وين وصلنا بقضية سعود وناصر القوس

http://www.mstaml.com/forum/fr.php?i=213633

لكل نبأ مستقر وسوف تعلمون !

ماتوا رحمهم الله بعد المطارده

انا اعطيك العلم الي تسند علي فيه باسمي بس انت علمني اول وش دخلك بالسالفه وش تدور بالضبط

يبي يعرف زي اي واحد ايش صار ولا السؤال في الموضوع دا ممنوع
هههههههههههههههههههههههه

اسال الله لهم الرحمه فاجعة واي فاجعة اكيد مصيبة ان يموت اثنين من ابنائك
واللي ماجرب فقد الابن رحم الله ابني نتيجه اهمال طبي
اما الاخوين انا مستغرب شدة الاهتمام بالموضوع
ليش
قسم بالله وكانه اول جريمه على وجه الارض ولم يمت انسان قبل كذا
طيب الاف ماتو باخطاء طبيه وينهم عنهم
الاف ماتو مالقوا اسرة
وحسب ماسمعت ان الهيئة ماهي يمهم مستعجلين بموضوع اخر والتسجيلات تثبت ذلك بس هم هربوا
اللي صدمهم باكستاني وهو بالتوقيف
بس خنازير العلمانيين ماصدقو طرف خبر ان الهئية لها طاري بالموضوع
حتى راعي الصدر العاري جاي يعزي ينطق الف كلمة بالدقيقه مسرع شوي
يريدوا اهل الفجر والفسوق ان تعم الفاحشه المجتمع اخزاهم الله واخزا من ناصرهم بطرف حرف

يا راجل انت مقتنع انه الباكستاني صادمهم جات علي الضعيف دا وتنسوا المخطيء الامر جنائي ومذكور ذلك في جريده عكاظ وموظفي الهيئه موقوفون الاهتمام لأنه كثرت اخطاءهم لأنهم بشر يخطئون ويجب ان يحاسبوا

الربذي اي باكستاني صح !! سبحان الله اللحين الناس صارو يحطون المشايخ في نفس منزله الانبياء والعياذ بالله . نذكر سالفة العريفي يوم طلعو الناس شوي ويعبدونه اعوذ بالله زي زمن الجاهلية يوم كانو يعبدون اصنام ناس صالحين. فيه مقطع في اليوتوب روح شوف الباكستاني اللي صدمهم اذا انك صادق . الهيئه صدمتهم وهربت حسبي الله على السواقين اللي ما يخافون الله وانا اطالب بالقصاص من السواق اللي صدمه يجب محط رقبته ليكون عبرة لغيرة ويفكوننا من المطاردات

يا جماعه صلوا على النبي ..
الإستعجال والخوض في أمور أشياء ما تبينت .. وقد توقع الشخص في خطأ أو إثم ..

الهيئة ليسوا معصومين .. والشباب إن صح هربهم فمخطئين ..

القضية لم يبت فيها بعد ..
من دافع عن الهيئة فهو يدافع عن ركن من الدين "كشعيره" ولا يدافع عن الأشخاص ..
ومن يهاجم الهيئة فليهاجم أيضا الدوريات الأمنية في حادثة سدوس وشقراء قبل أمس ..
ولنأخذ الأمور بقدر ..ولا نسبق الأحداث ..
فقد رأينا كثير من الخوض في حادثة الباحة والتهم الموجهه للهيئة ثم رأينا براءتها ..

ان من دافع عن الهيئة فهو يدافع عن ركن من الدين "كشعيره" ولا يدافع عن الأشخاص .
صدقت
والاخams افهم كلامي زين اي شيخ قلت انه معصوم اعوذ بالله حطيتني رافضي
لايااخ انا لست مع الخطاء ورجال الهئية سبق وان جرجروني للقسم عشان شي ماسويته وظلموني وخربوا تمشيتي بس كل شخص يمثل نفسه ولا ادور عليهم الزله يقتل شهريا مامعدله 7 اشخاص قتلا بسبب هوشات وسو فهم ويقتل الكثير وهم يدافعون عن اعراضهم في بيوتهم لم نسمع عنه الا خبر عابر
تسالي ليش الان اسبوعين تقريبا كل مافتحت نت ولا واتس ولا اي وسيلة اعلاميه الا هذا الخبر هو الاكثر نقاش
والله ماهمهم دم مسلم اريق اذا فعلا هم السبب فليس عمدا
لكن جاء على هواهم الهيئة اخطاءت فررررررررررررررصة لاتعوض
اضحكني تبرير احد الجهله لمواطن باع رشاش لاثيوبي متسلل مجرم بحفنه من المال تبريره يقول يمكن ان امه ولا ابوه مريض ويبي يشتري في ثمنه علاج ههه لازم تعالج من هنا وتقتل من هناك

معليش سؤال :
هل كان مطارد من قبل الهيئة ؟ هل الهيئة اعترفوا أنهم كانوا يطاردونه ؟
لو فعلا كانوا يطاردونه ماهو السبب ؟
يمكن يكون شخص قاطع إشارة وصدمه ليموزين وصادف مرور دورية الهيئة قاموا الكذابين لزقوها بالهيئة .
أما المقطع فكذاب يا ويله من الله مقطع عادي مافيه لا صدم وبل شيء بس المعلق يتكلم .
بدون ما نتكلم على فلان وفلتان وبدون ما ارفع ضغطي بالرد على بعض الكتابات السامجة ننتظر نتائج التحقيق وبس .

