .. واذا مالبسته .. يمكن يطيح وتنكسر شاشته ..وشاشته قيمتها تقريبا 1200 ريال!!
....

انا اعجبني حجم وشكل جالكسي اس 4 :اصغر من النوت 2 ..واكبر من الاس 3 ..وتقدر تمسكه براحة تامه..نحيف ... ووزنه خفيف مرة مرة مرة
..
لكن انتظر الي يدعم الفور جي..باذن الله
..
او باشتري باذن الله من اسبانيا ..بعد اسبوعين رحلتي .. وبالتوفيق

ما شاء الله عليك وجزاك الله خير

بصراحة متميز في هذا الأختصاص وشكراً على التوضيح

موضوع يخدم الكثير وكثر الله من أمثالك

أنا جهازي أس 2 وأنت مدحته إلا بطاريته وأنت صادق بطاريته تجيب الهم

طيب وش نصيحتك لو تكرمت بأفضل جهاز غير الجالسكي والأيفون والـ htc

هل فيه أنواع جيدهـ وقويه وتنصح للأستخدام ؟

وما رأيك في نوكيا الذكي الجديد ؟

وبارك الله فيك

عضو قديم رقم 282899
قبل 10 سنوات و11 شهر
5

موضوع يستاهل القراءه...مشكور اخوي

اخي الفاضل . . تميز إنسان
مـعـــلـومــات مـهـمــة و مــفـــيده
بارك الله فيك

مشكور اخوي تميزانسان
انا كنت انتظر جالكسي 4 على انه 4g ولاشريته انتظر الدفعه الثانيه

تميزانسان
ماشاء الله عليك

عندي سؤال ... انا صار لي فترة استخدم اي فون 4 .... قاعد افكر اغير الى جالكسي
بصراحة ماودي بالجالكسي اس 3 اشوفه كبير شوي ... بس بالصدفة شفت ال جالاكسي اس 3 ميني ... اش رايك فيه؟

انا ماني راعي جوالات ... اهم شي الايميل و شوي واتس اب و اهم شي يكون الجوال صغير و خفيف عشان كذا افكر بالجالكسي اس 3 ميني

عضو قديم رقم 1107
قبل 10 سنوات و11 شهر
9

بارك الله فيك موضوع قيم ومشكور على النصيحة

اخوي
في نسختين الحين
رباعي النواه معالج 1900 كوالكم ويدعم الجيل الرابع
معالج ثمانية انويه لكن لا يدعم الجيل الرابع يقولون مستقبلا بس
هذي النسختين العالمية اللي بالسوق الحين لكن اذا الوكيل لاعب فيها الله اعلم
الاندرويد ما يستخدم الا 4 انويه فقط للاصدرا 4.2
والفرق بين المعالجين لا يكاد يذكر معلاج رباعي النواه افضل لانه يدعم الجيل الرابع
وانا شريت واحد رباعي الانويه وفيه الجيل الرابع
اللي عند الوكيل 8 انويه وبدون جيل رابع

عضو قديم رقم 331694
قبل 10 سنوات و11 شهر
11

ياخوي انا مدري ليه تجلس تتفلسف و تقول كلام من راسك و انت ما عندك ما عند جدتي وش اللي تقول انه مافي فرق بين اس3 و اس4 طيب دامك ماشاء الله عليك مثقف و تعرف ليتك قلت مواصفات الجهازين عشان نحكم لكن شكلك تشوف الجوال من شكله و تحكم انا اقلك الفروق الكثيرررة بين الجهازين
1- الشاشة اس3 شاشته سوير اموليد بدقة 720، اس4 شاشته سوبر اموليد اتش دي بدقة1280
2- المعالج اس3 معالجه 1.5 رباعي النواة ، اس4 معالجه 1.8 ثماني النواة
3- الكاميرا اس3 كاميرا ثمانية ميقا بيكسل ، اس4 13 ثلاثة عشر ميقا بيكسل و بتطوير في الحساس اللي صار من سوني
4- الجسم في جالكسي اس4 صار من البولي كاربونت اللي هو اقوى اضعاف من البلاستيك اللي موجود في الاس3 و هو بلاستيك ممزوج مع مواد اخرى اصلب منه و محاط بالامنيوم
5- الشاشة صارت اكبر بنفس حجم الجسم السابق لانهم قللو من المحيط حول الشاشة
6- معالج الرسوم اللي صار افضل بكثير
7- السماكة اللي صارت اقل بشكل ملحوظ في الاس4
8- الوزن صار اخف مع انه زادت دقة الكاميرا و الشاشة
البطارية اس3 2100 ملي امبير ، اس 4 2600 ملي امبير
10- هذي كانت المواصفات الهاردويرية غير المواصفات السوفتويرية الكبيرة اللي تتميز بها سامسونق مثل السلاسة اللي فيه و السوفتووير الخاص بالكامرا مثل التصوير بالكاميرا الامامية و الخلفية في نفس الوقت و تصوير صورة مع تسجيل صوتي
اتمنى منك ما تدخل و تتكلم في مجال ما تعرف فيه شي ثاني مررة

