ابي استشاره طبيه

قبل 7 سنوات

السلام عليكم

اخواني عندي الوالده مريضة سكر وماينزل عن 500 ابدا
تكفون الي يعرف لي دكتور او معالج شعبي او حتى وصفات علاجيه او اي شي مجرب

والله ثم والله الي يلقى لي حل له الي يبي

شورو علي

ابي استشاره طبيه

إعلانات ذات صلة

عندك كماليات ومنوعات؟
الكل: 12

الله يشفيها ويعافيها ويخليها لك ويخليك لها ويرزقك برها

خذ لها الصمغ العربي السوداني وهو جميل جداً وكسره لها وخليها تمصه كل يوم على الريق وفي المساء
طبعاً هو مثل الحلوى ولكن طعمه حلوه ومافيه حلا

السلام عليكم عندي الوالد كذا ابد 500 واقل شي 400 نعتبره نااااازل رحت فيه لمستشفى الحرس الوطني بالرياض وعطوه علاج جلوكوفاج 750 ملم منظم حبتين وخافض DIAMICRON. MR 30 mg DIAMICRON MR 60mg اقسم بالله العظيم ان السكر اذا ارتفع يوصل 200 والاغلب 140 والله ارتحنا انصحك بهذا العلاج بكل ثقه طبعاً الخافض حبتين من كل واحد حبه قبل الغداء تاخذ حبه 30 ملم وحبه 60 ملم وتتغدى بعد الغداء حبتين منظم وحلل سكرها كل ربع او نص ساعه وراح تشوف النتيجه

الله يشفيها ويرفع عنها

وعليكم السلام


شكرًا لكم جزيل الشكر كلكم

وجزاكم الله الف خير

أتوقع أمك الله يحفظها من النوع العصبي أو الحساس..هذولا الشخصيتين ..السكر دايم مرتفع عندهم..نصيحة خلها تزور طبيب نفسي..وشوف نصيحة اخونا اللي يقول مستشفى الحرس وترى فيه عيادات ع حسابك مسائية..لانه التحويل لها صعب فاحجز موعد مسائي بعيادات مركز الاعمال .

لا هي هالايام بالذات رايقه مره
عشان كذا مستغربين من ارتفاع السكر

صدقيني امك من النوع اللي يهوجس وفيه شي نفسياً متعبها

الله يشفي والدتك ويشفينا ومرضى المسلمين اجمعين

فيه واحد شفت مقطع له على اليوتيوب اخ مصري جزاه الله خير
ينصح بااستخدام ورقت التوت وذكر الطريقه وطرق الاستخدام ابحث عنه وان شاء الله ربي ينفع به

والله يا غالي مستشفياتنا العامه والخاصه , عباره عن تجار بشر

ما قد رحت مستشفى وتعالجت الا ( الكحه والبرد ) ابراء للذمه

يعني وصلت درجة المسخره انك تدخل للطبيب , وتقوله اعراضك بدون ما يسوي لك تحاليل
او يسوي تحاليل شكليه ماله شغل بالمرض
ويصرف لك ادويه

وكانهم حاطين ميزانيه لكل مريض 500 ريال لازم يدفعها المريض

استغرب من حصولهم على شهادات طبيه ودكتوره

على اي اساس يدرس 7 سنين ويتخرج طبيب ,

وفر فلوسك في جيبك ولا تروح لطبيب اكتب سؤالك في قوقل وتطلع لك تجارب بالالف , افضل من اللي يسووها مستشفياتنا من تجارب عليك وعلى غيرك

الله يشفيها يارب ويرزقك برها

أضف رداً جديداً..