ياحكومة عندكم (( صندقة )) ؟؟

الله المستعان

75% من الشعب ملك يا ساعي , حسبنا الله ونعم الوكيل

الله المستعان ،،،،

سؤال والله محيرني كثير ولا تقولون انت مطبل ومزمر ومروس شبعنا من الكلام هذا لو الحكومه أعطت الواحد بيت وسياره وراتب شهري وش بقى لقاموس الكفاح وبناء المستقبل في مسيرة الانسان وانا والعياذ بالله من كلمة انا والله بنيت منزل كبير وشريت سيارات وعندي رصيد والله لم احصل من الحكومة لا على أرض لا قرض وأنها من توفيق الله ومن ثم كفاحي وتعبي وهذا الكلام ليس رد على هذا الموضوع والناس كلاً وضروفه بس احببت بأن الانسان لا بد بأن يكافح ويصبر مع التخطيط السليم سوف يتفوق وهمسه في أذن كل عاقل الدولة ليست ملزومه بتأمين سكن لكل مواطن بدون ما يبذل المواطن الجهد المطلوب فعلاً والمنطقي تأمين القضاء على البطاله تامين الصحه الممتازه تامين الأمن مساعدة الايتام والمطلقات في السكن والراتب الشهري المجزئي وبالله التوفيق,,,

يا اخ زاهر. الله يرزقنا ويرزقكم. كلامك منطقي لابد من الكفاح والصبر والاخذ بالاسباب وكل الامور المعينة على طلب المرزق بعد التوكل على الله طبعا لكن ياعزيزي الفاضل ماعتقد زمانك اللي قدرت تبني فيه وتجمع دراهمك فيه وتأمن مستقبل حياتك فيه انه يكون مثل هالزمن الغااااااالي من جميع احتياجات الحياة. زمن اول كل شي رخيص ومتوفر والرواتب هي هي مازادت الا الحين الشي الطفيف والعقار نارل ورخيص ولايقارن بالاسعار الحالية. الحين وش تجمع وكيف تبني ومن وين تجمع دراهم ويكون لك رصيد بمقابل هالغلا بكل شي يا يصير تحكم صارم من الدولة لإرغام انوف الغلا ويرجع كل شي افضل من ما كان او تزيد الرواتب بشكل ملائم للتضخم اللي صاير مع الاستمرارية في الرقابة الصارمة من الدولة على كل فاجر اقصد تاجر الا من رحم الله

نعم يجب الكفاح , اهدار راتبك في تسديد ( ساهر , والكهرباء *الاغلى عالميا * , تسديد رسوم لمواقف السيارات , يجب ان نكفاح لشراء ارض بـ *مليون ريال * وراتبك 3000 ريال , نعم يجب ان نكافح ونفتح مشروع بقاله للتتفاجئ بالتعقيدات الحكوميه , نعم يجب ان نكافح ونشتري سياره اجره للتفاجئ ان من شروط سيارة الاجره ان تكون ( المكينه 2000 سي سي !! ) يجب ان نكافح نعم حتى لو جلست من النوم وشفت رساله في جوالك ( مخالفه بـ 900 ريال ) وانت ما عندك سياره , نعم يجب ان نكافح زيادة الراتب 15% ويرفعون الاسعار الاستهلاكيه 40% , نعم يجب ان نكافح سرقات الاتصالات اليوميه ونهب جيوب المواطنين , نعم يجب ان نكافح وان نسدد اجار لمدة 50 سنه لاصحاب العقارات * معروفين اصحابها * , يجب ان نكافح ونترك بلدنا ونطلب الوظائف في دول خليجيه واذا تم توقيع العقد التوظيف * يأتي الرفض من الحكومه * - ليش ما تشتغل في البلد مليان وظائف - و 4 مليو عاطل وين الوظائف ؟ , يجب ان تكافح وتدفن راسك في التراب مثل النعامه وتقل * الحكومه ما قصرت * شعب منافق وكذاب الشعب السعودي مثل ( جمهور التفحيط , يصفقون لك وانت تفحط , واول ما تصدم سبوك وطردوك من الساحه ) وهذا يطبق على الحكومه حاليا

سؤال للجميع .... كيف الامارات امنت لكل واحد من شعبها بيت واحتفلت بعد أخر واحد اخذ بيت مع العلم هذا الكلام له مده طويله يعني بزمن زايد الله يرحمة ويرحم امة المسلمين وحنا عدد سكاننا مايتجاوز ال 16 مليون نسمة اي مايعدل 5 مليون عائلة والدولة ادامها الله عندها الخير الي يسد لهذا العدد وزياده مرتين واكثر ماشاء الله .؟ والحل عند الدولة واعتقد الحل بسيط جدا لاتعطون لا ارض ولا قرض خلونا ننطق لحين ما الله يفرجها . المثل يقول انت تريد وانا اريد والدولة تفعل ماتريد ... يعني هي ابخض وشكلها متمسكه بالمثل اللي يقول جوع (....) اكرمكم الله يمشي وراك .

اخ زاهر يقول وهمسه في أذن كل عاقل الدولة ليست ملزومه بتأمين سكن لكل مواطن بدون ما يبذل المواطن الجهد المطلوب فعلاً والمنطقي تأمين القضاء على البطاله تامين الصحه الممتازه تامين الأمن مساعدة الايتام والمطلقات في السكن والراتب الشهري المجزئي وبالله التوفيق وانا اقول طيب هل حصلت حتى هذه يازاهر ؟؟