عضو قديم رقم 297361
قبل 10 سنوات و11 شهر
12

حلو النقاش ومشاء الله الاخوة عندهم علم
الاخ العزيز unlimit-tech خل الاخوان ياخذون راحتهم وتفلسفون في ناس مبتدأه
كملوا شباب اثرونا

عضو قديم رقم 331694
قبل 10 سنوات و11 شهر
13

اما عن ان الشركة عللت ان الجهاز نزل بدفعتين عشان تعرف انه بيفشل ياخوي معرف وش ذا الغباء اللي فيك حاولت اعديها ما قدرت غباء غير طبيعي السبب هو ان امريكا ما تستقبل الا معالجات سناب دراجون اللي تدعم الفورجي و ما تدعم اي معالجات غيرها لهذا اي جوال ينزل يكون منه نسختين نسخة امريكية سناب دراجون و نسخة اخرى عالمية و اللي بينزل عندنا النسخة العالمية اللي معالجها اقوى و اسرع ما بينزل اللي يدعم الفور جي غير كذا سامسونق مأملة كثير في الجهاز لانه جاء بمزايا كثيرة و سابقة لاوانها و تتوقع انه بيبيع مية مليون نسخة خلال اول سنة له و هذا اكبر من اي رقم حققه اي جوال اخر و لو تعرف ترا اول يوم لمبيعه نفد من جميع متاجر امريكا و بريطانيا في اول يوم فقط و المشكلة حتى في مزاياه جالس تتفلسف ياخي الجهاز بسبيكر واحد بس احس انك ما جربت الجهاز ولا شفته حتى

النرجس : افيدك اني ماجربت الايفون اطلاقا .. وسبحان الله رازقني ربي كرهه وبغضه <- امريكي .
..
بالنسبة للنوكيا : نظامه ويندوز ... واخبر ان الواتس اب مايشتغل على نظام ويندوز ..الا اذا صار شي جديد !! مدري
..
شكرا لكل من قدم واثرى الموضوع بعبارات طيبة..
..
حمد : انا ماجربت الا الي ذكرتهم بالموضوع .. ولكن اشوف الي جربو اس 3 ميني يمدحونه ..اخرهم امس .. احد الباعه في محل جوال ..يستخدمه ويمدحه .
..
رد رقم 10 : شكرا للاضافة .. مع التحفظ على ماذا نزل الوكيل بالسوق ..
..
رد رقم 11 : انت مدري ليه جاي طفشان وزهقان ..وتحط حرتك فينا ؟؟ بعدين جدتك وش دخلها بالموضوع ؟
بعدين انا كتبت باسفل الموضوع هذه العبارة :
كما ان كان بالموضوع اي غلط او خطاء او وجهة نظر مني : فاتمنى ان تقبل بصدر رحب .. ونتمنى تصحيح الاخطاء ان كان
..
وانت الحين جاي باعصابك المشدودة ..مدري طريقة نصح ؟؟ ولا فلسفة ؟ ولا جاي من طرف الشركة تحامي عنها ؟
ترى فيه شي اسمه اسلوب ..وفيه شيء اسمه طريق توصيل معلومة ..
اذا انت هذه اخلاقك باستمرار فلاعاد اشوف رقعه وجهك بمواضيعي ..
وكل المعلومات الي انت حطيتها ماتنفع بشي ..عدا ان الكميرا 13 وهذه سقطت مني سهوا ..اما باقي خرافات وحشو الكلام حق الشركة مايفرق معنا ..والمستخدمين في غنا عنه . وبالنسبة للبطارية فهي كبطارية اس 2 .. وستكون فاشلة ايضا.وخاصة اذا صار يدعم فور جي ..
..
وبالنسبة انه دفعتين .. اكتب في قوقل وتجد تبرير شركة سامسونج ... اما انت واحصائياتك فلادرينا عنها .. ولادرينا عن ردك .ولانحسب به حساب ... كله حشو كلام لاقيمة له ...
..
وبالنسبة لطريقة ردك : فاترك الكثير من الزوار يردون عليك بالطريقة التي يرونها مناسبة.
...
رد رقم 12 : مسوي داخل تتمقت ؟ كنت اتمنى ان الموقع مثل موقع اخر ..باستطاعت المعلن ان يحذف بعض الردود ..كنت وضعت ردك في سلة المهملات ..

