| جميع الحقوق محفوظة © |

افضل شماغ لا يتاثر بمسحوق الغسيل التايد

السلام عليكم ورحمة الله وبركاته

اتمنى من اهل الذوق والفن ان يدلوني على افضل شماغ سعره دون 100 ريال

يكون :

1- بياض لامع لا يتاثر بالتايد

2- لون احمر زاهي و لا يبهت

3- جميل مع الكوي ولا يخشّب .

4 - شكله جميل

ودمتم بخير

الردود
نقاشات مشابهة
الكل: 40
21 40
21.
12:36:45 2013.04.16 [مكة]
دنهل عن تجربه واستخدام طويل بس غالي اما الخامه واللون والتماسك والكشخه خذ لك شماغ .. وارجع واكرر غالي بس لانه غالي لو تاخذ اثنين بنقشتين مختلفه راح يظلون معك فتره طويله لو حافظت عليها
22.
13:23:40 2013.04.16 [مكة]
فيه شماغ اسمه العقل قديم من سنة الثمانيان كنت البسه بحثت عنه مالقيته هذا الشماغ يكد كد الصراحه
23.
13:29:13 2013.04.16 [مكة]
من الطيبين ، أتذكره أرخص قيمه من شماغ البسام
24.
13:58:30 2013.04.16 [مكة]
لبس الشماغ عذاب عند القيادة وعند الصلاة انا ما اغبط إلا من يسوق أو يصلي بدون شماغ!!
25.
14:25:52 2013.04.16 [مكة]
اذا انت من سكان شرق الرياض اتصل علي وادلك على محل يبيع شماغ معين والله تدعيلي بس جهز خمسمية ريال عشان تاخذ منه 5 حبات لأنه ينقطع واحتمال يخلص لأنه رجيع مستودعات
26.
14:30:52 2013.04.16 [مكة]
علمنا يخي كلنا نبي انا من سكان شرق الرياض ياليت تدلنا ع المحل ونوع الشماغ
27.
15:24:13 2013.04.16 [مكة]
يارجال ماعندك غير البسام وبس ..... ماي فير .. درجة أولى وبدون منااااازع . خفيف لدرجة انك ماتحس فيه على راسك ... باقي الاشمغة تقول كنك حاط طابوقة على راسك ... للعلم جربت جميع انواع الاشمغة .. دانهيل , جيفنشي , دسار , بروجيه , بيير كاردان , فالنتينو .... وتطول القائمة
28.
21:27:09 2013.10.02 [مكة]
يقول احد الشعراء بعد ان غشوه بالشماغ ياليتني كنت من شعب المريكان---- مافوق راسي عقال اولا عمامه الخ الخ الخ -----------------------------------------------------------
29.
عضو قديم رقم 353710
01:09:59 2014.03.30 [مكة]
أقول دنهل وإلا جفنشي أصلاً ما بينها فرق في الخامة الفرق فقط في النقشة أنا معي دنهل من سنتين و تشوفها علي تقول باقي جديدة بس أستخدمها إستخدام عادي ولا هو في كل مكان لا وبأشتري دنهل الموديل الجديد قريباً إنشاءالله
30.
00:08:09 2014.10.01 [مكة]
مالجديد مع اقتراب العيد
31.
20:38:12 2014.10.01 [مكة]
والله شريت كارتير من المعيقليه مدري هو اصلي ولا تقليد بس من خمس سنين وكل من شافه قال ماشاء الله وشذالشماغ؟ واذا قلت لهم اني شاريه من كذا سنه يصدون عني ويستحون تقل فيني جرب وانا اطق خشتي ابتسامه واسوي نفسي مادريت وانشب لهم هخهههخخهخخخ
32.
عضو قديم رقم 376869
16:53:57 2014.10.11 [مكة]
