احد المتاجرين بالحلال عارض علي تيوس بلدي ب 450 ريا

مو معقول بصراحه انا ابيع من 750 ومن 800 و100
لو مالك خاطر ممكن اشيل ولك حقك

اخوي فيه تيوس سودانيه توها جايه السوق هي الي شكلها شكل البلدي يمكن تكون هي

السعر ما هو سعر تيوس بلدي .. إلا إذا كان الشغله كرم من الرجل ماهي تجاره

تبغون الصدق ، والله مدري ، كيف اتأ كد طالت اعماركم

مستحيل طال عمرك !!
اسعاره مثل ماقال ابو عمور من 850 الى 1000 ريال
وتوني ماخذ واحد كبيّر ماعليه ب 1000 ريال

تبي اكلمه مستعد صدقني ياابوفهد ثلاث اسواق مار عليها انا
تمير عندهم سويق حلو الارطاويه وامس عقب صلاة الظهر المجمعه وانا واخواني كلنا عندنا حلال والله نلقط دواغير من 500
حتى المستورد ارخص ماهنا منه البربري 470 له ست شهور السواكن 650 وفوق التيوس انواع لكن ارخصها 500

أتحداه بلدي !!

وإذا بلدي أخذها منه ب450 وانا اشتريها منك 550 مكسبك ميه في كل راس

وأبي 200 راس ومكسبك عشرين الف 20000 ريال

السعر طيب .

هذي ياطويل العمر تيوس سودانية وليست بلدية وسعرها المرباه منها من 400 إلى 450 أما التيوس الجديده الواصله قريب لايزيد سعرها عن 270 ريال

هذي اسمها الرفيدي وهي تاتي من اثيوبياوشكلها مثل البلدي وكثير من مطابخ المندي تستخدمها هي طيبة اذا ت تعليفها لمدة شهر تقريبا يكون لحمها زين

وشكرا

طيب الحين تقدر تميز البلدي عن الغير بلدي

اقصد البلدي عن الاثيوبي والسوداني له شكل معين تقدر تميزبها

العلامه الفارقه يعني

يا أخي أبو فهد إذا تقصد في الشكل الخارجي فيه فرق مثل فرق السماء عن الأرض
أما في الطعم وشكل اللحم ما يفرقه إلا صاحب الخبرة واللي يعرف للغنم

وبنسبة للحمه تختلف على حسب التربية ونوع الأكل اللي ياكل التيس وفي الأول والأخير الطبخ هو الفاصل النهائي

الي يفرق الطعم والله الشعير هنا فيه ناس قبل فتره استغنوا عن الشعير ورجعوا له غصب
حتى الحلال لو يفلي في ربيع ماله غناة عن الشعير سبحان الله
في وطني اثنان لاغناة عنهما الرز والشعير

السلام عليكم

مع التحيه لجميع الاخوان

افيدكم ان التيوس المعنيه ليست بلدي بلدي بس رابيه هنا

وشكرا لنصحكم وارشادتكم

سلام عليكم

والله يا اخوان
السوداني
والصومالي
والباكستاني
كلها حلال
ورضهم احين من ارضنا في الرعي
انا جيت السودان
لا شعير كيماوي ولا هم يحزنون رعي طبيعي
والله اناها افضل من الي في الشبوك
اما الي في الجبال انا معك انا طيبه وتفرق عنها
انت دلني عليها ونا بشري ان شاءالله انها من جنوب افريقيا
والله مغلا الحلال الا هل كلام الفاضي
حلالنا كله كيماوي
اذكروالله

سلام عليكم

والله يا اخوان
السوداني
والصومالي
والباكستاني
كلها حلال
ورضهم احين من ارضنا في الرعي
انا جيت السودان
لا شعير كيماوي ولا هم يحزنون رعي طبيعي
والله اناها افضل من الي في الشبوك
اما الي في الجبال انا معك انا طيبه وتفرق عنها
انت دلني عليها ونا بشري ان شاءالله انها من جنوب افريقيا
والله مغلا الحلال الا هل كلام الفاضي
حلالنا كله كيماوي
اذكروالله

مستحييييييييييييييييييل
فيه تيوس سودانيه نسخه مزوره لا يغشونك البلدي لا يقل عن 800 الله يوفقك

والاخ اللي يقول ارضهم وكذا كلامك صحيح بس مشكلة لحمها قاسي مره مره
جربت جميع الانواع اللحم
وافضلهم خارجي الهندي فقط بس مبرد
اما الباكستاني برضه قاسي

ابو فيصل وش الفرق
والله يالفرق انه في السعر
والكيماوي في البلدي

ساقول لك عن تجربه اخذت تيس سوداني ووديته االمندي وخليها على الله ما ابي اذكر ذالك اليوم
ثم اخذت بربري والله لرميته في البرميل بعد طبخه بالمندي من رائحته
واخذت سواكني صغير وجلس شهر بعدما دفعت ثمنه وحطيت عليه كذا علامه واشهد لله شيء خيال بس صغير جدا كبر الحري
اما الصومالي فخلوها على الله كادت سنون الشايب تروح وطي هههههههههههههههههه