وقت زواجك هل قدمت تنازلات في شرط الجمال

سمعت من جدتي مثل وكنت دايم اردده بيني وبين نفسي

( اذا عشقت اعشق قمر واذا سرقت اسرق جمل )

مدام اني راح اخسر مصاريف زواج وقروض وظهري ينكسر الافضل اكيد للجميله يعني بعد هالتعب اتصبح بوجه صبوح وحلو ولو صار ما صار قدها جت من رب العالمين

انا صح مني مقتنع بكلامي لاني شفت بنات مهم جميلات بس قلوبهم بيضه واصفى من العسل
والجميلات فيهم غرور ويا ارض هدي ما عليكي قدي

حيرتك صح ؟؟

عموما لو بغيت الفرفشه خذ المملوحه ولو بغيت الدلع والزين خذ الجميله

ولك حريه الراي

لاتبحث عن الجمال اخواني متزوجين جميلات وندمانين الى اذا كنت انت جميل جدا يمكن جمالك يشفع لك عند الجميله

حبيبي الجمال شرط لكن الدين اهم

ولا فرق بين الجميلة والمتوسطة الجمال (عندما تطفي النور) ولكن هناك فرق في الدين

خل حرصك على الدين ومن وجهت نظري انها تكون بيضاااء اما الجمال الشديد لا يهم

موفق

هههههه الله يعطيكم العافية وش قصة تطفية النور ذي بكل مكان اسمعها

ديننا الحنيف لم يترك شئ الا وتكلم عنه
فقد قال صلى الله عليه وسلم : ( تنكح المرأه لأربع . لمالها ولحسبها ولجمالها ولدينها . فاظفر بذات الدين تربت يداك )
حديث الرسول صلى الله عليه وسلم شامل وكامل
اخي نظرة الوالده والاخوات الله يحفظهم ماهي مثل نظرتك انت
الوالده ممكن ان تنظر لها بنظرة الام وما تتمناه لابنها وكذلك الاخوات لهن نظره خاصه لربما لا تناسب نظرتك وما يراه الاهل غير جميل احيانا يكون رأي الابن فيه معاكس
انصحك انه وفي حال وجدت الوالده البنت المؤدبه صاحبة الدين واعجبها اخلاقها وعائلتها. ان تطلب النظرة الشرعية لها لربما تجد فيها ما يناسب ذوقك الخاص
بالتوفيق ولا تنسى الاستخاره في كل امر وكل خطوه تخطيها

جزاكم الله خير

الدين والخلق اهم ويرضو ان كان شرط اساسي الجمال فلا تتنازل عن هالشرررط نصيحه
والنظره الشرعيه
انا كفتاه الشكل المقبول لااايقل اهميه عن الدين والخلق
اخر المتقدمين قبل شهرر وبعد استخاره ومرادد وافقت وبما اني من عائله شختك بختك فمااشفته الا اتي اسمع انه على خلق ومن هالكلام وانه وسييم والمتخلف قهرني ماطلب حقه بالنظره الشرعيه
ماشفته الا عند عمل التحاليل الطبيه اختلس النظرات خلسه

مع الوالد شفته وربي اني حسييت بضيقه وخيبه امل المهم عملت التحاليل وانا خلااااص
المهم انتهى الموضوع مني وصارت مشاكل وحمدت الله وسجد شكرر انو مافي نصيب
رغم التطابق .

هذا خامس متقدم وحلفت بالله العظيم عند الوالد مااااااتزوج الا بنظره شرعيه من حقه وحقيي وهذا الشرررع تكلمت وانا فااض بي الكيييل من هالتخللللف لمتى

وبفضل الله اختي بعدي بايام نظره شرعيه لمتقدم وربي وفقهاا
وقريب عقد القران

اقسسسم بالله وانا بنت ماتزوح والا اوافق الا بنظره شرعييه
فكيييف بالشباب لاحد يتساهل فيها نصيحه
ايش يمنع يكتمل اادين والخلق والجمال
وكل شي قسسمه ونصييب


فيه احد الردود قال شي مهم مرره هو نظرتك تختلف عن والدتك واختك بجد
رايي الصريح ومن وااقع مريت فيه
الله يوفقك ويعينك وتقدر تكسر قاعدة شختك بختك

بارك الله فيكم

تدري وين المشكلة ..
المشكلة لو لقيت هالمزيونه اللي تطير العقل على كلام اهلك .. وتعلق قلبك فيها وبديت تنسج خيوط الامل وتبني جسور الحب وتفكر بعش الزوجية معها ,,, وخطبتها رسمي وفجأة !!
يكرشونك .. نعم يكرررررشونك , لحظتها وش موقفك !!

الزين وانا اخوك زين الاخلاق والفرفشة وخفة الدم والباقي يروح وتمل منه مع الوقت . . .
واسأل مجرب ..
ويمكن تعجب اهلك بس ماتعجبك .. بالتوفيق يابطل

اشكركم جميعا

الجمال ممكن ان يزول مع تقدم العمر اما الدين والاخلاق فباقيه ان شاء الله

بارك الله فيكم

انا ارى ان الجمال اهم من قوة الدين .. لانك ممكن تعلمها الدين وتقوي ايمانها اما الجمال فالشينه شينه وربي لو تقاول على وجها شركة ابن لادن ما يقدرون يرممونها ..

اخ drk بزماننا ووقتنا هذا اختلفت معايير الجمال وتعددت الاساليب التي تجمل من الانثى فانظر الى اغلب المشاهير باشكالهم الحالية وقارنها باشكالهم قبل عمليات التجميل ترى العجائب انا انصحك ان لا تقف عند بعض الامور بشكل المرأة كشكل الوجه وتفاصيله او اللون مثلا لان هذه الامور من السهل جدا تغييرها لما يناسب كل ذوق وتختلف نظرة كل شخص عن الاخر لموضوع الجمال فهو امر نسبي اما باقي الامور الاساسية مثل الطول والقوام والبدانة مثلا فهي امور هامة لايمكن تغييرها ولا ينصح بالتنازل عنها وطبعا اتفق مع اغلب المداخلات التي تنصحك باختيار ذات الدين والعقل والتربية وان اجمتعت مع جاذبية الشكل تكون من المحظوظين في الحياة

الله يعطيكم العافية

بقلم: faisal1111
استغفر ربك ترا الله الي يخلق لاهو انت ولا انا ولاغيرنا والدين مافيه شي اسمه تعليم قلب العبد بيد الله يقلبه كيفما يشاء

بارك الله فيكم

جزاكم الله خير

غريب أنه يوجد من يخالف أمر الله في شعيرة من شعائر الشرع والحياة !