| جميع الحقوق محفوظة © |

وش فايدة بيت المال والزكاه مدام في فقر ؟؟

من يوم عرفت نفسي وانا اسمع ببيت المال والزكاه ؟؟

طيب وش فايدته وين تروح امواله بظل وجود عدد كبير من الفقرا والارامل والى ما عنده بيت وغذا

انا ما اشكك بنزاهه الدوله بس ما عمري سمعت ان بيت المال والزكاه ساعد فقرا او خصص لهم رواتب ومساعدات واغذيه

ما غير الضمان الاجتماعي

حاولت ابحث وابحث عن بيت المال والزكاه لقيت ان بيت المال كان ايام الرسول والصحابه يساعد الفقرا وكلها قصص جميله

بالله احد يفهمني وين تروح مخصصات بيت المال

وقريت قبل فترة مقال لشيخ عايض القرني وطرح فكره تخصص رواتب شهريه للفقرا من بيت المال ولكن لا مجيب

هل في مانع لهذا الشي ؟؟ وليه ايام زمن الصحابه كان الخير كله يذهب للفقرا والمساكين من بيت المال

الان لو نطلب مساعده يقولك قدم معروض ولا يمنو عليك مع ان في شي اسمه بيت المال للمسلمين

يعني مالي مخصص او جزء بسيط من بيت المال اذا كنت فقير ولا لازم شغل طراره وشحاته من عند الامراء

انا اتكلم بشكل عام ولازم نناقش هذا الموضوع

تحياتي للجميع

الردود
نقاشات مشابهة
الكل: 5
1.
19:48:49 2013.05.10 [مكة]
هههههه يافهد وسع صدرك كل شي خربان تدقق على هذي اشياء كثره وش الفايده منها عندك مكافحة الفساد عندك وزاره الاسكان وغيرهم كثير ياليت واقفه على هذا الشي الله يصبر المواطن
2.
عضو قديم رقم 316684
08:08:11 2013.05.11 [مكة]
الموضوع فيه سرخطير فيه مستفيدين من الافساد بين الراعي والرعيه ثالث دولة منتجةومصدرة للبترول اضخم ميزانية وفي النهاية يتحدث الوزير ان عددالعاطلين عدد لايقلق ولايوجدسعودي لايملك سكن ووالاخريتشدق ان افقرسعودي في رصيده مليون ريال عطني بيت ملك وسيارة ووظيفة ومليون وماعاد تشوفني
3.
عضو قديم رقم 227898
11:42:06 2013.05.11 [مكة]
دبوس فاشل
4.
12:03:33 2013.05.11 [مكة]
للأسف بعض التجار يتهرب من سداد زكاة المال وذلك عبر طُرق ملتوية بأن يبيع ( عقارته ) قبل حلول الحول عليها ... وبذلك تُسقط عنه الزكاة او يكون مسؤول كبير ولا يستطيع احد مطالبته بالسداد .. أو يكون رأس المال المسجل لدى ( وزارة التجارة ) قليل مقارنة بالنشاط أو الدخل ف يتم تحصيل مبلغ زهيد مقارنة بالارباح لصالح الزكاة والدخل ... !!! اما بيت مال المسلمين ( زمان ) ف يعتبر اليوم هو ( دخل الدولة ) بمعنى أن ما يتم إدخاله لخزينة الدولة يعنبر ( مال المسلمين ) .. ف بدلاً من أن تصرفه الدولة بمنح مبالغ مباشرة للمسلمين يتم إستثماره وعمل مشاريع لخدمة المجتمع من مستشفيات ومدارس وطرق وغيرها ...... ولكن كم يدخل ... وكم يخرج ... وفين يروح .... الله اعلم
5.
14:47:41 2013.05.11 [مكة]
3. بقلم: بروزاك قبل 3 ساعات ودقيقتين دبوس فاشل __________ دبسو راسك بزراديه قول امين تكلم عن الموضوع وناقش زي الاوادم ولا تتهم او تشكك باحد ما ضيع هالديره الا هالعقول المغفله وش استفدنا الان من رايك العقيم قول خير او اصمت باقي الاخوان مشكورين على ردودهم وكل واحد يدل على عقليته