سؤال لأهل الخبرة في العطور المخلطة ؟؟

اسمع يا صاحبي سوق المعيقليه اغلبهم نصابين والزيت اللي شريته مغشوش بنسبه كبيره
يعني يجيبون زيت اصلي ويجبون زيت بدون ريحه ويخلطوها لاجل يزيدون الكميه

الزيت هو العطر مركز
بالنسبه للسر ما فيه الا عند الشركات الكبرى واقصد الفرنسيه مو العربية لان العربيه تشتري العطور من مصانع فرنسيه وهذا كلام اداريين في نكتار و زهور الريف

فيه شيء اسمه تجربه ونسبه وتناسب

الزيت له نسبه و المذيب له نسبه ولازم توازن فيها
وخليك فنان طلع روائح من عندك اشتر اكثر من عطر وخلط منها بيطلع لك شي حلو ومرتب

واذا زبطت العطر تبعك حطه بالثلاجه لاجل تتماسك الرائحه هذا كلام احد المختصين وسألن ناس قالوا مو لازم

انا لي شهرين اروح واجي لاجل اتعلم الصنعه زين

النصب وصل للعطور

الله لايبلانا

مشكور ياشاكر ..والله تعبت منهم وحسبي الله عليهم اذا كانو نصابين

في جده منطقه تجاره الجمله سوق الخاسكيه تاخذ عطور مركزه بالعلبه تجي علبه نحاسيه لونها فضي تطلع عليك ب 40 ريال او 50 ريال عطر مركز وتشتري ميزان حساس زي حق الذهب وتشتري كحول
بعد كذا تحط كميه من زيت العطر حسب حجم القاروره اللي بتسويها مثلا 50 مل تحط. القاروره الفرغه على الميزان وتصفر الميزان وتعبي فيها من القاروره النحاسيه المركزه 18 مل عطر مركز
وتكمل الباقي كحول وتقفل القاروره
كل شي متوفر في سوق الخاسكيه العطور المركزه القوارير الجاهزه للتعبيه الغطى الظاغط البخاخ
وفيه اله كبس اذا تبغى الغطى كبس