| جميع الحقوق محفوظة © |

لدي شركة عقارية وهل يمكن توظيف اجنبي فيها ؟؟

السلام عليكم

لدي شركة عقارية جديدة

واسال هل يمكن لي توظيف اجانب فيها
من مسوقين ومحاسب وغيرهم

اللي عنده علم يفيدنا كرماًً

الردود (8)
الكل: 8
1.
06:51:11 2013.06.11 [مكة]
ليش يابعد حيي مابوه سعوديين للتسويق والمحاسبة ؟ !
2.
17:42:50 2013.06.11 [مكة]
المشكلة مامن ناس جادين
3.
عضو قديم رقم 122442
11:19:17 2013.06.12 [مكة]
لا والله يالغالي الجادين كثير واكثر من الهم على القلب لكن بعضهم الله يهديه يعطي السعودي 1500 ريال وتلقى عنده لبناني ويعطيه 15000 ريال ويبيه ينتج مثل اللبناني واكثر ومافكر هل لو اعطى السعودي هالمبلغ بينتج ولا لأ والله العظيم السعودي احرص على حلالك من الاجنبي ولا الاجنبي متى ماجتك ضيقه او ازمه قالك سلام عليكم وروح لاهله والسعودي تلقاه يصمل معك اذا ماهو فزعه منه لك تلاقيه ما يبي يضيع رزقه اللي له عندك ويحاول يفيدك باللي يقدر عليه لانه شايف من ورى هالوظيفة خير وبالاخير اذا قعد بمجلس يسولف ويتبجح ويقول السعوديين ماهم جادين
4.
عضو قديم رقم 293433
19:51:16 2013.06.13 [مكة]
السلام عليكم ورحمة الله وبركاته أنا صاحب شركة مساكن الوفاء العقارية من واقع تجربة أقول السعودي ونعم به وأكرم لكن حتى لو عطيته على راتبه نسبة قليل اللي يستمر معنا والله المستعان البناني واليمني والسوري والمصري عنده حلاوة لسان ولو ان توظيفة مخالف ولكن انجبرنا عليهم كمسوقين عقار يعني السعودي لو بغيته يطلع مع عميل خمس مرات باليوم السادسة بياكلك اذا ما أجر أو باع وعلمنا كثير من السعوديين وخلوني اكون معكم صريح : بعد ماعلمناه وأمنا بعضهم على عروضنا لقيناها لدى مكاتب أخرى من موظفينا وبعضهم يقول بدال ما أشتغل عند مساكن الوفاء والا غيرها براتب باشتغل لحالي ويظن المسألة سلق بيض من جد والله الذي يشهد أن ودي بالسعودي ولو زاد راتبه عن الأجنبي ولكن ما لقينا الثقة لافي عقار أو في نقل مدرسي مع العلم أن النسب وربي يشهد أني أعطيهم الى 50% 100 ولا زلت أطلب ابن البلد ولا بد أن أجد الكفؤ ذات يوم محبكم خالد الدوسري رئيس مجلس ادارة شركة مساكن الوفاء العقارية
5.
17:58:44 2013.06.15 [مكة]
انا الان بالشركة والسعودي ماداوم والاجانب مداومين من بدري وما اقول الا الله يعينا عليهم
6.
18:42:01 2013.06.15 [مكة]
اخي المملكة نت حاول ان تصبر عليهم وتسايرهم وحاول ان تحبهم وتعاملهم مثل ابنائك واخوانك الصغار فستجد ان شاءالله تغير وتحول منهم وايضا سوف تؤجر على ذلك دنيا وآخرة.
7.
11:22:19 2013.06.16 [مكة]
الموظف السعودي كنز اسود اذا ماعرفت تطلع الكنز الي عندة ما عرفت تديره بتشوف كل شئ اسود بس اذا عرفت تديرة وتكرمة وتحافظ علية بيطلع لك كنز لان السعودي بطبعة ذكي لان السعودي بطبعة امين لان السعودي بطبعة يرد لك مثل ماترد له
8.
عضو قديم رقم 258299
12:43:42 2013.06.20 [مكة]
مصلحة أصحاب الأعمال اليوم عند الأجنبي وربما هو الأجنبي الذي يخاطبنا نيابة عن السعودي لان السعودي مجرد موظف لا يعي ما يدور حوله يعني صاحب العمل السعودي ليس له نصيب من عمله سوى ما يقدمه له الأجنبي. النقاش يحلو عندما تطبق وزارة العمل ما تعلن عنه اليوم من إجراءات تنظيمية لسوق العمل بحذافيره عندها فقط نسمع لأبناء الوطن الحقيقيين وسنجد ابناء الوطن ونقيم عملهم.
أضف رداً
نقاشات مشابهة