| جميع الحقوق محفوظة © |

اللي عنده خبره بالشيكات وكيفية الشكوى ضد الخصم

السلام عليكم ...

عندي مشكله مع واحد بعت له سيارة بالتقسيط على اساس انه يقسط لي كل شهر لمدة عشرين شهر ، المهم الرجال ما بيني وبينه اي علاقة فقط اخذت منه شيكين الشيك الاول فيه قيمة حق عشر شهور يعني اذا خلص من تقسيط العشر شهور الاول اعطيه الشيك الاول وهكذا ، المهم ان الرجال سحب علي ولا قسط لي ولا قسط بعدين تفاجاة ان التوقيع على الشيكات مو مطابق والشيك لسى ما حل تاريخه ،
السؤال الحين كيف اقدر اشتكيه و الشيك ما حل تاريخه وهل اقدر اشتكيه على التوقيع اللي مو مطابق على الشيك ؟؟؟؟
افيدوووووووني الله لا يهينكم ..........

الردود
نقاشات مشابهة
الكل: 38
21 38
21.
عضو قديم رقم 228884
02:13:51 2012.06.27 [مكة]
وانت وش ذنبك انه مافيه رصيد ترا الموضفين مو واحد علطول دور الموضف اللي بعده المدير الفرع الثاني لا توقف ... انا عانيت مثلك كل واحد له جواب حتى بعض مدراء البنوك ماعنده سالفه انا سألت سوداني قانوني بالغرفه التجاريه وقالي بالحرف الواحد التاريخ لاينضر اليه .... اما التوقيع اذا خطاء يكون صاحب الشيك هو المسؤل. بعدين انت لازم تعرف ايش معنى شيك هو يعتبر كأنك معك فلوس مو شيك بس هو شيك تسنتج من ذلك ان التاريخ لا علاقة له.
22.
15:06:18 2012.06.27 [مكة]
جبال شامخه ... الله يعطيك العافيه عز الله انك وفيت وكفيت تسلم على الاهتمام بموضوعي ولا يهونون الباقين
23.
03:32:59 2012.07.06 [مكة]
بصراااااحه اشكر الاخوان الذين اتصلو علي وافادوني كثيييييير والحين انا قدمت اوراقي على مركز الشرطة وسوف اكتب لكم عن تفاصيل القضية لا حقا لكي يتستفيد الاخرون من تجربتي الله لا يوريكم مكروه جميعا .
24.
23:03:55 2012.11.07 [مكة]
السلاااااااااااااااااااااام عليكم جميعا كما وعدتكم بان اخبركم بما دار وصار معي ، الرجال طلع مدرس بحي النسيم والشكوى كانت بمركز شرطة المنار ، الحاصل راحت الاوراق لادارة التعليم وارسلو خطاب الى المدرسة لكي يراجع مركز الشرطة ، والرجال لم يراجع الشرطة وجاء الرد من ادارة التعليم لمركز الشرطة بان المدرس بلغ للحضور ويمكن الان للشرطة ارسال عسكري للمدرسة لكي ياتون فيه مخفور ، المهم شرطة المنار قالت بما انو المدرسة ليست داخل حدودنا ارسلو خطاب الى مركز شرطة النسيم لكي يقومون بالاتيان به وردو بالتعذر يقولون ان المدرس لا يسحب من المدرسة امام الطلاب و المعلمين !!!! المهم قالو شرطة المنار مالك إلا تجيب لنا مكان منزله ونحن نرسل البحث وسحبة مخفور للشرطة ، وتم مراقبة المدرس الى ان عرفت منزله وتم تبليغ البحث ، والان جاري ايقافه وسجنه . انشاء الله راح ازودكم بالتفاصيل الاخرى .
25.
عضو قديم رقم 281186
02:26:47 2012.11.09 [مكة]
اخوي انت شاكي الرجال من 4 شهور وللحين ما صار شيء بشرنا انا عندي قضية مشابهه وتوني شاكي هل يتغرم او لا
26.
عضو قديم رقم 300713
13:10:04 2012.11.09 [مكة]
الشيك اداة وفاء .. بمجرد ان الشيك محرر تحرير صحيح تذهب وتصرفه . ان كان بدون رصيد .. تاخذ ورقة من البنك .. وتشتكيه بالشرطة .. وترفع عليه في لجنة الفصل في الاوراق التجارية. وهم بيحكمون لك مباشرة . اي استشارة بمثل هذه المواضيع انا جاهز . برسالة خاصة افضل . اخوكم
27.
14:20:12 2013.03.14 [مكة]
