السلام عليكم
أسعد الله اوقاتكم بكل خير
كما هو موضح بالموضوع
اشتكي من الرؤوس السوداء وخاصة بمنطقة الخشم
للي يقدر يساعدني او يعرف اي طريقة لتصفية الوجة ياليت يتكرم ويرسلها لي
وراح ادعيلة ان شاء الله
مع السلامة
هناك واقي تجده في محلات الزينه اللون شفاف خاص بوجه السيارات يقي من الرمل وكذلك يقي القزاز الأماميه
الاخ زاهر فهم الموضوع غلط شكله قراْ الموضوع وهو يمشي ميتين ههههـ
ناقل الموضوع الله يعينك انصحك تمر دكتور اخصائي جلديه
وكان الله في عوننا وعونك
آسف أخوي من كثر جلسات الشيبان وسواليفهم بقولة وجهه الموتر وخشم السيارة ألتبس علينا الوضع
هذا الناقص
بكره تجي وتنزل استفسار كيف تشيل شعر جسمك بالحلاوة
وبعده تنزل استفسار ان الدو** ماجتك هالشهر
لاحول ولاقوةة الا بالله شبابنا راحو فيها والسبب الجيل اللي راح ماعرف يربي
اقرب صيدلية كبيرررره عندكم والصيدلي يعطيك علاجها
افاااا
وش هالخرابيط
رووس سوداء وما روس سوداء
هذي عند الحريم تلقاها في مشاغلهم
رد 4
+
رد 6
الله يهدينا ويهديكم يمكن كاتب الموضوع أنثى ...
M1900M
انت مريض نفسي ليش ردودك سيئة مع كل المواضيع وتقلل من احترام الناس لازم تحترم اراء الناس وتنصح بادب واحترام والا اطلع من الموقع..
الله المستعان الاحترام واجب قل خير او اصمت احسنت اسعدد
مشكورين بخصوص الردود
عموما ياأصحاب الردود رقم 4 ورقم 6
أسأل الله الذي لاأله ألا هو أن يبتليكم مثل مابي
وأن يجعل وجيهكم لاتفارق الحبوب السوداء
وذلك لكي تفتخر فيها بين الرجال
وأنصحك بأن تقرأ دون أن تكتب
هههههههههههههههه جزاك الله خير يازاهر
فهمت خطا
توكل على الله يبو حبوب سوداء
هذي ما نسمع عنها الا في دعايات الحريم
افا بس
انت عارف منهم رواد مستعمل
كلهم وحوش وشريطيه
وش عرفهم بالروس السوداء
فيه حل عندي
رح لذيك اللبنانيه الي تطلع في الام بي سي مدري وش اسمها رح وهي تشيل الروس السوداء من خشيمك بسم الله عليه
اسمها جولي مدري جوليت مدري الزبده بحرف الجيم
ايضا تعالج اقصف الشعر
ههههههه طاح سني ههههه
طال عمرك ياتاجر
النظافة من الايمان
وجويل راح اخليها لك يمكن تحدك الظروف لها
واشكرك لاهتمامك بالرد
اخوي فيه لزقات في الصيدليه تقشع الرووس السودا حطها على خشمك ولزقها ثم اقشعها بقوة وتقشع معها الرؤس
سيبك من كلامهم الفاضي
اعطيك طريقه مجربه 100%
ملعقتين خميره وملعقة لبن زبادي اخلطهم مع بعض كويس وتحط مكان الرؤس السوداء
الين يجف كويس افركه واغسل الوجه بمويه دافيه
وادعيلي
ههههههههههههههههه من جد ردود فله وكل يغني على ليلاه ....ما علينا
اخي صاحب الموضوع .. من تجربة لاحد الزملاء كان عنده نفس اللي عندك
صار ياخذ بياض البيض بس بدون الصفار ويخلطه بملعقة ويدهن فيه وجهه ويحط عليها فاين عادي ( كلينكس يعني ) ويتركها لمدة ربع ساعة ، بعد ما تجف يقشعها من على وجهه . وهذي الطريقة تشيل الرؤوس السوداء من جذورها ، وافضل طريقة طبيعية لتنظيف البشرة ، بعدها دور لك على زيت زيتون اصلي وادهن وجهك فيه ، وخل عنك المراهم والخرابيط حقتهم ... ولا تنسى شرب الماء بكثرة لطرد السموم ..... وبتدعي لي ولزميلي بعد ... والله يهدي الجميع للخير والرشاد .
ههههههههههههههههه موضوع اكثر من رائع ومفيد ..لكن الردود تضحك ...وانا مع الردود 15 و16
وما فيها شيء لو رجل اهتم بمظهره غريب جدا إعتراض البعض ..الله يكون في عون الجميع .
الله يهدي الجميع
..".. "="
اختي
اخلطي مويه وملح
وضعيها ع الرؤس السوداء وقومي بتحريكها ع المكان بس لا تكثري لانه يسبب حكه وألم اذا استخدمت خطأ
مرتين باليوم وتختفي باذن الرحمن