عندي مشكله فالقدم تكفون طمنوني ي أطباء

دلكها بزيت دافي مع الضغط الخفيف عليها وعدم تحميل الرجل اكثر من الازم خلال اسابيع.مع الحرص علي لبس الضماد القدم وباذن الله مافيك الا العافيه

أخوي بسم الله ما شاء الله عليك شكلك تمشي حافي كثير

أنا جاني نفس اللي في رجلك قبل فترة خصوصاً اللي فوق اللي قريب من الأصبع

نصيحه لا تنتظر إلين يكبر و عالجة

أنا طنشته هاذيك الأيام و ما حسيت بألمه إلإ لما كبر أنتبه ألم مبرح لا يطاق

لين كبر و سويت عملية و شلته و ظليت شهر ونص مربوطه رجلي

و ترى المر يفيدك إن شاء الله أنقع قطعه بشوي ماء لين تبدأ تذوب و حطها و لف عليها شاش

الله يوفقك
.

أخوي صاحب الرد الأول شكرآ لك
وإن شاء الله بدلكها وتخف والمشكله القدم اليسرى مافيها عروق عند البوع زي ذي أبدااااا
ذي ما أدري من وين طلعت

أختي شطوره
إذا جات ع المشي فأنا كنت مبدع فالمشي الحافي وبالذات على الصخور وكانت رجولي مافيها ألام
بس ألحين للأسف ما أقدر أمشي 10 متر على بعضها بدون ما ألبس شيء (:

وبالنسبه للي فرجلي حاليا عروق فيها دم وواضح
وجايه فالكعب وبمجرد ما أشد رجلي أحسها تنشد وتسبب ألم
وإذا ريحت رجلي تخف مررره ولا تنشاف بس إذا شديتها ترجع وأشوفها

جربت الفكس مانفع فيها جربت الفولتارين مانفع
بجرب التدليك بزيت حار
وإن شاء الله تخف

دعواتكم

الرقية الشرعية ابدأ ... فيها ...

وزيت مقري .. ودلكها ... كان عندي تمزق في اربطة الركبة ... قال الدكتور لازم اشعات وعلاجات

وجلسات علاج طبيعي ... طبعا ماعندي مصاريف حق هذا كله ...

وبفضل الله ثم سورة البقرة لاني اقراها يوميا ... شوي شوي اختفت وكنت احس بآلامها وانا اقرأ

لحد ماختفت والحمدلله ..

التوكل على الله ثم القرآن خير شفاء وافضل علاج لاي مرض كان ... وحمدلله على سلامتك

رح لأقرب طعس وأدفن رجليك للركبه أو فوقها وخلها تعرق مرتين بالأسبوع
وبأذن الله راح تطلع جميع الأمراض سواء روماتيز او دم فاسد

مو هذي اعراض الغرغينيا ومن اسبابها الوقوف الطويل شكلك عسكري راعي خفارات

جيغسوا ههههههه ياراجل صل ع النبي

وش غرغرينته // الرجال مافيه الا العافيه

صحيح هذي أعراضها الله لايبلانا
واذا تأكد انها غرغنينه حاول تبتر قدمك رحمك لك من الألم وخوف انها
توصل للركبه او تنتقل للقدم الثانيه .. وأحتفظ بصورة القدم عشان تتذكرها
وتقول لعيالك الصغار أو أحفادك كان هنا قدم

الغرغرينه ماتجي الا بعد الجروح وخصوصاً لمرضى السكر كبار السن مع اهمال الجرح لان المناعه عندهم ضعيفه
روعتوا صاحب الموضوع والامر بسيط باذن الله بس لاتهمله عشان مايتضاعف

اعتذر من صاحب الموضوع لم اقصد الغرغينا قصدت دوالي القدم واعرضها الوقوف الدائم دووم الصحة والشفاء

مداخلتي رقم تسعه من باب المزح لا أكثر وعليك بسماع نصيحتي بمشاركة رقم 6

يا اخي الكريم خذ مرهم فولتارين ويروح الالم

وعليكم السلام ورحمة الله وبركاته

والله ياخي الفاضل فيما يبدو لي انه دوالي او بداية دوالي

احتمال واحتمال الالتهب في الاوتار القدم وصعب اكتشافة

اخوي انصحك بمرهم اسمة (( بومارجين )) سعره مايتعدا الـ15ريال
انا مجربة المرهم خصوصن يوم العب طائرة اصابعي تتعفت وتنتفخ العروق وتألمني بس من بعدالله والمرهم الحمدلله على فكرة المرهم مافي منه في السعودية الوقت الحالي بس يبيلك تلف على الصيدليات اللي عندكم كلها لانه انقطع في السعودية مصنوع في مصر

هذا من واقع خبرتي
دعواتك لي

فيه واحد قلبه يدق بسرعه
حرام عليكم وربي فجعتوني

إن شاء الله مافيني إلا العافيه هي الشغله إني لعبت بدون ما أصخن
وشت الكوره بأقوا مامعاي ومن بعدها جاني الي فالصوره

بس بدهنها بفكس وإن شاء الله تتحسن وببحث عن المرهم إن شاء الله أحصله

شكرآآآآآآآآآآآآآآ لكم جميعا

أسال الله لك الشفإء العاجل طهور بأذن الله

بس يوم شتت الكوره عساك جبت هدف ياكابتن ماجد

اسال الله ان يشفيك

هذي عين الي صابتك ماصلت على النبي لاتلومهم من شافو هالقدم ماشاءالله عليها

المهم عسا جبت هدف ياكابتن ميسي

روح لطبيب قدم وكاحل
في واحد سعودي بجده اسمه خالد ادريس يعمل IMC
و اخر امريكي اسمه سامر بندقجي يعمل IMC
استشاريين و فهمانيين