إبني وهوسه ب منتجات " أبل "

ماعندي اي فكرة
لكن حبيت اقول لك الله يحفظه لك من كل شر
ويحميه من عين الناس حصن ولدك وانا اخوك
ماشاء الله تبارك الله لا قوة الا بالله العلي العظيم
يارب يكبر وتشوفه خبير في الاجهزة هذي
ويفيد المسلمين كلهم

ياخي لازم تتطور ابنك والله يبارك فيه يارب وحصنه كل يوم وأفتحله ورشة بالبيت يفك ويرهم الاجهزة
انت في نعمة ماتدري عنها
وأنصحك تحذف الموضوع

مشاء الله تبارك الله

عندي مشكله بالأيفون ابيه يحلها ههههههههه

إلا بالعكس حنا بعصر التكنلوجيا خله يتطور لاهي عيب او ضرر له بالعكس تستفيد من خبراته

السنين الجايه والله يخليه لك

بسم الله عليه وربي يحفظه لك

ههههه الله يحفظه ويخليه لك

ههههههههههه ذكرتني وانا صغير كنت مهووس بالرسيفرات الله يحفظه لك وفعلا لاتقطع الشي هذا عنه وهي نقطه ضعفه ومع الوقت راح يمل منها صدقني بس اهم شي انت ماتتحفه بالجديد من ابل هههههه

الله يحظه لك ويجعله بارا بوالديه باذن الله

الله يحفظه لك

انتبه لا يصيبه مرض مثل التوحد مثل ما اصاب ابن احد معارفي بسبب قناة طيور الجنة ( ذكرتني بنزل ان شاء الله تحذير بهالخصوص )

خله يلعب ولكن بشكل مقنن كل يوم ساعتين كمثال

كل الاطفال من سن 3 يتقنون استخدام الاجهزه الله يحفظه لك

بسم الله عليه... الله يخليك له ويخليه لك..

الله يخليه لك ان شاء الله

حاول تشتري له حيوان اليف ومع الوقت راح يلعب ينسى منتجات ابل

اللحين كل الاطفال تعلقوا بالايباد والايفون مو شيء غريب
اصلا اقلقونا ماعاد نقدر نستخدم الاجهزه الا وهم نايميييييييييين

... ماشاء الله تبارك الله ...

... ماشاء الله تبارك الله ...

اخوي انحصك بعدم قطع الاجهزه عنه ,!!!
انتبه من هذا الشي لانه قد يجيب لك مصايب

والله يبعد عنكم الشر

اشكركم اخواني على كلامكم الطيب ....
بسم الله ما شاءالله ... يعني طلعت ميزة وليست عيب ... ؟؟؟؟؟؟؟
انا والله خايف مثل ماذكر اخونا : falcon_ksa في الرد رقم 8
انه يقلب معاه لتوحد وانعزال عن العالم .........

الملاحظ فيه حتى الان ممكن يرمي الجهاز لو قلت له يالله نروح تشيكي تشيز
او اطلع العب مع عيال عمه .. مايقول لا .. بس اذا دخل البيت
خلاص احتكر الاجهزة كلها عنده ...

بالنسبة لتعليمه اكثر على الاجهزة والله على عيني وودي ولكن ماهو بالطريقة هذه 24 ساعه
يجلس يلعب وهو على فراشه ... وهو جالس اكرمكم الله على ( القصرية ) وهو قدام التلفزيون
حتى لما نروح البحر .. ياخذ الايبود معاه ويجلس على الدراجة حقته ويجلس يلعب ع الايبود

جبت له بسه مانفعت معاه في البيت ... وعدمت الدنيا
قالي ابغى سمكه .. رحت شريت حوض سمك وحطيت له 15 سمكه في الحوض ولا نفع


الله يحفظه لي ويحفظ لكم ابنائكم يارب ....

تدري وش مشكلتنا يالسعوديين
حنا لما نشوف شي غريب دائما نخاف منه بدون مانعرف الاسباب

ولدك ماشاء الله عليه عنده ذكاء وهذا شيء يفرح مو يزعل
انا لو مكانك بالعكس انبسط واحاول اني انمي له هوايته هذي وادعمه عليها الين يكبر.

اقولك الله يكفي شر ولد العين ..

ونصيحة إمسح الموضوع يجي واحد ويهبد ولدك ع هالمدح اللي تمدحه إسمح لي ياخوي ...

والولد مثل ماقالوا الإخوان جب له أي شي يلتهي به وينسى الموزة والتفاحة .هع

ماشاءالله عليه..
ونصيحتي لك اقرا عليه الاذكار كل يوم...

اخوي وسيط انت تسميها مشكلة ولو هو ولد اوربي كان قالوا هالولد نابغه هههههههههه لا تزعل امزح معك

بس لا تحرمه ولا تفرط يعني اوزن الامور ويمكن يكون مشروع ستيف جوبز العرب

الله لا يضره وانتبه له ترى العين حق

فوازمحمد
هلا فيك اخوي .... من جد ممكن تكون هذه عادة عندنا للأمانة للأسف ... :)
الحمدلله الله يحفظه ان شاءالله تعالى ...
انا بحاول اتأقلم مع الوضع ... واحاول انمي فيه القدرات .. وأدعوا الله ان يساعدني في ذلك

eng_kmgo
هلا فيك ياغالي ..
اللهم امييين يارب .. الله يحفظه ويكفه شر العين والنفس والحسد
واولادي واولادك واولاد المسلمين يارب
الله يحفظهم لنا يا رب ...
والله ياغالي ارسلت للإدارة طلب حذف الموضوع لأنه النظام لا يسمح بحذف المواضيع
ولكن رفضوا المسح بحجة إيمانهم بأن العين لا تأتي بالكلام
اعوذ بالله من العين ومن صائبيها ... واسأل الله ان يحفظه ويحميه يارب ..

ابوفهد2
جزاك الله خير اخوي .. وخير ماقلت والله

ابومحمد7171
هههههههه والله ياغالي صدقت .. احنا بالنسبة لنا شي غريب والله خخخخخ
تذكرت رسالة جات ع الواتساب في وقت طفل اوروبي أخترع تطبيق على الايفون ونجح
وجانا الرابط مرفق في الرسالة يقولك عيالهم يخترعون تطبيقات وعيالنا يفكون على القطو
ويقولوا له كل ز..... " اكرمكم الله " وهو يردد وراهم وينبسطون خخخخخخخخ

ان شاءالله تعالى احاول اضبط الامور ... وذلك بالاستخدام بالوقت المناسب بالاضافة إلى تدريبه على التطبيقات اللي تحتاج تشغيل مخ شوي ...
والله يسمع منك يارب الله لا يضره ولا يضر عيال احد يارب ...

شكراً لكم على مشاعركم الطيبة