سؤال : هل زكروا اسماء سائقي سيارات الهيئة الزين تسببوا بقتل الشابين

الله يرحمهم ويغفر لهم

ولا يسامح من يحاول ان يقتات على دم هولاء الشباب سواءً من طرف الهيئة او ممن اشاع القضية .. ويحاول ان يصطاد بها ..

طيب اشوف الخبر كل يوم بالجرائد خاصه الجزيره والرياض ( كل هئولاء علمانيوون؟؟؟؟ )
انا ما اقر احكم ع احد لاني لا امتلك اي معلومات لكن امرهم محير مافي كلام رسمي اكيد
الهيئه قالت هئولاء الخمسه ليسو من المحتسبين
هذا الي شفناه بس

آخر ما وصلني أنهم رجعوا لكميرات مراقبة صورتهم وطلع الحادث تصادم بينهم وبين ليموزين وتم إطلاق سراح الموقوفين من الهيئة ...
عموما كنت متأكد أنه تلفيق على الهيئة والله لا يسامح كل كذاب .

نتائج التحقيق انتهت من اليوم الثاني للحادثة نظرا لوضوح البيانات والوقائع وتوفر الشهود .. ومن اراد يرجع لتعليقياتي على هذه المواضيع كانت واضحة وضوح الشمس وواثق من المجريات .. لكن هذه المشكلة اظهرت اناس بمستعمل كنت احسبهم مع الحق . ولكن صفائح الوجوه تفضحها فذلكات الالسن وساضع بوجوههم دائرة بداخلها X وعلى الباغي تدور الدوائر ... ونتائج التحقيق معاينة معي وليخسأ الخاسئون من منافقون وليبراليون وعلمانيون .

عالم عميا ومتعصبه بغباء
المخطي يمثل نفسه مو الجهة اللي يمثلها
العلمانيين حطو كل الهيئة شياطين وكلهم تخلف ( والله يذكر تغريدة الوليد بن طلال بالخير ! )
والمتشددين ربعنا حطو كل الهيئة ملائكه ولاعمرهم غلطو ! ( والله يذكر المحامين المتشددين اللي ثاني يوم شكلو فريق كامل لدفاع عن اعضاء الهيئة وهم مايدرون عنها )
بالاول والاخير اللي صار نفسين ازهقو ولاثبت تورطهم في شي كبير حتى وان هربو ما لاي جهاز صلاحية يطاردهم ويعرض المسلمين اللي بشوارع واللي مالهم ذنب للخطر ثاني قضية لاعضاء في الهيئة بعد قضية الروضة اللي من ثلاث سنين واخرتها ذابحين واحد ليش يفك لوحته الاماميه !!
المفروض تكون المطاردة لقضية كبيرة مهرب مخدرات اختلاء ومو لوحدهم بمتابعة الشرطة ودعمهم وبعد يختارون ناس كبار بسن ناس عاقله مو شباب توهم ماوصلو 30 سنه اقسم بالله ان لنا بيت قريب لمركز هيئة الروضة واني شخصيا بغيت اصدم مرتين يجيك مدرعم بسياراة الهيئة يمشي فوق 100 داخل حي سكني!
اللهم أرنا الحق حقا وأرزقنا اتباعه وأرنا الباطل باطلا وأرزقنا اجتنابه

ايش صار بالقضية

يستفزني أسلوب كثير من إلى ما عندهم حجه إنه يقول على الطرف الثاني ( علماني ) حجه الضعيف رجال الهيئة هم للأسف من وضعوا نفسهم موضع الشبهات والإتهام بسبب أخطائهم الكثيره والبعض منها أعتبرها جرائم لأنهم تسببوا في قتل البعض وإصابه الآخرين ولو كان الهدف نبيلا وآخرها دخول أحد رجال الهيئة لأحد حافلات الطلبه دون سبب (بنات ) ما ادري ما هي نيته و الدعوه ليست بالعصى ولكن بحسن التعامل صدقوني رجل الهيئه أصبح صوره سيئة بالرغم من أني أري فيهم الخير و الفائده ولا يستطيع أحد أن ينكر أعمالهم الجيده التي تحسب لهم ولكن لديهم خلل لا أعلم ما هو لكن يجب أن يعالج وإلا أصبحوا عضو فاسد يجب بتره
و الدعوه بالموعظه الحسنه ليس بالعصي و التهديد و القتل وإيذاء الناس

نحن لا نتحامل على الهيئه فيهم الصالح ومنهم المخطئ ويكفينا ما نراه منهم باعيننا في المولات و الشوارع
اغرب حاجه شاهدتها ان بعض .منسوبي الهيئه يصرخون صلي يا فلان بالشارع علنا وهم قد فرطوا بالصلاه مع الجماعه الناس تصلي و هم بالسياره فاقد الشيئ لا يعطيه . ولا ام المناكير مش كفايه