جميع الحقوق محفوظة ©
السلام عليكم ورحمة الله وبركاته
إخواني الكرام
افكر أن استأجر عمارة جاهزة لاشغلها تأجير يومي
ما رأيكم في الفكرة
وما هي نصائحكم لي كمبتدئ
المكان في الرياض
اسأل أهل الخبرة
وتأكد من المدة اللازمة للحصول على التراخيص من أول يوم حتى بدية التأجير
حتى لا تخسر ايجار 6 أشهر من جيبك بدون دخل لأنك ستواجه الكثير من العقبات والكثير من البلداء في الدوائر الحكومية
اخي الفاضل الترخيص على المؤجر على ما اظن
اخوي هذا مشروع ممتاز لاكن يجب عليك دراستة لان فية تكلفة
اولا" عليك ان لا تدخل مشروع الا راس المال يكون زايد عن الحاجة
ثانيا" استأجر عمارة مش شرط تكون عدة طوابق اهم شي تكون الغرف صغيرة وكثيرة
ثالثا" استأجر عمارة على شارعين بحيث يكون عندك مواقف سيارات واذا اردت عوائل خذ في حي عوائل واذا اردت عزاب خذ في حي عزاب
رابعا" اذا انت لا تجلس على حلالك فلا انصحك لان قل القوي الامين خاصة انها بداية لك
وعليك بتقوى الله قبل كل شي
واتمنى لك النجاح
اخوي هذا مشروع ممتاز لاكن يجب عليك دراستة لان فية تكلفة
اولا" عليك ان لا تدخل مشروع الا راس المال يكون زايد عن الحاجة
ثانيا" استأجر عمارة مش شرط تكون عدة طوابق اهم شي تكون الغرف صغيرة وكثيرة
ثالثا" استأجر عمارة على شارعين بحيث يكون عندك مواقف سيارات واذا اردت عوائل خذ في حي عوائل واذا اردت عزاب خذ في حي عزاب
رابعا" اذا انت لا تجلس على حلالك فلا انصحك لان قل القوي الامين خاصة انها بداية لك
وعليك بتقوى الله قبل كل شي
واتمنى لك النجاح
مثل ماقالو الاخوان
وعندك اللوبي في الاستقبال خلي لك جلسات كفي ومطعم صغير واجرها صممها وخلي لها مكان واجرها
واجر غرف افضل من شقق يعني الغرف اكثر من الشقق بالعمارة
مشروع ممتاز
ركز على المدة الايجارية انها تزيد على 10 سنوات
خل العقد يكتبة محامي متخصص بالعقود حتى لو اخذ منك 5-10 الاف ريال
الموقع يكون في منطقة حيوية
تاكد من كفاية سعه الكهرباء لجميع مرافق العمارة المراد استاجراها
كل ما كان الاثاث راقي كل ما كان ارغب
سوي خدمة الغسيل والكوي للنزلاء
طبعا ما ادري الطبقة المستهدفة في الايجار يعني ما اعرف الحي اللي انت بتستاجر فيه يعني حسب طبقة اهل الحي يكون التاثيث
نزل لك اعلانات في مواقع السياحة العربية ومواقع النت المشهورة
وفر جهاز الكردت حق اي بنك تتعامل معه عشان اللي ما معه كاش يدفع يالكردت
في جعبتي الكثير واكتفي بهذا
وفقك الله
بقوله حاجه ترا الهيئة عادة يجون للشقق ويتفقون مع الموظف اللي مسئول عن التاجير يعني موظف الاستقبال ويقولوله ...........علمنا واتصل فينا ونعطيك مكافئة
من راقب الناس مات هما
الفكره جدا ممتازه ومشروع جدا ناجح اذا المكان مناسب
لكن الله يعينك على هيئة السياحه والاثار بيطلعون عينك علشان التصريح اعرفلك واحد قعد 9 شهور الى ان حصل على التصريح
وبدون التصريح ماتقدر تستخرج رخصة بلدية ولا تجيب عمال ولاتجدد اقامات وووووو
اجرائتهم معقده وتعاملهم صعب جدا
الله يعينك وبالتوفيق
ياكم الله يالربع وشكرا لكم على التفاعل
وبالنسبة لتصريح هيئة السياحة ورخصة البلدية ماهو المفروض صاحب العمارة هو الي يجهزهاا ؟؟؟؟
سؤال ثاني : ما هو افضل موقع في الرياض ؟؟؟
طيب انا لي صديق يبي نفس المشروع بس كم الايجار السنوي المتوسط بالرياض وكم ممكن يكون الدخل الشهري الصافي والسنوي الصافي وماهي المصاريف المتوقعه
حسب فلوسك كم معك للمشروع وانا اقولك وومكن اساعدك
المبلغ حوالي 600 ألف قابل للزيادة
لاتنسى الدفاع المدني يشترط سلالم طوارئ ومخارج ماتفتح من برا وطفايات حريق ومواسير مياه في الاسياب واجراس انذار خارج الشقق وحساسات دخان داخل الشقق
بالتوفيق
المباني مو وحده في العرض من المؤجرين مثلا
عماره 40 باب مقسمه تأسيس وعدادات كهرب ممده سنترال ونت ورسيفر مركبه مطابخ ومخارج طواري وتمديد اطفاء وانذارماتلقاه ب450 الف دفعه وحده عمال النظافه امرهم سهل المشكله في الرسبشن بس
الصعوبه فقط في الدفاع المدني هيئة السياحه يجونك يركضون
تأجير العزاب مكسب جدااا وسريع ولا يعتمد على موسم
القروبات مكاسب مخدرات وفلوسها تجي جميع
اخر عرض شفته كمان ب 400 الف وكان جيد
تبي ارسلك لواحد يدير 14 عماره ويجيب لك عقود قروبات ؟
كم تدفع هههههههههههههههه
بقلم: االمعتمد
600 ماتسوي شيء
اقل شيء معك مليون وما تكون قروض
قابلة للزيادة
هلا بك اذا عندك مليون عندي لك ارض لقطه على شارع 40 و20 زاويه شرقيه
منطقه ضغط غير طبيعي في العزاب والعوائل امام الحرس الوطني
تتفق مع صاحبها بناء وتتفقون على الاجار مده طويله
تبنيها انت وتحسب من الاجار وتاريخ الاجار من تاريخ اطلاق التيار وصمم على كيفك حسب النظام لك نظر اكلمه
بقلم: أبوفصيل2
امام الحرس الوطني تقصد طريق المية والا النسيم الشرقي اللي مقابل مستشفى الحرس
ابو فيصل ممكن تفاصيل اكثر
لا اله الا الله
