تنصحوني اشتري فله في الوقت الحالي

يظهر الوضع مستمر على ماهو عليه طالماً لم يطبق زكاة الاراضي . وطالماً المسؤولين لديهم أذان مطموسه . وطالماً اراضي الشبوك تستمر في توسعها. وطالماً يوجد مرجفين ومطبلين.

اشتر بس حاول لاتشتري بكل مالك يعني دور الارخص حق ابو سنتين ثلاث

المهم اخوي ابعد عن الشغل التجاري وشغل البربسه

وش الحل باخوك مالنا عير الشغل التجاري

انا راح أتكلم عن نفسي لو كان عندي سيوله بشتري واريح مخي حتا لو نزلت الاسعار البيت انا ساكنه وماعليه خساره ان شاالله اما اني ادخل نفسي في ديوان وتمويل من البنك باكثر من 60 بالميه فايده لا والله انتظر يمكن بعد تنزل الاسعار وتصير خسارتي ضعف وربي يحلها ان شاالله

طالما ان الاراضي بارتفاع مستمر سيستمر ارتفاع الفلل والعقار لن ينزل والسبب ان الشعب كله حاط تجارته وعينه على العقار ومن حق اي واحد يتاجر بالطريقة اللي يبيها الان الوضع صار عند الكثير يتاجر بالأراضي ويتربح فيها ،،اقصد انه ما يشري من اجل انه يعمر لا يشري من اجل ربح وتجارة وطقطقة بالعقار وهذا راح يرفع أسعار الفلل اكثر وأكثر نصيحتي لك اعقلها وتوكل

لا والله أشتر هذا أذا الميزانية تسمح ليش الأنتظار شكل الأسعار ماهي نازلة كل شي أرتفع والدنيا مولعة والأيجار بيطير معه

والله مافي ميزانيه مافي غير البنك والف شكر لكم جميعا على تجاوبكم معي

اشتر يا خوي ولا تفكر باللي يقولون العقار ينزل واللي ماراح يشتري بسعر اليوم بكره بيشتري باغلا خذها من اخوك عقاري وعارف المنطقه

تبي نصيحتي .. أجلس اللين تتقاعد وجمع لك قرشين حلوه بعدها شف لك دولة فقيرة ورح اشتر لك هناك بيت ومزرعة ما تكلفك شي وعيش احلى عيشة وترك هل ديرة مالنا نصيب فيها صدقني هذي ديرة الاجانب كلها صارت بنقالية وزيود وسورية وفلسطينية وحضارم

وجهة نظري ... اذا بتاخذ قرض عقاري من بنك ... توكل على الله ... ف عمرنا ماراح نجمع قيمة فيلا ... حتى لو رخصت ... يعني الحلوين يبغوا يقنعوني بنقدر نجمع مليون ولا مليون ونص . ونشري كاش :) واما لو اخذت قرض عقاري .. ف ماراح تفرق غالي ولا رخيص .. غليت ولا رخصت .. كلها واحد .. الاقساط بظهرك .. وساكن في البيت .. ماراح تفرق .. طبعاً ابحث عن الاستثماري .. ع الاقل يسدد لك الفائدة حقت البنك ويبقى عليك القيمة تقسطها .... والفلوس طايره طايره لا محالة .. والراتب متحلل .. اذا ما خذه البنك قسط للبيت بياخذه راعي الدجاج والبيض والتجار الباقيين .. :) ع العموم لي تجربة كبيرة في هالمجال :) <<< متلحط قبلك .. وراح افرد لها موضوع متكامل ان شاءالله تعالى بعد ما اخلص ..... فيه كل التفاصيل من الالف للياء ... :) بالتوفيق

الله يسعدكم وينوز دروبكم

معك كاش اشتر ارض وعمر على راحتك اما ديون وبنوك وخراط فاضي اتركه عنك ومتع نفسك ومتع عيالك لين الله يفرجها علينا وعليك هذا من راي