| جميع الحقوق محفوظة © |

احد جرب "دار التمليك" في شراء فيلا او شقة ؟؟؟

السلام عليكم

دار التمليك شركة تقدر تشتري عن طريقم فيلا او شقة ... الخ و هي في الاصل برنامج "مساكن" اللي طلع عن طريق المؤسسة العامة للتقاعد قبل كم سنة لكن مانجح كثير فقامت المؤسسة بتحويله لشركة سموها دار التمليك.

السؤال هو : هل فيه احد جرب اشترى فيلا عن طريقهم؟ واذا فيه ياليت يذكر لنا المزايا و العيوب.

طبعا انا كلمتهم عن شراء فيلا في جدة وسوولي حسبة. من ناحية نسبة الارباح السنوية فهم ياخذون 3.63% سنويا على 15سنة. والنسبة هذي قريبه من بنك البلاد و الانماء (حوالي 3.99% سنويا).

طبعا النسبة هذي تعتبر من اقل النسب بين البنوك. يعني بنك الرياض مثلا ياخذ 5.4% سنويا على 15 سنة.

طبعا المعلومات هذي انا جايبها من البنوك مباشرة بعذ الاتصال بكل واحد منهم

الرجاء عدم الخلط بين نسبة ارباح القروض الشخصية و القروض العقارية. الشخصية نسبها اقل بكثير.

نرجع للموضوع: هل فيه احد اشترى عن طريق دار التمليك؟ و ياليت تفاصيل عن الاجراءات و المزايا و العيوب:

يعني مثلا: كيف طريقة سداد الاقساط لان فهمت انه مولازم تحويل راتب؟

هل فيه كشف على العقار كل سنة؟

كيف يتم تثمين العقار؟

هل اجراءاتهم سهلة والا معقدة و كم وقت تاخذ الاجراءات ..... الخ

وشكرا

الردود
نقاشات مشابهة
الكل: 5
1.
12:46:06 2012.02.20 [مكة]
الله يعين ياخذون في النهاية اكثر من 50 % من قيمة القرض حسب النسبة اللي ذكرت 3.63 %
2.
21:25:49 2012.02.20 [مكة]
المخلص2008 نعم الارباح عالية شوي بس هذي حسبت بنوكنا للاسف لازلت انتظر احد عنده تجربة مع دار التمليك !!!!!
3.
01:47:48 2012.02.21 [مكة]
ابعطيك معلومه خفيفه وسريعه تدري ان جميع شركات التقسيط العقاري تقوم بالتمويل عن طريق البنوك البنك ياخذ مايعادل 3.9 والشركه تاخذ الباقي تقريبا 2,1 في السنه ويبقى العقار مرهون عند البنك باسم الشركه وانت ياالمتوهق تقسط البنك والشركه سوى وبدون ماتدري لحد ماتخلص المده هذا ان قدرت تستمر معاهم وتخلص المده ولاتنسى انهم بيطلبو مقدم عالي عكس البنوك هذا ان ماطلبو ك شخص متضامن وانت عارف نظام الشخص المتضامن يعني الشركه او البنك بياخذ حقه بياخذه فلو مثلا مت لا قدر الله بيسير حقهم مضمون عند شريكك وان مات هو حقهم مضمون عندك وفي الاخير نرجع تقول ان البنوك ارحم من الشركات بمليون مره ونصيحتي لك لاتستعجل في الشراء لان الاخبار الايام هذي ملخبطه شوي وماندري وش المستجدات واسف اني طول السالفه و مغطت فيك خطوط
4.
عضو قديم رقم 273285
10:44:56 2012.02.21 [مكة]
3. بقلم: massiri77 كلام من ذهب
5.
19:48:39 2012.04.14 [مكة]
http://www.bezaat.com/ksa/riyadh/properties-for-sale/apartments/ad/للبيع-شقق-بالمونسية-شمال-محطة-الجفن-ب600متر/3125113?tv=0