انا اشتريت اشمغة كثير الي غالي والي يتمسر والي تخشب وبعضها غالي وثقيل وتدرون الرياض حر احسن شماغ صبط معاي شماغ first man صحيح خفت لمعته شوي لاكنه خفيف وزبط معاي
33.
20:46:28 2014.10.23 [مكة]
يارجال كل الاشمغة تنغسل عادي وتعيش مع الواحد سنتين ثلاثة ابو 30 ريال زي ابو 100ريال انا اشتري شماغ من ابو 30 الى 40 ريال الهياط اللي ماله داعي ماله داعي
34.
18:35:24 2014.10.24 [مكة]
صحيح ابومشعل انامثلك ماستخدم الا الاشمغه من 50 وتحت خاصة المشاوير العاديه والدوام والمناسبات والاعياد مخصص لها شي مرتب مره شريت فرزاتشي عجبني شكله واخذته ب280 وملمسه حلو ولبسته حلوه وحضرت فيه مناسبه زواج وانا اسلم على المعازيم الا ويلقط نظاره واحد منهم واتل النظاره منه خخخخخ وتطيح النظاره وتعدم ام شكل الشماغ !! واضطريت اقلبه وامشي حالي فيه
35.
21:50:11 2014.10.24 [مكة]
لا والله معليش جربت اغير نظرتي واشتري شماغ غالي ولكن اول شي الشماغ ما ينغسل لا بتايد ولا باي مسحوق غسيل الله يرحم امً جابتك الشماغ ينخمر وينقع في الما واي شي عليه بيتحلل طبيعي كان مره ملزم فعندك الصابون الاحمر السايل وتحط منه ششششوي ... ولا صابون العبايات ولو اني ماجربته ومدري هو للحين بالسوق ولا لا ثانياً: الشماغ ابو ميتين وفوق لقيت لي شماغ مانيب قايل ماركته ولكنه يغبر على كل اللي انذكر آنفاً ونا كنت من اللي حاط مخه بكرتون وافكر الشمغ كلهن سوا اثر الغالي شي مفنتك يولد (بس مهوب اي غالي) ذاللي فالسوق صراحه خنبقه ... فرزاتشي وخنبقزاتشي وبسام هذول اسفطهن على جمب وخذ ابو ثلثين اصرف واهم شي لا تشترون من محلات في وسط المدينه والعليا وكذا ترا بيلزخونكم مية ريال فوق السعر الاصلي وهو يظحك! اما رح لسوق جمال في البطحا ولا رح للمعيقليه وهذي انصح فيها مع ان اليمنا هناك يعطيك اشين شي : تلاقيه يحط واحد للعرض وثم يغيره بواحد ثاني بعد ما يهتري شوي ثم يقول لك والله ما يجي بكيس وهو يكذب الحل الامثل انك تروح للموزع نفسه ، هذي بجربها بس مدري يبيعون قطاعي ولا لا ولكن ... عموماً اللي يعدي عالمعيقليه لا ينسى يشقر على محلات الصفوه ،،، طبعاً المحل تبع رجال ماشاءالله عليه واصل اجتماعياً ومالياً ، يعني ماهو من شلة الطرابيش ،،، عشان كذا تلاقي اللي يشتغلون فيه نفوسهم شينه ،،، لانه مهومب هم اللي يجيهم المكسب زي ما تعودوا ... .
36.
23:48:06 2014.10.24 [مكة]
التايد يضرب كل انواع الملابس غيره وريح بالك
37.
16:07:59 2014.10.27 [مكة]
لو سالت عامل المغسله بيقول لك البسام الانجليزي
38.
23:19:25 2014.12.21 [مكة]
احسن شماغ هو البسام اللي يجي عليه ختم او بصمة سوداء صحيح هو لونه احمر بزياده شوي لكنه ممتااااز مايتعفس لانه ثقيل وسعره 55 ريال فقط
39.
17:48:56 2015.02.15 [مكة]
غير البسام لادور من بين كل انواع الاشمغة مجربة
40.
11:56:25 2015.02.23 [مكة]
0555598782