وصلتني هذه الرسالة من التأمينات الاجتماعية تكفون اللي يعرف يفيدنا بارك الله

وعليكم السلام

العامل ممكن من عمالتك وماسجلته او سافر خروج وعوده ولم يعد وماسلمت اقامته للجوازات لاسقاطه من سجلك او عامل نقلت كفالته عليك

على العموم ادخل اون لاين التأمينات

خانة
إضافة / استبعاد مشترك

اخر اختيار
إكمال بيانات مشترك غير سعودي مسجل آليا (0)

اضغط على الاختيار ويحولك لصفحه فيها بيانات العامل الغير مسجل تأكد منه واذا هو على كفالتك اكمل بياناته ومنها الراتب ويجب لايقل عن 400 ريال

ومبلغ اشتراكه راح يكون 2% (اخطار) من الراتب اللي سجلته واضفها مع المبلغ اللي تدفعه
سابقا وسدد

والسداد يكون عن طريق اي حساب في اي بنك ورقم السداد او الحساب هو نفسه رقم اشتراكك بالتأمينات واضافته مثل اضافة فواتير الخدمات الكهرباء والاتصالات وغيرها

الله يعطيك العافيه اخوي خالد الشرقية وجزاك الله الف خير على التوضيح

هو فعلا في عامل سافر خروج وعوده بس للحين مارجع وراح يجي الاسبوع الجاي ان شاء الله
وانا ماسجلته لان وده خروج نهائي حسب ماقال لظروفه الخاصه
(( وحاولت ادخل الحين الموقع بس الظاهر فيه مشكله مايستجيب بحاول بعدين ان شاء الله ))

الشي الثاني اخوي رقم اشتراكي بالتامينات فيه حرف S وبعدها 11 رقم
كيف اقوم بالسداد بهذه الطريقة يعني لو رحت الصراف ايش اختار
وجهني لان ماعمري قد سجلت فواتير عن طريق الصراف وهل ادخل الـ11 رقم وحرف S والا كيف ؟؟
بارك الله فيك او من لديه معلومه يفيدنا

وفقك الله اخوي خالد الشرقية

تسلم يالغالي

بخصوص رقم الاشتراك يتكون من 9 ارقام فقط

والرقم اللي بدايته S هذا رقم اليوزر مع رقم الاشتراك

احذف الS واخر رقمين يطلع رقم اشتراكك

مثلا رقمك زي كذا
01(666666666)S

الرقم اللي بين الاقواس هو رقم الاشتراك

وفقك الله اخوي لما تحب وترضى
الحين عرفت رقم الاشتراك اللي اسدد من خلاله جزاك الله خيرا

ومتابعه لما سبق
الحين بعدما كان الموقع بطيء رجع واشتغل
واخترت مثلما قلت لي
إكمال بيانات مشترك غير سعودي مسجل آليا (0)
ضغطت عليه طلعت لي الرسالة التالية :
لايوجد سجل مطابق لمعايير البحث المعطاه
ومافي أي عامل اقدر اضيفه !!!!؟؟؟

اجل لازم تسجله بنفسك من نفس خانه اضافه / استبعاد مشترك
فيه اختيار اضافه مشترك غير سعودي اضغط عليه واكمل التسجيل

الله يعطيك العافيه اخوي خالد الشرقيه

يعني لازم اسجله بنفسي.... لاني ماسجلته زي ماقلت لك في البداية الرجال وده خروج نهائي عشان كذه ماسجلته

طيب اخوي ولو ثقلت عليك
الحين مثلا وقت السداد لما اروح على الصرافه ايش اختار
انا عرفت ان رمز السداد للتأمينات 060
لما اروح على الصرافه ايش اختار لو عندك خلفيه افيدنا بارك الله فيك

تروح لاضافه الفواتير وتختار الاضافه برمز الشركة وتدخل رقم سداد التأمينات 060

وبعدها تدخل رقم الفاتورة اللي هو رقم الاشتراك ويطلع المبلع المطلوب وتسدد

الله يعطيك الف عافيه اخوي خالد الشرقيه على توضيحك

وسؤالي الاخير ان شاء الله هههههههه
اذا كنت سجلت العامل الاخير هذا كانت الامور بتمشي معي
يعني هل لازم جميع العمال اللي على كفالتي اسجلهم بالتأمينات والا مو لازم ؟؟

ولا يهمك خذ راحتك

وطبعا لازم تسجل جميع العمالة اللي على كفالتك لان التأمينات مربوطه آليا

مع مكتب العمل والجوازات واي عامل على كفالتك وماسجلته راح تجيك رساله

مثل اللي ذكرتها تطلبك بالتسجيل يمكن بعد يوم او شهر او اكثر انت وحظك

بارك الله فيك اخوي خالد الشرقيه ووفقك الله

كفوا والله ماقصرت كفيت ووفيت يالغالي