السادة أعضاء وزوار موقع مستعمل الكرام السلام عليكم ورحمة الله وبركاته اليوم حبيت أعرض لكم تجربتي السيئة بشراء حذاء HUSH PUPPIES من القرعاوي قبل اسبوعين كان عندهم تخفيظات ودخلت المحل ولقيت تشكيلة أحذية جميلة وعصرية سعر الحذاء ( أجلكم الله والملائكة ) 320 ريال وبعد التخفيض 190 ريال شريت 3 أحذية مختلفة الألوان . رجعت للبيت ومن بكره عندنا مناسبة لبست واحدة منها وأثناء المشي تفاجأت بأن الحذاء يتوسع بشكل غريب ولاحظت أن الخيوط بدأت تتقطع رجعت من بعدها للمحل ولنفس البائع ( مصري ) وكان قمة في الإحترام وقالي احنا آسفين وراح نصلح لك الحذاء في مركز الإصلاح وتستلمه بعد يومين ، قلتله بيتي بعيد جدا وأنا زبون ، قالي طيب راح اشوف لك اذا فيه نفس الحذاء ونفس المقاس ابدلها لك قلت له تسلم وبالفعل حصل نفس الحذاء والمقاس وقالي لازم تكلم المدير عشان يوافق على عملية الإستبدال . هنا بدت المشكلة المدير ( هندي ) اسمه انور سلمت عليه ووريته الحذاء كشر في وجهي وقال هذا الحذاء انت شاريه من عندنا ؟!!! متى شريت الحذاء ؟!!!! هل الفاتورة عندك ؟!!! قلت له ايه شاريه من عندكم قبل أيام وما لبست الحذاء الا أمس والفاتورة موجودة قال راح نصلحه لك وتجي تستلمه بعد يومين فلت ياخي انا ماعندي وقت ارجعلك ومكانكم بعيد بعدين انتم تمثلوا شركة عالميو وأسمكم له شهرة في عالم الأحذية ليش ماتغير لي الحذاء انا شاري حذاء جديد ماهو عشان انت تصلحه لي رفض وكنت متنرفز وقلت يكون خير طلعت ومريت واحد مصلح احذية اعاد خياطة الحذاء مرة أخرى بشكل جيد الزبدة أعزائي تأكدوا من ان الحذاء مافي اي عيوب قبل شراءه ولاحظت بأن الأحذية اللي عليها عروض ردييييييئة للغاية ومن المؤسف بأن شركة عالمية ووكيل سمعته جيده يخربها وافد لايجيد التعامل مع الزبائن