السلام عليكم ورحمة الله
شريت قبل اسبوع ثريا مودرن وفيها كرستالات نازله الصوره لنفس الثريا
كلفت علي مع التركيب 500 ريال
المشكله ماجا في بالي ان المكيف بيخلي الثريا ترقص سامري و تطلع اصوات وطقطقه مزعجه
غير الانوار اللي تدور بالغرفه تقول ديسكو مو غرفه جلوس
المكيف قوته 24 وقدامها مباشره وهذا اللي سبب مشكله
ولايمكن اني استرجعها لان الفاتوره ضاعت ولا يوجد مكان اقدر انقل الثريا له
ابي حللل تكفون امي عصبت علي وتبيني اقلعها باي طريقه ...
مالك الا تيبيعها ازين حل ...
اذا المكيف له ريش اتجهات غير الاتجاه
في طريقة تستخدم في (أوزبكستان)
وهي انك ما تنور الثريا .. يعني أفصل الكهرباء عنها
واستمتع بمظهرها وجمالها بالنهار فقط
أتمنى أن اكون أفدتك
وشكراً ...:
مشكورين للي ردو
انا ودي ابيعها اليوم قبل بكره بس وين الجاد اللي مايبخس السعر لان حرام جديده
والمكيف حاولت انزله وفعلا ماصارت تتحرك لكن صار الهواء مسلط على اللي جالسين وينزعجون منه
نفس الي حصلك حصلي شريت وحدة كلها كرستالات وخلاخل المهم انواع الاصوات اذا جاها المكيف وعالجت الموضوع بتثبيت ريش المكيف علي جنب وانتهت المشكلة
ما دامها تستنزل طقيلها شوي لعل وعسى تركد ههههههه
طيب ممكن تنزل ارتفاع الثريا تخلي الكهربائي يصلح الثريا والمكيف شغال لما تتاكد انها ماتتحرك او تتحرك بشكل ماياثر وثبت عليها
ههههههههه والله ينطبق علي المثل اللي يقول يامن شرا له من حلاله عله
فكرت اشيل الدناديش اللي نازله عشان تسكت بس بيطلع شكلها معوق خخخ
حواف الكريستال الشفاف حط عليه تيب حق الفلوس فقط الحواف يمكن يفيد
يا كبر مشكلتلك ياخوي .....................
انا مره شريت كنب فاخر
جيت ابدخله البيت لقيت البيبان صغيره وش تتوقع سويت ؟
شريت بين ثاني على مقاس الكنب
قويه .. صح
هههههههههههههههههههههههههههههه
الله يقطع شرك
اذن رحت وطي تحصل العيال بالشبب يتصيدونها
راحت وطي
هههههه الله يسعدك
حاولي تحطين على الريش سيليكون بس لا تتشوه
طريقة بس صعبة شوي ومتعبة شويات
- تثبيت الكرستالات بغراء المسدس
بس يبيلها تركيز وأعصاب هادية - حط الغراء على أسفل الريشة من الداخل (بحيث تكون أسفل الريشة كلها ملتصقة بحديد الثريا) بحيث أن هواء المكيف لا يستطيع تحريكها
إن شاء الله تنفع الطريقة
حاول عدة محاولات وخل عندك ثقة أنك بتنجح لأن الحاجة أم الأختراع
وشكراً
مالك الا ترجع لنفس المحل وتشرحله مهو شرط الفاتوره تكون معك .. بيكون معهم نسخه ويبين عندهم
قل لهم مشكلتك وتبي تبدلها بنجفه لطش
ماينفع معك الا لطش والسقف يساعد عندك
لا تشغل المكيف :) كذا تفتك من الصوت وتفرح بمنظر الثريا
او
جيب مكيف سبليت وضعه في مكان لا يؤثر على الثريا
أتوقع المحل راح يقبل الاستبدال بدون فاتورة
انقلها الى غرفة امك برا لها و احسانا واختر لك مصباحا يليق بوضعية المكيف
دمت راقيا و محبا لأمك
مشكورين جميعا
بالنسبه للمحل افكر ارجعها لكن اخاف مايستبدلونها بدون فاتوره واتوهق اكثر وين اوديها
لكن بحاول امر المحل قبل فكها واشرح لهم اذا رفضوا الشكوى لله
طريقتك ابو محمد حلوه بس فيها مغامرة اخاف اجيب العيد ..
اخ المتمتع غرفة الوالد نفس المجلس المكيف قدام مكان الثريا يعني راح احل المشكله بمشكله
اكبر كيف بتنام والثريا تقرشع على راسها هههههه اصلا هي رافضتها بالمجلس فكيف بغرفتها
اهلا
الثريات ما اشوفها الا بالنذور تبع الحريم
كل وحده تتمنى شي نذرت ادا صار الا في بالها تهدي المسجد ثريا !
قولي
ادا ما رضى يرجعها شوف لك مسجد يحتاجها و اهديها له
خفف قوه مروحه المكيف وقبل يجون الضيوف شغل المكيف وتبرد الغرفه