، ، - المشهد الاول ( 1 ) : وحده مزيونه بالحيل ... و حبيبه ... بس تخون !!! وش اسوي بجمالها ؟؟ بياخذها الزمان و تبقى عجوز !! عادي ... طاح الحطب .... و حلوة الحياة ------------ - المشهد الثاني ( 2 ) : ملتزم ... يصلي كل الفروض .... و اذا تعب فوت صلاة الفجر .... و اذا شبع راحت صلاة العصر ... و عنده دش .... و يكذب كثير ... و اذا صحى الصبح ... مشط اللحيه عادي .... طاح الحطب .... و حلوة الحياة ------------ - المشهد الثالث ( 3 ) : غني و ظالم ..... يطرد المساكين ... و يستغل الضعوف مغرور و فاسق .... و مجلسه عامر .... و كلٍ يبهر له .... و مع ذلك يجمع حسنات من كثر اللي يسبونه عادي .... طاح الحطب ..... و حلوة الحياة ------------- - المشهد الرابع ( 4 ) : يكد ... يدرس .... و يشتغل ... لأجل يبني مستقبله .... تزوج و جاب عيال .... ثم تقاعد صار يسكن في مكان .... و ام العيال في مكان و السبب العيال .... صار دار المسنين بيتهم .... عادي .... طاح الحطب ..... و حلوة الحياة ------------ - المشهد الخامس ( 5 ) : تغازل و تاخذ ارقام ..... و تطلع مع هذا .... و تواعد هذاك .... و يوم طاح الفاس في الراس ..... بكت .... و راحت تشتكي لأمها غدر الزمان .... طبطبت عليها امها و قالت : ولا يهمك .... سفرة لمصر .... و شوية سيوله .... و ترجعين بنت .... عادي .... طاح الحطب .... و حلوة الحياة ------------ - المشهد السادس ( 6 ) : مرفوع الكفن ابيض .... و صاحبه وسط البياض .... بعضهم يبكي .... و بعضهم عادي .... دفنوه .... و تبكبكوا شوي .... و آخر الليل سكارى ..... عادي ..... طاح الحطب ...... و حلوة الحياة ----------- - المشهد السابع ( 7 ) : سيارة مسرعه ..... و تدعس لها هندي مسكين ..... و العسكري صديق الطايش ..... و الخطأ نصه على الهندي .... و الباقي على أبو الطايش .... و في الليل ..... الطايش يلعب بلوت ..... عادي ..... طاح الحطب ..... و حلوة الحياة ----------- - المشهد الثامن ( 8 ) : قارورة مويه ..... ما تضره ..... طايحة في السيارة يناظرها بغضب ..... زعلان منها .... يفتح الشباك ...... و يرميها وسط الطريق ..... و اذا اجتمع مع الشباب قال : متى بنتحضر ؟!! عادي ..... طاح الحطب ..... و حلوة الحياة ----------- - المشهد التاسع ( 9 ) : اهم شي الثوب نظيف ..... و الشماغ مكوي ..... و القلم ماركه ..... و الساعه تضوي ..... و الجزمه جلد .... و السيارة عجب ..... و تلفونه ما يسكت !! ..... إما البنات او البنوك تبي فلوسها ..... عادي ..... طاح الحطب ..... و حلوة الحياة ----------- - المشهد العاشر ( 10 ) : سطحيه و مغرورة ..... غبيه و متكبرة ..... و يا ريتها حلوة ..... تبي زوج مواصفات ...... ما يقول لا ..... و يكره الاستراحات .... لازم وسيم .... و انيق ..... و متعلم ..... و دخله فوق الممتاز ..... و يحب السفر .... و بعد سنين ...... تلاقي نفسها في الانترنت تدور واحد يقبل فيها ..... عادي ..... طاح الحطب ..... و حلوة الحياة ..... ------------ - المشهد الحادي عشر ( 11 ) : فتح الكمبيوتر ..... و دخل للمنتدى ..... كلامه ما يتعدى ان الموضوع روعه و رهيب ...... و هو ما قرأه ولا يعرف كاتبه ..... بس يبي يزيد المواضيع موضوع .... و يزيد همومنا هموم ..... علشان يصير صاحب الالف موضوع ..... و يتميز ..... و المشكلة انه يتميز ..... عادي ..... طاح الحطب .... و حلوة الحياة ...... ----------- - المشهد الثاني عشر و الأخير ( 12 ) : الكذب اثم .... و مع ذلك نستخدمه ..... و ندري ان هذا حرام ..... و مع ذلك نجربه ..... نتذكر السفر ..... السهرة ..... و الفرح ...... و نسسى الجالسين على كتوفنا ...... و نتناسى ان معهم كتاب يسجل افعالنا و نياتنا ...... كل شي محسوب ...... حتى النظر .... نسينا ان ورانا يوم ..... علاماته قربت ..... و مع ذلك كلنا ناسيين ...... ان بقيت على حالك تتناسى ..... لازم تعرف ان ذاك اليوم مب يوم عادي و انت الحطب ..... و ما به حياة ، ،