السلام عليكم اخيييييييررا تم القبض على المخيس المجرم بالغدرة ويالله يالله طبعا اللي دبر المؤامرة عليه واحد من اللي يطلبونه بالتنسيق مع احد افراد المباحث اللي يعرفه معرفه خااصه واستدرجه في حي غير اللي يسكنه المجرم ويوم حضر مسكوه وسلموه لقسم الروضه بخطاب ( عشان ما احد يفزعله من الاعراب ) والحمدلله اتصلو على كل اللي يطلبونه وحددو يوم وكل واحد حضر واستلم فلوسه ، وإلا المفروض انه يسلم لهيئة التحقيق ويسجن ويغرم مبلغ مالي بس تعاونا مع اخوانه الطيبين اكتفينا وقفلنا القضية .
28.
عضو قديم رقم 67503
18:23:26 2013.03.14 [مكة]
انتبه تشكيه قبل تاريخ المكتوب بشيك اول شي تلحقك انت وياه مسآله قانونيه ثاني شي راح يعتبر الشيك باطل انتظر ومالك الا اصبر وابعد عن الدين مافيه خير بدال حلالك ماهو بيدك تدورة بين الناس
29.
عضو قديم رقم 153037
12:53:27 2013.03.16 [مكة]
السلام عليكم اخيييييييررا تم القبض على المخيس المجرم بالغدرة ويالله يالله طبعا اللي دبر المؤامرة عليه واحد من اللي يطلبونه بالتنسيق مع احد افراد المباحث اللي يعرفه معرفه خااصه واستدرجه في حي غير اللي يسكنه المجرم ويوم حضر مسكوه وسلموه لقسم الروضه بخطاب ( عشان ما احد يفزعله من الاعراب ) والحمدلله اتصلو على كل اللي يطلبونه وحددو يوم وكل واحد حضر واستلم فلوسه ، وإلا المفروض انه يسلم لهيئة التحقيق ويسجن ويغرم مبلغ مالي بس تعاونا مع اخوانه الطيبين اكتفينا وقفلنا القضية . بالوقت الي تطلب الفزعه من الاخوان وجميعهم بدون استثناء ساعدوك وما قصروا كلن أجاد بجوده وبالاخير تظهر عنصريتك البغيضة بقولك ( الاعراب ) قاتلك الله من عنصري.
30.
23:28:57 2013.03.17 [مكة]
هذا الحاصل واللي صار معي يا الوحداني ما ابتليت عليكم والعنصره موجوده عندكم ولا يكثر
31.
عضو قديم رقم 315745
00:35:34 2013.03.18 [مكة]
هذي اخرتها ههههههههههههههههههههههههههههه
32.
00:35:59 2013.03.18 [مكة]
اذا تبيع الشيك ب 80% من قيمته انا شراي واعرف كيف اخذ حقي
33.
عضو قديم رقم 153734
03:58:16 2013.03.18 [مكة]
32. بقلم: المزنجر قبل 3 ساعات و13 دقيقة عندي شيك 500 الف بشهر 6 موعده تأخذه بكم
34.
08:12:37 2013.03.18 [مكة]
اخوي خذها مني بنظام الصادر الجديد من وزارة الداخلية يلحقك مشكله من الشيكات لو تكبر السالفه ويعرفون انك ماخذ الشيكات كا ضمان راح تجيك مسأله قانونية راح تاخذ حقك صح لكن راح تتوهق معاهم لان النظام ينص على معاقبة الي ياخذ الشيكات بدون رصيد كا ضمان واتمنى تسال وتحاول تتفاهم مع الرجال قبل المشكله تكبر
35.
عضو قديم رقم 341330
01:52:23 2013.09.03 [مكة]
الشيك وسيلة دفع فقط ، وليس وسيلة ائتمان ( بيع اجل) . البيع الاجل : يكون عن طريق سند امر ( كمبيالة ) .اقرار منه بمبلغ في ذمته ، والواجب انك تسوي معه عقد مكاتبه يوضح فيه المبلغ الكامل في ذمته وطريقة السداد وشاهدين . وفي الوقت الحالي مع بطء اجراءات تخليص ها المشاكل ، لا تعطي احد الا بضمانات او كفيل ذو ملاءة مالية وحسن السيرة . ان دخلت في محاكم ومكاتب استشارية دخلت في دوامة مواعيد مالها نهاية ومحامين ما يخلصونكم بسرعة واسعارهم مرتفعه الله يعقل على كل من توهق .
36.
00:44:00 2014.05.28 [مكة]
مشكلة ادا ماعندك كمبيالة عليه اتصل بي حتى اقدر اساعدك
37.
عضو قديم رقم 366022
03:14:24 2014.06.01 [مكة]
رح للبنك وخذ ورقة اعتراض وودها للشرطة
38.
20:54:40 2015.03.31 [مكة]
طيب مشكلتك مع شخص ليه تسب الربع كلهم شتمك للأعراب كما تسميهم ونصح البدراني الحربي والرويلي يدل على ان الخير والشر موجود في كل فئة لكن الظاهر ان الدائن والمديون بدون رصيد