وعلى فكرة توي اشوف عضويتك ماشاء الله عليك :
تاريخ العضوية: قبل ساعة و28 دقيقة أخر دخول: قبل 17 دقيقة و50 ثانية
..
الظاهر الي خلاك تكتب وانت متشنج وباسلوب معصب ..انك جالس ساعه على شان تسجل بالموقع وترد على موضوعي ..
..
واكيد لك معرف ثاني بالموقع ..ولا تبي تكتب به ..وعلى شان كذا عرفنا سبب الحقد الجميل.
..
..
نصيحة ياجماعة اس 4 .. لا يتميز باي ميزة يستحق فيها الشراء ..<- يبي عالم ثانين يسجلون بالموقع ويردون

عضو قديم رقم 297361
قبل 10 سنوات و11 شهر
16

جزاك الله خير اخى : تميزانسان
والله انى ماكنت ( ا تمقت )
بس ما عجبنى رد اخى unlimit-tech
وحبيت اخلى النقاش في اس 4 فقط
وفي الاخير كلنا اخوة
والاختلاف لا يفسد للود قضية
تحياتى

عضو قديم رقم 274631
قبل 10 سنوات و11 شهر
17

انا جربت اس 2 وكان ممتاز جداً وهو الجهاز الي اعطى سامسونج الانطلاقه الحقيقيه للمنافسه بعالم الهواتف

وبعدها اس 3 الي اشوف تصميمه سيئ وخامته الخارجيه سيئه
جهازي واثنين من اخواني تكسرت شاشاتهم , اي سقوط تنكسر الشاشه
وللاسف قيمة الشاشه 800 واذا القزاز الخارجي لازم اطلبها من امازون

والان للاسف سامسونج تغرق السوق بانواع كثيره مالها داعي
دوس وابو برجوكتر واس ميني واي والخ

المفروض تصير ثقيله مثل ابل وتركز على جهازين او ثلاثه وتنزل بنظام ويندز على بعض اجهزتها


الان حولت الى الجي نكسس 4 الهاتف الرسمي لقوقل الي اشوفه افضل جهاز بالوقت الحالي لنظام اندرويد لكن يعيبه عدم وجود مكان للذاكره الخارجيه

ويميزه سعره المناسب جداً رغم ان مواصفات افضل من اس 3

16 قيقا ب1600 الى 1700ريال
8 قيقا 1400 ريال

عضو قديم رقم 313895
قبل 10 سنوات و11 شهر
18

رد رقم 11
اسلوبك خايس
عندك تعديل عاموضوع الرجال اكتب مداخله بأدب وعدل على معلوماته والرجال يتقبل بكل سعة صدر
اما داخل تهوش وكانه سب شركة ابوك هاذا الكلام مايجوز

مع العلم انه كل اجهزة سامسونج ماتسوى ريال
ولازالت كوبي بست عن شركة ابل

فالتعصب ماله داعي
واذا فيك خير تعصب لنبيك عليه افضل الصلاة والتسليم و

اللة ماقبل شركة سامسونج بريال واحد لعدة أسباب ومنها واهمها الصيانة الطويلة السيئة للغاية
والمتجر الفاشل الاندرويد
تلقا برا صناعة كورية وخلف البطارية صيني درجة أولي
ايفوون وبس

عضو قديم رقم 293242
قبل 10 سنوات و11 شهر
20

اولا اخوي حاب اوضح اخطاء الموضوع الكبيرة جدااا
لاني صراحه اتنرفز من اللي ينقل معلومات خاطئة وكثيره دون التأكد لما كتبه

بأمكانك البحث بقوقل لتطلع لك معلومات وصحح معلوماتك .. قبل نقلها للناس لان ممكن ناس قروا الموضوع وغيروا رايهم بالجهاز او ماشابه

بالنسبة للصورة اللي بالموضوع ( الفور جي مابعد نزل بالسوق )

(
وكما نعرف ان جوال جالكسي اس 4 ماتغير بشي عن اس 3 .. الا تقريبا ميزتين ..وكلها فاشلة .. ميزة التصفح بالنظر .. والاخرى بالكميرا ..تعمل الثنتين الامامية والخلفية في الاتصال .. وممكن بعض الميزات الي لاتلاحظها ولا لها فائدة ..
..
)

ماراح اطول على الجميع اليكم هذا الفديو يختصر كلام طووووويل بشرح مفصل ومعلومات دقيقه :

https://www.youtube.com/watch?v=N_QOM4Nb9Sw



ادخل قناة المقطع اللي فوق وشوف المقاطع للاس 4 وفتح عيونك ^_*


بالتوفيييييييييييق للجميع

أضف رداً جديداً..